Föst leikatriði. Þór/KA sótti í sig veðrið undir lok leiks og létu föstu leikatriðin telja. Tvö mjög góð mörk eftir horn- og aukaspyrnu.

Dekkning ÍBV á Söndru Stephany í hornspyrnunni þar sem Þór/KA komst í 2-1. Alein á fjær þar sem varnarmaðurinn var límdur við að passa stöngina. Máttu allra síst gleyma mexíkanska markaskoraranum þar, hún refsar við svona gjafir.

Þór/KA styrkir stöðu sína á toppnum enn frekar með þessum sigri. 18 stig eftir 6 leiki er frábær árangur. ÍBV liðið er hinsvegar í miðjumoði og þurfa að tengja fleiri sigra saman ætli þær sér að teljast til toppbaráttunnar í sumar.

Zaneta Wyne. Byrjaði frábærlega en eftir að hún fékk á sig vítið var hún í basli lengst af. Adelaide Gay í marki ÍBV varði vel langskotin en hefði átt að gera betur bæði í fyrsta og þriðja marki heimakvenna.

Þokkalegasta frammistaða hjá Aðalbirni. Fannst þó töluvert mikið af "litlum" dómum, eins og innköst sem voru bara kolröng. Vítið hárréttur dómur en aðstoðardómarinn tók fram í fyrir hendurnar á Aðalbirni þar.