Markvarsla Evu Ýrar í marki ÍR. Eva hreinlega lokaði markinu í fyrri hálfleik og hélt hreinu þrátt fyrir harða ásókn Keflavíkur. Hún varði meistaralega nokkrum sinnum og tvisvar einn á móti einum. Öryggi Evu smitaðist út í vörn ÍR sem tók allt sem hún tók ekki en þær lágu aftarlega, gáfu ekki færi á boltum innfyrir vörnina og sóttu svo hratt.

Skiptingin á Söndru Dögg fyrir Ástrósu í hálfleik. Sandra Dögg kom virkilega sterk inn og byrjaði strax að djöflast og skapa hættu. Hún skoraði svo annað mark ÍR sem breytti leiknum töluvert en Keflavíkur stelpur duttu töluvert niður eftir þetta annað mark.

Það eru einungis búnar þrjár umferðir af 18 í deildinni svo úrslitin í dag hafa engin gríðarleg áhrif á stöðu beggja liða en ÍR lagar þó stöðuna sína örlítið og fer upp um eitt sæti úr því 9. í áttunda. Á meðan falla Keflvíkingar niður um eitt sæti úr því 3. í fjórða.

Vörn Keflavíkur. Vörnin var ekki nógu þétt, ÍR-ingar sóttu lítið í fyrri hálfleik en tókst samt að komast í gegnum vörnina og skora mark. Í síðari hálfleik voru þær mikið í kýlingum fram á við í stað þess að spila í gegnum miðjuna sem gerði það að verkum að miðjan sást lítið.

Árni Heiðar virtist óöruggur í dómgæslunni í fyrri hálfleik. Þá var kominn hiti í leikmenn og hann hafði litla stjórn á leiknum og dæmdi í nokkur skipti á eitthvað sem hann hefði alveg mátt sleppa. Seinni hálfleikur var þó betri en hann þurfti að hljóta töluvert mótlæti úr stúkunni sem hann tæklaði ágætlega.