Stjörnumenn voru mikið betri í 80 mínútur í þessum leik og áttu að klára leikinn á fyrsta hálftímanum. Þeir gátu drepið leikinn með öðru marki en í staðinn refsuðu Skagamenn með marki rétt fyrir hálfleik. Það sama gerist í síðari hálfleik; Stjarnan nær forystunni en drepur ekki leikinn og manni er refsað fyrir það í Pepsi deildinni og Skagamenn jafna á ný rétt fyrir leikslok.

Dauðafærið hjá Garðari á 90. mínútu, markamaskínan og stjarna Skagamanna gat stolið öllum þremur stigunum en hitti ekki boltann í dauða dauða færi!

Stjarnan situr í þriðja sæti deildarinnar með 14 stig þeir þurfa að rífa sig í gang fljótlega og fara safna stigum ef þeir ætla eiga möguleika á toppnum. 1 stig af 12 mögulegum síðustu fjóra leiki er slæmt. Þeir eru komnir 6 stigum á eftir toppliði Vals sem situr í efsta sæti með 20 stig eftir 8 umferðir. Skagamenn eru að safna að sér stigum hægt og rólega og eru komnir með 8 stig í 11 sæti . Liðið er að ná betri og betri takt í sinn leik það er mikið eftir af mótinu en með svona úrslitum og baráttu ættu þeir að halda sér í deildinni.

Hörður Árna átti ágætis leik í dag en gerði sig sekan um mjög slæm mistök í lok fyrri hálfleiks sem að orsakaði mark og hleypti Skagamönnum inn í leikinn.

Jarlinn hafði góð tök á þessum leik og dæmdi hann vel