Krafturinn í Stjörnukonum gerði útslagið í dag. Leikurinn var aldrei í hættu og Haukastelpur réðu ekki við gríðarlegan sóknarþunga Stjörnukvenna.

Mark tvö hjá Stjörnunni. Eftir annað markið var ljóst að Haukar kæmu ekki til baka.

Stjarnan saxar aðeins á Þór/KA sem gerði jafntefli áðan. Ef Stjarnan heldur áfram af þessum krafti og mótið opnast örlítið meira þá eiga Stjörnukonur enn góðan séns á harðri baráttu um titilinn. Haukakonur hinsvegar þurfa að ná sér í stig og eiga mjög mikilvægan leik í næstu umferð gegn Grindavík. Það er í raun skyldusigur ef þær ætla sér að spila í Pepsi að ári.

Það var kannski enginn sem átti framúrskarandi vondan dag en Heiða Rakel Guðmundsdóttir klúðraði tveimur virkilega góðum færum. Hún gerði vel í aðdraganda beggja færanna en það verður að klára svo þau telji.

Andri Vigfússon ákvað í þriðja marki Stjörnunnar að snúa ákvörðun Viktors Péturs aðstoðardómara sem veifaði rangstöðu. Viktor var í mikið betri stöðu til að taka ákvörðun enda var hún rétt hjá honum og hann í línu. Þau myndbrot sem við fengum að sjá í hálfleik sýna að þetta var rangstaða. Viktor fær prik en Andri fær 3 í mínus á móti. Það verður spennandi að sjá hvort einhver hafi náð myndbandi sem sýnir þetta 100%.