Sóknarleikur Blika. Með Fanndísi og Svövu hvora á sínum kanti og Berglindi í stuði og hörku duglega miðju var varnarlína FH ekki í öfundsverðu hlutverki. Með hraða sínum og krafti eru þær ótrúlega beinskeyttar og þær voru of stór biti fyrir ungt en bráðefnilegt FH lið í dag.

Vítaspyrnan í stöðunni 0-0 sem FH fékk. Rannveig vill væntanlega gleyma þessu sem fyrst.

Eftir leiki kvöldsins þar sem Þór/KA gerir jafntefli við Val munar nú aðeins fjórum stigum á Þór/KA og Breiðablik. Þessi tvö lið mætast einmitt í næsta leik í algjörum toppslag þar sem Breiðablik gæti minnkað muninn niður í eitt stig! FH liðið siglir enn lygnan sjó með sín 12 stig um miðja deild. Liðið hefur tapað síðustu þremur leikjum sem hafa reyndar öll verið á móti liðum í efri hlutanum. Orri hefur væntanlega ekki stórar áhyggjur meðan að liðið hans er að vinna liðin fyrir neðan sig eins og FH hefur gert í sumar.

Ég hefði ekki viljað vera varnarlína FH í dag, það verður að segjast. En fyrir utan það að eiga í bölvuðum vandræðum við sóknarlínu Blika í dag þá voru þær líka lengi að færa sig framar á völlinn þegar FH loksins vann boltann. Fyrir utan það þá komu allavegana 2 mörk Blika eftir að Lindsay hafði varið frábærlega svo hún hlýtur líka að vera hundsvekkt út í sínar konur að horfa bara á Blika og koma boltanum ekki í burtu

Fínt hjá honum