Selfyssingar fá mark á sig snemma leiks sem kannski eftir á gerði bara gott fyrir þær. Náðu inn gríðarlega mikilvægu marki rétt fyrir lok fyrri hálfleiks. Það sást í rauninni þegar Selfyssingar komu til leiks í seinni hálfleik að ekkert annað en sigur kom til greina. HK/Víkingar náðu smá áhlaupi eftir 2. mark Selfyssinga en Selfyssingar gerðu vel eftir það og sigldu 3 stigum heim.

Sigurmark Selfyssinga kemur stuttu eftir að Alex Nicole kemur inná hjá Selfyssingum. Kemur með gríðarlegan kraft í leikinn og vann hornspyrnuna á frábæran hátt sem sigurmark Selfyssinga kom útfrá.

Selfyssingar ætla sér bara að vera með í þessari toppbaráttu og eftir sigurinn í kvöld er liðið einungis einu stigi frá 2. sætinu sem gefur sæti í Pepsi-deildinni. Enginn heimsendir fyrir HK/Víking. Enn í fínni stöðu.

Tjaa.. Við getum orðað það þannig að það er ekki Chante markmanni Selfyssinga að þakka að Selfyssingar fara með 3 stig héðan í kvöld. Leit mjög illa út í marki gestanna og svo þetta atvik sem má sjá í textalýsingunni sem kom á 78. mínútu. Chante á góðum degi besti markmaður deildarinnar, getur því gert mun betur en hún gerði í kvöld.

Það er ansi lítið sem ég get sett út á dómaratríó dagsins. Ekki kannski mjög krefjandi leikur en þrátt fyrir það skiluðu þeir sinni vinnu ansi vel í dag.