Einbeiting Valsmanna á að ná í þrjú stigin í dag skóp sigurinn. Víkingar voru þéttir varnarlega og skipulagðir en týndu þeim eiginleika á augabragði þegar Bögild skoraði. Menn gleymdu sér í nokkrar sekúndur og var refsað fyrir það. Valsmenn voru alls ekki sannfærandi en þeir gerðu nákvæmlega það sem búist var við af þeim.

Bjarni Ólafur Eiríksson var á gulu spjaldi er hann tók Milos Ozegovic niður og átti þar líklegast að fá sitt annað gula spjald en dómari leiksins dæmdi ekkert.

Valsmenn hafa verið magnaðir á þessari leiktíð og er á toppnum eftir sigurinn. Það er góð holning á liðinu og þegar litið er á spilamennskuna þá er alveg óhætt að veðja á að liðið standi uppi sem Íslandsmeistari í ár. Víkingar voru á meðan að tapa sínum fyrsta leik síðan í maí.

Sigurður Egill Lárusson hefur átt betri daga í sumar. Hann hafði frekar hægt um sig. Geoffrey Castillion var ekki að finna sig í sóknarlínu Víkinga. Virkaði þreyttur og er enn að ná sér eftir meiðsli.

Var ekki góður í dag. Sleppti rosalega stórri ákvörðun að vísa ekki Bjarna af velli.