Gestirnir setja mark snemma, eftir það taka Selfyssingar völdin á vellinum og fá mikið magn af færum til þess að skora en inn vildi boltinn ekki og Leiknismenn nýttu sér það undir lokinn þegar Selfyssingar voru komnir með alla sína menn fram og kláruðu leikinn, 0-2.

Þegar McIntosh fellur í vítateig Leiknismanna og Guðmundur Ársæll gefur honum gult fyrir leikaraskap. Varamannabekkur Selfoss tryllist sem endar á því að Gunni Borg og Elías markmannsþjálfarar eru reknir uppí stúku. Eftir þetta atvik var mikill titringur inná vellinum og menn æstust við það þegar næsti maður dró andann.

Leiknismenn vinna sinn þriðja leik í röð og eru á flottu skriði. Selfyssingar í tómum vandræðum í 9. sæti deildarinnar og ekki unnið leik í síðustu þremur.

Þeir sem fá rauð spjöld í leikjunum eiga yfirleitt ekkert sértaklega góða daga. Án þess að vita nokkuð hvað fór fram á milli varamannabekksins hjá Selfyssingum og Guðmundar þá sá Guðmundur samt sig knúinn til þess að reka Gunnar og Elías upp í stúku.

Guðmundi virðist líka nokkuð vel að vera miðpunkturinn í leikjunum sem hann dæmir. Það sést kannski best á því að hann gefur 8 gul spjöld í leiknum og 2 rauð. Línan var engin hjá honum og ósamræmi í spjöldunum. Ég tek það ekki af honum að leikurinn var virkilega erfiður að dæma en svo getur maður spurt sig að því hvort að hann geti ekki svolítið sjálfum sér um kennt hversu erfiður leikurinn var. Fyrri ákvarðanir.