Valskonur voru með blóð á tönnunum eftir bikartapið og ákveðnar í að sækja sigur í kvöld. Þær vörðust aftarlega og gáfu á sér fá færi. Eiga svo frábæran markaskorara í Elínu Mettu sem braut ísinn með laglegu marki eftir vandræðagang í Stjörnuvörninni. Stjörnukonur mega vissulega vera svekktar yfir vítaspyrnudómnum í lok leiks en þær voru bitlausar fram á við og þurfa að gera miklu betur til að vinna leiki gegn sterkustu liðum deildarinnar.

Vítaspyrnudómurinn. Ariana braut af sér áður en að Kim Dolstra braut á henni og það hefði því átt að vera búið að flauta í hina áttina.

Valsarar gætu verið að lauma sér bakdyramegin inn í baráttuna um 2.sætið. Bæði ÍBV og Stjarnan töpuðu stigum í kvöld og Blikar í síðustu umferð. Nú eru Valskonur aðeins tveimur stigum frá liðunum í 2.-4. sæti. Stjörnukonur hafa hinsvegar farið illa með þá sénsa sem þær hafa fengið til að taka fram úr ÍBV eða saxa á forskot Þórs/KA og halda áfram í eltingaleik, 8 stigum á eftir toppliðinu og hafa spilað einum leik meira.

Varnarmaðurinn Anna María Baldursdóttir var langt frá sínu besta í kvöld. Hún átti í basli með að skila boltanum frá sér og Valskonur fóru nokkrum sinnum illa með hana. Til að mynda Elín Metta Jensen sem hafði betur í baráttu við hana í fyrra marki Vals. Þá var sóknarleikur Stjörnunnar bitlaus og liðið tekur það á sig.

Sjá atvikið. Gerir stór mistök þegar hann dæmir vítið á Stjörnuna.