Þórsarar hefðu auðvitað átt að klára þennan leik, þeir gerðu það ekki og Fram jafnar algjörlega uppúr þurru, Aron Birkir á að verja þetta skot fyrir utan. Dýrt.

Jöfnunarmark Fram. Það var ekkert í gangi og Þórsarar líklegri til að bæta við marki þegar Ivan Bubalo skýtur boltanum fyrir utan og jafnar leikinn 2-2 og þar við stóð.

Þórsarar eru enn í 6.sætinu með 27 stig og eins og staðan er núna í hinum leikjunum eru þeir enn 4 stigum frá 2.sætinu, væru klárlega í harðri baráttu um að fara upp ef þeir hefðu klárað þennan leik. Fram sitja í 8.sætinu með 23 stig og eru taplausir í 4 leikjum, voru alls ekki góðir í dag en náðu samt stiginu og þeir eru að forðast falldrauginn.

Úff það eru nokkrir sem ég gæti sett hér, Ivan Bubalo var kandídat þangað til hann jafnaði leikinn, Indriði Áki var líka ólíkur sjálfum sér í dag. Aron Birkir átti ekki góðan leik og kom Fram inní leikinn. Ég set hinsvegar Hlyn Atla hér, það gekk ekkert upp hjá honum á sínum gamla heimavelli. Senti líklega oftar á Þórsara eða útaf heldur en á samherja sína og átti einhver 2-3 ömurleg skot fyrir utan. Hann vill gleyma þessari frammistöðu sem fyrst hugsa ég. Virðist bara ekki geta átt góðan leik á þessum velli.

Dæmdi ágætlega mest allan leikinn en fannst hann oft illa staðsettur og þá er auðvelt að efast um stórar ákvarðanir.