Karakterinn í Haukaliðinu. Keflavík komst í 2-0, Haukarnir voru pirraðir og bugaðir. Svo gerðist eitthvað. Þeir tóku sig á og unnu leikinn! Í dag var það samt fótboltinn sem vann. Þvílíkur leikur sem þetta var!

Það eru gríðarlega mörg atvik sem ég get talið upp hér. Haukar hefðu átt að fá vítaspyrnu í stöðunni 1-1. Frá mínu sjónarhorni var það pjúra vítaspyrna. Keflavík hefði líka getað fengið vítaspyrnu/ur í þessum leik og þeir hefðu líka getað skorað miklu fleiri mörk í byrjun leiks. Ég verð líka að segja þriðja mark Hauka. Gleðin skein úr andlitum Haukamanna eftir það mark!

Toppbaráttan er jafnari. Talað var um fyrir leikinn að Keflavík væri með lið sem væri of gott fyrir deildina, en miðað við frammistöðuna í heild sinni í kvöld er það ekki rétt. Keflavík er áfram á toppnum, en liðin fyrir neðan sækja á, þar á meðal Haukar. Þetta verður mjög spennandi.

Lasse Rise, Juraj Grizelj, Sindri Kristinn Ólafsson. Lasse Rise byrjaði leikinn nokkuð vel, en sást síðan lítið. Juraj Grizelja sást lítið sem ekkert og ég skrái Sindra einungis hér þar sem mér fannst hann geta gert betur í þriðja markinu. Hann fékk boltann undir sig. Miðað við það hvernig leikurinn byrjaði, þá hefði ég getað nefnt allt Haukaliðið í þessum dálki. Til að byrja með virtist Keflavík ætla að slátra þessum leik, en Haukarnir sýndu gríðarlega karakter og unnu að lokum

Elías Ingi Árnason. Ég ætla að byrja á því að segja að þetta var mjög erfiður leikur að dæma. Það var mikill hiti í mönnum, sérstaklega í seinni hálfleiknum. Mér fannst Haukar eiga að fá tvær vítaspyrnur í þessum leik, hið minnsta og þá átti Keflavík líka að fá aðra vítaspyrnu. Vítaspyrnan sem hann dæmdi fyrir Keflavík var að mínu mati réttur dómur. Þá hefði Björgvin Stefánsson mögulega átt að fá rautt spjald í stöðunni 2-0. Eins og ég segi þá var þetta erfiður leikur... en hann og hans kollegar hefðu klárlega getað komist betur frá sínu verki í kvöld.