Gæðamunurinn á liðunum var einfaldlega of mikill. Þá sérstaklega sóknarlega, Fylkir voru mjög beinskeyttir og áræðnir í öllum sínum sóknaraðgerðum á meðan sóknaleikur Leiknis var oft á tíðum hugmyndasnauður og vantaði gæði til að reka endahnútinn á þær sóknir sem liðið fékk.

Annað mark Fylkis í leiknum. Þeir höfðu skorað og fengið mark jöfnunarmark í andlitið strax í kjölfarið. Mörg lið hefðu látið það slá sig út af laginu en Fylkisliðið féll ekki í þá gryfju. Svörðuðu jöfnunarmarkinu um hæl og tóku yfir leikinn í kjölfarið.

Úrslitin þýða það að Fylkir er komið í annað sæti deildarinnar og fara upp fyrir Þrótt Reykjavík á markatölu, gætu orðið gríðarlega mikilvæg þrjú stig í baráttunni um sæti í Pepsi-deildinni. Leiknir hinsvegar eru að horfa upp á gríðarlega brekku í baráttu sinni á botni deildarinnar og þurfa þeir á kraftaverki annað árið í röð til að halda sæti sínu í deildinni. Þeir eru 9 stigum frá öruggu sæti í deildinni.

Sóknarlína Leiknis átti erfitt uppdráttar í dag, fundu fá svör við annars góðum varnarleik Fylkis.

Ætla að leyfa að þruma níu á Sigurð Hjört og aðstoðarmenn hans í dag. Steig varla feilspor í leiknum, hafði góð tök á leiknum allan tímann og fór lítið fyrir honum. Það er alltaf merki um góða dómgæslu.