Fyrirfram bjuggust flestir við sigri ÍBV. Liðið er í harðri baráttu um 2. sæti deildarinnar á meðan FH-konur njóta þess að spila pressulausar um miðja deild. Þetta var ekki fallegasti fótboltaleikur sumarsins en ungt FH-liðið varðist og barðist með hjartanu á meðan Eyjakonur virkuðu þreyttar og þungar. Úr varð nokkuð sanngjarnt jafntefli þar sem báðum liðum vantaði að gera betur á síðasta þriðjungi.

Jöfnunarmark FH. Sjá nánar í "Vondur dagur".

FH-konur halda áfram að bæta árangurinn frá því í fyrra og eru nú komnar í 19 stig. Eyjakonur eru hinsvegar að gera Þór/KA stóran greiða og jafnvel að koma sér í vandræði í baráttunni um 2. sætið. Þrjú stig í þremur leikjum eftir EM-pásu er ekki árangur sem ÍBV sættir sig við eftir flottan fyrri hluta.

Mistök markvarða vega alltaf þyngst og Adelaide Ann Gay tekur þetta á sig. Hún misreiknaði boltann illa í jöfnunarmarki FH. Fór í glórulaust úthlaup þar sem hún tapaði baráttu um boltann við Caroline Murray sem skoraði í kjölfarið. Slæm mistök á vondum tíma sem hleyptu FH inn í leikinn.

Frábær frammistaða hjá Kristni og félögum.