Varnarmistök. Eins og Óli Stefán þjálfari Grindavíkur benti á í viðtali þá koma bæði mörk KA-manna eftir varnarmistök. Það var varla færi í leiknum fyrir utan mörkin.

Ekkert sem stendur neitt rosalega upp úr en ég ætla að velja færið sem Andri Rúnar fékk á lokamínútu uppbótartímans. Slapp innfyrir vörn KA-manna og var í fínu færi en hamraði boltanum hátt yfir markið. Skrifað í skýin að hann myndi jafna markametið á lokamínútu leiksins en það gekk ekki eftir.

KA-menn lyftu sér upp fyrir Grindvíkinga og sitja því í 5.sætinu. Grindavík er í 6.sætinu stigi á eftir.

Andri Rúnar Bjarnason. Það gekk ekkert upp hjá Andra í dag. Þetta var bara ekki dagurinn hans. Fékk úr litlu að moða en þegar tækifærin gáfust nýtti hann þau illa.

Virkilega vel dæmt hjá Einari Inga í dag. Leikurinn fékk að fljóta vel og vítaspyrnan og gulu spjöldin voru allt hárréttir dómar. Vel gert!