Haukar voru lengi í gang í dag og átti Vestri nokkrar fínar sóknir framan af en á 30. mínútu leiksins skoraði Daði Snær Ingason fyrsta mark Hauka með mjög flottum skalla eftir frábæra sendingu frá Baldvini Sturlusyni og við það vöknuðu Haukamenn aldeilis og sóttu án afláts eftir það. Það skilaði sér svo með öðru marki strax 6 mínútum síðar en þar var að verki Arnar Aðalgeirsson eftir að hafa komist inn í sendingu til baka frá varnarmanni Vestra. Þarna leit út fyrir að Haukarnir væru að fara að sigla heim afskaplega þægilegum sigri þar sem það slokknaði algjörlega á Vestra eftir mörkin tvö. En þá fékk Vestri aukaspyrnu fyrir utan teig og eftir hana skoraði Pétur Bjarnason með skalla og allt í einu var Vestri kominn inn í leikinn aftur. Haukar skoruðu svo í upphafi seinni hálfleiks með marki frá Birgi Þór Þorsteinssyni en hann var að skora sitt fyrsta meistaraflokksmark. Haukar spiluðu af skynsemi eftir markið og sygldu heim góðum sigri.

Mark Daða Snæs á 30. mínútu breytti leiknum mikið. Haukarnir urðu öruggari fyrir vikið og bættu marki við stuttu seinna. Sigurinn virtist aldrei í mikilli hættu eftir fyrsta markið þrátt fyrir að Vestri hafi minnkað muninn

Þessi úrslit þýða að Haukar eru komnir í næstu umferð Mjólkurbikarsins en Vestri situr eftir með sárt ennið.

Vörn Vestra virkaði stundum óörugg og sendingar til baka oft hættulega nálægt leikmönnum Hauka.

Hafði fín tök á leiknum en var oft full gjarn á að flauta og stoppa leikinn í stað þess að leyfa honum að fljóta.