Vítaspyrnan svo einfalt er það. Hvorugt liðið var burðugt fram á við í leiknum þótt vissulega hafi bæði lið átt sín færi. Eftir stendur þó að ÍR skoraði mark úr þessu víti og dugði það til.

Farsinn undir lokinn þegar Aron Skúli og Kári Ársæls fengu báðir rautt. Spjaldið á Aron var að mínum dómi algjörlega glórulaust en reynslumikill leikmaður eins og Kári á einfaldlega að vita mun betur en að láta reka sig út af fyrir munnsöfnuð.

Augnablik er úr leik og ÍR fær FH í heimsókn i Breiðholtið eftir tæpa viku í 32.liða úrslitum

Bæði lið áttu nokkuð dapran dag en í kvöld fær tilnefninguna Aron Skúli Brynjarson. Verður að teljast vondur dagur að koma inn sem varamaður eftir rúmar 80 mínútur og fá rautt, jafnvel þótt sá dómur hafi verið rangur.

Virkaði á köflum óöruggur á flautunni. Vítaspyrnan var líklega réttur dómur en virtist missa hausinn í rauðu spjöldunum undir lokinn.