Það var greinilegt að bæði lið ætluðu að selja sig dýrt í kvöld. Barátta og mistök sem voru aðalsmerki þessa leiks. Sanngjörn niðurstaða en allir fara svekktir heim.

Klárlega fyrsta mark leiksins. Stefán Birgir tók skot frá fyrir utan teig sem var ekki gott og beint á Árna í markinu en á einhvern óskiljanlegan hátt missti Árni boltann undir sig.

Skagamenn tylla sér upp að hlið HK á toppi deildarinnar á meðan Njarðvíkingar eru áfram í fimmta sæti og geta verið nokkuð sáttir.

Garðar Gunnlaugs fær þennan vafasama heiður í dag. Hann var slakur í dag. Komu nokkrar fyrirgjafir þar sem Garðar átti bara einfaldlega að gera betur. Maður ætlast til meira af manni sem hefur svona mikil gæði.

Bara heilt yfir virkilega vel dæmdur leikur. Öll spjöld spot on og samkvæmt minni bestu vitund var vítaspyrnudómurinn hárréttur.