Stjarnan finnur sig mun betur varnarlega eftir að liðið fór í fjögurra manna vörn. Liðið sýndi sínar bestu hliðar í leiknum og ógnuðu stöðugt með hraða sínum og krafti.

Þrátt fyrir að Stjarnan hafi verið mun betra liðið í leiknum hefði Fylkir getað náð forystunni snemma leiks þegar Glenn skaut yfir úr sannkölluðu dauðafæri! Það hefði breytt leiknum hefði sá bolti farið inn.

Fylkismenn eru enn á fínum stað í deildinni og þurfa ekkert að leggjast í þunglyndi. Umferðin spilaðist frábærlega fyrir Stjörnuna sem vann loksins sinn fyrsta leik á meðan mörg önnur lið voru að missa af stigum.

Fylkir var undir á nánast öllum sviðum í leiknum í kvöld. Glenn fór hrikalega illa með dauðafæri snemma leiks og Ari Leifsson gerði skelfileg mistök í aðdraganda marks númer tvö í leiknum. Margir aðrir voru langt frá sínu besta.

Verulega flott frumraun hjá Sigurði. Hans fyrsti leikur í Pepsi-deildinni heppnaðist gríðarlega vel.