Ekki í fyrsta, og ekki í síðasta skiptið í sumar sem öguð spilamennska Grindvíkinga réði úrslitum. Margir í liði Grindavíkur sem voru að spila virkilega vel. Hjá Valsmönnum voru aftur á móti margir sem áttu ekki frábæran leik.

Sigurmark Grindavíkur. Dagur Ingi Hammer fiskaði aukaspyrnu rétt fyrir utan vítateigsbogann á 87. mínútu. Nýjasti leikmaður Grindavíkur, Sito steig þá upp, tók spyrnuna og smellti honum í netið og tryggði heimamönnum frábæran sigur á Íslandsmeisturunum.

Líkt og Óli Jó sagði eftir leik, þá þýða úrslitin einfaldlega þannig að Valsmenn er í brekku núna. Valsmenn eru í 6. sæti, fimm stigum á eftir toppliði Breiðabliks. Þessi lið mætast einmitt í næsta leik og er það leikur sem Valur verður að vinna. Grindvíkingar geta hins vegar vel við unað. Liðið er komið í 2. sæti deildarinnar, aðeins stigi á eftir Breiðablik og með betri markatölu en FH. Þrjú stig eru í liðin fyrir neðan. Frábær byrjun hjá þeim gulu í sumar.

Varnarþríhyrningur Vals, Anton Ari, Eiður Aron og Rasmus. Anton Ari átti skelfileg mistök í fyrra marki Grindavíkur. Hann átti einnig mistök á sama velli í fyrra. Grindavíkurvöllurinn virðist vera honum erfiður í Valsbúningi. Hafsentapar Vals í leiknum í dag, þeir Eiður Aron og Rasmus áttu í stórkostlegum vandræðum með mann leiksins í dag, Sito. Spánverjinn var á hælunum þeirra allan leikinn, og þá sérstaklega seinni hálfleik og áttu þeir Eiður og Rasmus alls ekki góðan leik í dag.

Þetta var svona lala leikur hjá Vilhjálmi. Vítaspyrnudómurinn fannst mér soft og þyrfti ég að horfa á það aftur. Kannski hafði hann rétt fyrir sér þar. En svo kom kafli í leiknum þar sem hann missti leikinn. Engin stórkostleg mistök hjá honum í dag en maður hefur séð betri leikir hjá honum.