Gríðarlega dýr einstaklingsmistök. Haukar byrjuðu leikinn ögn betur en heilt yfir voru Njarðvíkingarnir betri og áttu skilið eitthvað úr þessum leik, enn og aftur sjáum við þá tapa stigum á lokamínútum leiks og vonandi fyrir þá að þá verður það ekki of dýrt þegar uppi er staðið

Sigurmark Hauka. Magnús Þór ætlar að skýla boltanum en misreiknar algjörlega boltann og missir hann undir pressu og Arnar Aðalgeirsson nýtti sér það til fulls.

Haukar skella sér í 7 stig og uppfyrir Njarðvíkinga í 3.-6. sæti í bili hið minnsta en Njarðvíkingar detta niður í 7.sæti.

Magnús Þór Magnússon í vörn Njarðvíkur fær þennan vafasama titil - skoraði sjálfsmark og átti síðar skelfileg mistök sem leiddu að sigurmarki Hauka.

Var mjög góður og leyfði leiknum svolítið að fljóta þegar átti við, ánægður með það. Annars voru enginn atvik sem þurfti að grípa til einhverra aðgerða og bara virkilega vel dæmdur leikur