Guðmundur Magnússon sótti þetta stig fyrir Fram, sá er að eiga flott tímabil! Er kominn með 7 mörk í 6 leikjum fyrir Fram. Njarðvíkingar voru betri í 75 mín eða allt þangað til Gummi Magg ákvað að fara ekki tómhentur heim. Gífurlega mikið áhyggjuefni fyrir Njarðvíkingana þó að missa enn einn leikinn á loka mínútum.

Annað mark Njarðvíkur. Frábær vinnusemi sem skilaði frábæru marki frá Helga Þór Jónssyni. Hægt að nefna seinna markið hans Guðmundar líka en ég er algjör sökker þegar kemur að svona neglum þannig Helgi fær atvikið frá mér.

Bæði liðin skipta stigum á milli sín, Fram fer niður í 6.sætið en Njarðvík heldur sínum stað í 9.sæti

Enginn einn sem stendur uppúr. Einbeitning Njarðvíkur í síðustu leikjum til að klára þessa leiki heima hefur verið afleit og fær hún heiðurs shout out í dag, þeir verða að fara vernda heimavöllinn ef ekki á illa að fara.

Bjarni Hrannar og teymið hans átti ekkert sérstakan dag í dag verður að segjast, full mörg vafa atriði sem féllu í allar áttir.