Valur hafði yfirhöndina allan leikinn. Stjórnuðu leiknum ágætlega án þess þó að sundurspila KR. Það leit allt út fyrir daufan 1-0 sigur Vals þangað til á 77.mínútu. Guðrún Karitas var ekki á þeim buxunum að enda þetta svona og bætti tveimur stórglæsilegum mörkum við á 5 mínútna kafla. Elín Metta rak svo síðasta naglann í kistu KR inga með afskaplega skrítnu marki. 4-0 sigur Vals í kvöld.

77 mínúta þegar Pétur setur Guðrúnu inná. Takk fyrir það Pétur, ég var alveg að sofna! Verð líka að nefna á 85 mínútu þegar Dóra María kemur inn á. Þvílíkur fengur fyrir Val og áhorfendur Pepsideildar að vera búin að endurheimta þennan töframann og reynslubolta.

Úrslitin þýða að Valur heldur sér í toppbaráttunni, nartar í hælana á Breiðablik og Þór/KA sem þýðir að toppbaráttan er æsispennandi! KR er hinsvegar í vondum málum með sín 3 stig.

Í dag sást að Valur býr yfir meiri gæðum en KR liðið. Tijana vinstri bakvörður Vals snerist stundum í hringi þegar hún var að elta Hlín. En Hlín og Crystal fóru ítrekað upp vængina, veit ekki hvað þær áttu margar hættulegar sendingar fyrir markið. Svo verð ég að nefna Sheu framherja KR. Það var líf í Betsy og Miu en þær fengu enga hjálp frá henni. Hún náði sér engan veginn í takt við leikinn. Var fjórum sinnum dæmd rangstæð og snerti varla boltann fyrir utan það. Við verðum að gera meiri kröfur en það á framherja í Pepsideildinni.

Bríet átti mjög góðan leik. Ekkert út á hana að setja.