Léleg færanýting liðanna. Bæði lið fengu góð færi til þess að klára leikinn og hirða stiginn þrjú. Gestirnir hefðu getað klárað leikinn í fyrri hálfleik en fóru illa með nokkur mjög góð færi sem Grindavík gerði svo sömuleiðis. Heilt yfir var 1-1 jafntefli sanngjörn úrslit.

Á 89. mínútu áttu heimakonur að klára leikinn eftir frábæra fyrirgjöf Rilany af hægri vængnum en tvær heimakonur hittu ekki boltann af markteig og færið rann út í sandinn.

Stig er stig en eins og deildinn spilast gagnast þetta eina stig á lið hvorugu liðinu mikið. Bæði eru í mikilli botnbaráttu og þurfa að fara fá stig á töfluna til þess að reyna að hífa sig upp úr henni.

Þótt tveir sóknarmenn liðanna séu bestir að mínu mati í þessum leik ætla ég að vera í mótsögn við sjálfan mig og fá því sóknarmenn liðanna sem heild þennan vafasama heiður í dag. Fjölmörg mjög góð færi fóru í súginn sem verða að nýtast í jafn mikilvægum leikjum og þessi leikur var. Einnig er vert að minnast á veðurguðina í þessum lið en skítakuldi var í Grindavík í kvöld og væri það óskandi að við hér á suðurhelmingi landsins fengjum nú smá hlýju á næstunni.

Arnar Ingi gerði sitt vel í dag var lítið sem ekkert í sviðsljósinu og átti bara fínan dag á flautunni, leyfði leiknum að fljóta vel og leysti vel úr þeim fáu brotum sem leikurinn bauð uppá.