Akranesvöllur
mánudagur 23. júlí 2012  kl. 19:15
Pepsí-deild karla
Aðstæður: Völlurinn góður en frekar vindasamt
Dómari: Guðmundur Ársæll Guðmundsson
Áhorfendur: Rúmlega 1000
Maður leiksins: Andri Adolphsson
ÍA 1 - 1 Breiðablik
0-1 Árni Vilhjálmsson ('87)
1-1 Jóhannes Karl Guðjónsson ('92, víti)
Sverrir Ingi Ingason, Breiðablik ('92)
Myndir: Fótbolti.net - Ingunn Hallgrímsdóttir
Byrjunarlið:
0. Árni Snær Ólafsson
0. Ármann Smári Björnsson
9. Garðar Gunnlaugsson ('82)
10. Jón Vilhelm Ákason ('75)
11. Arnar Már Guðjónsson (f)

Varamenn:
8. Hallur Flosason
14. Ólafur Valur Valdimarsson ('75)
19. Eggert Kári Karlsson ('82)
20. Gylfi Veigar Gylfason ('75)
25. Andri Geir Alexandersson

Liðstjórn:

Gul spjöld:
Arnar Már Guðjónsson ('19)
Wentzel Steinarr Ragnarsson Kamban ('47)
Eggert Kári Karlsson ('92)

Rauð spjöld:

@fotboltinet Ólafur Ingi Guðmundsson
ÍA og Breiðablik skildu jöfn í tilþrifalitlum leik
Í kvöld mættust ÍA og Breiðablik í tólftu umferð Pepsídeildarinnar en leikurinn fór fram við frekar erfiðar aðstæður á Akranesi.

Skemmst er frá því að segja að fyrri hálfleikur var einstaklega tíðindalítill af hálfu beggja liða uns á 19. mínútu þegar Andri Adolphsson átti frábæra rispu upp allan vallarhelming Breiðabliks inn í vítateig þar sem Ingvar Þór Kale varði skot hans mjög vel.

Blikarnir fengu sitt besta marktækifæri þegar nokkuð var liðið á hálfleikinn en þá átti Sindri Snær Magnússon gott skot að marki ÍA sem Árni Snær Ólafsson varði vel.

Að öðru leyti fengu bæði lið nokkur ágæt hálffæri sem ógnuðu markinu sáralítið. Því var markalaust í hálfleik

Seinni hálfleikur hófst svo svipað og sá fyrri. Fátt markvert gerðist og helst var um að ræða langar sendingar fram völlinn eða sendingarnar enduðu hjá mótherja.

Fyrsta góða færið kom á 57. mínútu þegar Árni Snær Ólafsson markvörður ÍA tók aukaspyrnu fram völlinn. Þar var Garðar Gunnlaugsson vel staðsettur og náði góðum skalla innfyrir vörn Breiðabliks þar sem Andri Adolphsson átti gott hlaup en skot hans fór rétt framhjá stönginni.

Á 75. mínútu kom Theo Furness inn á í lið ÍA og áður en mínúta var liðin fékk hann algjört dauðafæri. Andri Adolphsson kom þá með stungusendingu innfyrir vörn Breiðabliks á Furness sem var einn á móti markverði. Ingvar Þór Kale varði frábærlega frá honum í tvígang.

Lokamínútur leiksins voru aftur á móti æsispennandi. Á 85. mínútu átti Elvar Árni Aðalsteinsson frábært skot utarlega í vítateignum en Árni Snær Ólafsson náði að verja skot hans stórkostlega alveg út við stöng.

Tveimur mínútum síðar kom fyrsta markið í leiknum en þá náði Árni Vilhjálmsson boltanum af varnarmanni ÍA við hliðarlínuna. Hann lék boltanum inn í vítateig og náði góðu skoti á nærstöngina sem Árni Snær Ólafsson gat ekki varið.

Blikarnir féllu í framhaldinu aftur og reyndu að halda fengnum hlut. Skagamenn reyndu að jafna metin og þegar tvær mínútur voru komnar framyfir venjulegan leiktíma braut Rafn Andri Haraldsson á Andra Adolphssyni inni í vítateig og dómari leiksins dæmdi vítaspyrnu. Úr henni skoraði Jóhannes Karl Guðjónsson af miklu öryggi.

Í hamaganginum eftir markið fékk Sverrir Ingi Ingason sitt annað gula spjald og þar með brottvísun eftir viðskipti sín við Eggert Kára Karlsson, sem einnig fékk spjald.

Skömmu síðar var leikurinn flautaðar af og jafntefli niðurstaðan 1-1. Þessi úrslit verða líklega að teljast frekar sanngjörn þegar litið er á leikinn í heild.
Byrjunarlið:
2. Gísli Páll Helgason
4. Damir Muminovic
8. Finnur Orri Margeirsson
9. Elfar Árni Aðalsteinsson
23. Kristinn Jónsson
27. Tómas Óli Garðarsson
30. Andri Rafn Yeoman ('71)

Varamenn:
9. Árni Vilhjálmsson ('79)
15. Davíð Kristján Ólafsson ('71)
17. Elvar Páll Sigurðsson
28. Alexander Helgi Sigurðarson

Liðstjórn:
Olgeir Sigurgeirsson

Gul spjöld:
Elfar Árni Aðalsteinsson ('34)
Finnur Orri Margeirsson ('55)
Sindri Snær Magnússon ('56)
Sverrir Ingi Ingason ('65)

Rauð spjöld:
Sverrir Ingi Ingason ('92)