Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
FH
1
1
Breiðablik
0-1 Tómas Óli Garðarsson '3
Hólmar Örn Rúnarsson '35 1-1
05.05.2014  -  19:15
Kaplakrikavöllur
Pepsi-deild karla 2014
Dómari: Kristinn Jakobsson
Byrjunarlið:
1. Róbert Örn Óskarsson (m)
Ólafur Páll Snorrason ('84)
Davíð Þór Viðarsson
3. Guðjón Árni Antoníusson
4. Pétur Viðarsson
6. Sam Hewson ('76)
7. Ingimundur Níels Óskarsson ('76)
11. Atli Guðnason
16. Jón Ragnar Jónsson
20. Kassim Doumbia
25. Hólmar Örn Rúnarsson

Varamenn:
12. Kristján Finnbogi Finnbogason (m)
2. Sean Michael Reynolds
8. Emil Pálsson ('76)
13. Kristján Gauti Emilsson ('84)
14. Albert Brynjar Ingason ('76)
21. Böðvar Böðvarsson
26. Aron Lloyd Green

Liðsstjórn:

Gul spjöld:
Guðjón Árni Antoníusson ('86)
Jón Ragnar Jónsson ('46)
Sam Hewson ('28)

Rauð spjöld:
Fyrir leik
Verið sæl og blessuð og verið hjartanlega velkomin í beina textalýsingu af leik FH og Breiðabliks sem fer fram á Kaplakrikavelli ekki mikið seinna en 19:15.
Fyrir leik
Það er ansi stutt síðan þessi lið mættust síðast en þau léku til úrslita í A-deild Lengjubikarsins fyrir um það bil tíu dögum síðan þar sem FH sigraði með fjórum mörkum gegn einu.
Fyrir leik
Ólafur Kristjánsson, þjálfari Blika, faldi þá vopnin sín eins og hann orðaði það þar sem ljóst var að liðin myndu mætast í fyrsta leik á Íslandsmótinu.
Fyrir leik
Eitthvað er um meiðsli hjá FH-ingum og því sem ég kemst næst er Emil Pálsson tæpur fyrir leikinn sem og Kristján Gauti Emilsson. Brynjar Ásgeir Guðmundsson er þá frá vegna meiðsla.
Fyrir leik
18:15 Byrjunarliðin eru klár hér sitthvorum megin við textann. Atli Guðnason byrjar hjá FH í fremstu víglínu en ekki á kantinum eins og venjulega. Atli Viðar Björnsson er meiddur.

Hjá Breiðabliki er Damir Muminovic í miðverðinum en Elfar Freyr Helgason á bekknum.
Hafliði Breiðfjörð
Fyrir leik
18:35 Anton Ingi Leifsson er vallarþulur hjá FH í dag í fjarveru Friðriks Dórs sem forfallaðist í dag. Hér er Anton ásamt Steinari Stephensen fyrir leik. Instagram mynd
Hafliði Breiðfjörð
Fyrir leik
18:40 FH frumsýnir í dag nýja vallarklukku en sú gamla var komið vel til ára sinna og virkaði ekki í síðustu leikjunum í fyrra. Hér er mynd af þeirri nýju. Instagram mynd
Hafliði Breiðfjörð
Fyrir leik
18:42 FH spilar ekki með Nike boltann sem hin liðin í deildinni nota á heimaleikjum sínum heldur halda tryggð við adidas sem framleiðir einnig búningana þeirra. Hér er mynd af keppnisbolta dagsins í krikanum í dag Instagram mynd
Hafliði Breiðfjörð
Fyrir leik
Frábært veður úti og því um að gera að nýta það með því að bjóða upp á stórskemmtilegan leik í kvöld.
Fyrir leik
Þrír svalir mættir. Gary Martin, Farid Zato og Ivan Furu ætla að horfa á leikinn. Gary og Ivan eru báðir í fóðruðum vestum en Farid er vel úlpaður.
Fyrir leik
Tíu mínútur í leik og allir vel stemmdir. Þessi leikur verður eitthvað!
Fyrir leik
Smá skó-fetish að detta inn hérna en Emil Pálsson er í trufluðum skóm í kvöld. Maður fær ofbirtu hérna í augun þeir eru það hvítir en það er bara allt í lagi.
Fyrir leik
Gaupi með magnaðar staðreyndir hérna í kvöld. Breiðablik hefur ekki unnið í Kaplakrika síðan 1995, þá 4-2. Gaman að segja frá því að Ólafur Kristjánsson, þjálfari Blika, var þá í liði FH.
1. mín
Kiddi Jak flautar leikinn á!
3. mín MARK!
Tómas Óli Garðarsson (Breiðablik)
Stoðsending: Páll Olgeir Þorsteinsson
TÓMAS ÓLI GARÐARSSSSSSSON!! Glæsilega vel gert hjá honum, hann afgreiddi þetta örugglega í netið en það var Páll Olgeir Þorsteinsson sem kom boltanum inná hann.
6. mín
Menn eru að tala um rangstöðu í markinu en Tómas spáir eflaust lítið í því.
10. mín
Damir Muminovic ákvað á heldur yfirvegaðan hátt að senda boltann í innkast, mjög furðulegt. FH-ingar eiga svo hornspyrnu núna.
13. mín
Atli Guðnason reynir skot rétt fyrir utan en boltinn fer rétt framhjá markinu. Annars mest lítið að frétta þessa stundina.
14. mín
FH-ingar byrjaðir að sækja sig í veðrið af alvöru. Ólafur Páll með fyrirgjöf frá hægri sem ratar á kollinn á Atla en skalli hans fer framhjá.
15. mín
Finnur Orri Margeirsson missti boltann á miðjunni og um leið brunaði Atli Guðna upp hægri kantinn áður en hann lagði knöttinn inná Hólmar Örn Rúnarsson. Skot hans þó vel framhjá en aftur fór boltinn framhjá.
16. mín
Þetta er allt FH núna. Sam Hewson reyndi að koma boltanum fyrir en tókst ekki að finna FH-ing. Blikar hreinsa í kjölfarið en það er mark í loftinu, ég er að segja ykkur það!
17. mín
KASSIM!! Ólafur Páll með aukaspyrnu sem rataði beint á Kassim Doumbia, hann var einn á auðum sjó en skalli hans framhjá.
20. mín
FH-ingar vildu fá hendi. Atli Guðna kom með fyrirgjöf og virtist varnarmaður Blika handleika knöttinn en Kiddi Jak bendir í átt að hornfánanum og því hornspyrna.
23. mín Gult spjald: Damir Muminovic (Breiðablik)
ATLI GUÐNA FELLDUR!! Damir Muminovic virtist aftastur er hann tekur niður Atla Guðna en leit þó út fyrir að Stefán Gísla hafi skilað sér niður áður. Kiddi Jak segir gult og FH-ingar fá aukaspyrnu sem Gulli ver.
28. mín Gult spjald: Sam Hewson (FH)
Hewson spjaldaður hér í Krikanum, réttur dómur að mér sýndist.
28. mín
Stuttu áður voru FH-ingarnir nálægt því að jafna en Blikar virtust bjarga á línu!
32. mín
Jordan Halsman fær boltann eftir hornspyrnu og lætur vaða en Davíð Þór bjargar þessu í horn. Boltinn var þó ansi nálægt því að skoppa í netið!
35. mín MARK!
Hólmar Örn Rúnarsson (FH)
Stoðsending: Pétur Viðarsson
HÓLMAR ÖÖÖÖÖÖRN RÚNARSSON!! Ólafur Páll með hornspyrnuna sem Pétur Viðarsson skallar í átt að markinu og þar var Hólmar Örn mættur til að stanga knöttinn í netið!
38. mín
Pétur Viðarsson ekki alveg með hlutina á hreinu og missir boltann. Blikar keyra í sókn sem endar með skoti frá Árna Vill en það var af varnarmanni og í horn.
38. mín
Blikar nýta hornspyrnuna ágætlega. Boltinn fer á Pál Olgeir sem ákvað að hlaða í þrumuskot en Róbert Örn varði meistaralega.
Teitur Örlygsson körfuboltaþjálfari
Róbert markvörður hefur ákveðið að sýna stúlkum stuðning eftir allt kynjaumtalið og spilar í búning af fermingarstelpu. #pepsi365 #fhblix
Hafliði Breiðfjörð
40. mín Gult spjald: Árni Vilhjálmsson (Breiðablik)
SVAKALEG TÆKLING!! Árni lét vaða í tveggja fóta á Guðjón Árna en fær einungis að líta gula spjaldið. Einhverjir hefðu sveiflað rauðu í loftið en Kiddi Jak gerir það þó ekki.
44. mín
Atli Guðna snýr baki í markið áður en hann snýr sér við og lætur vaða en boltinn rúllar rétt framhjá markinu.
45. mín
Hálfleikur: FH 1 - 1 Breiðablik.

FH-ingar fengið mörg álitleg færi á meðan Blikar voru farnir að liggja aftar. Sanngjörn staða þó í hálfleik og vonandi verður nóg af mörkum í síðari.
46. mín
Inn:Ellert Hreinsson (Breiðablik) Út:Guðjón Pétur Lýðsson (Breiðablik)
46. mín
Inn:Elfar Freyr Helgason (Breiðablik) Út:Páll Olgeir Þorsteinsson (Breiðablik)
46. mín
Tvær breytingar hjá Blikum. Maðurinn með stoðsendinguna, Páll Olgeir, fer af velli og Elfar Freyr Helgason kemur inná og þá fór Guðjón Pétur Lýðsson af velli fyrir Ellert Hreinsson.
46. mín Gult spjald: Jón Ragnar Jónsson (FH)
Hljóp fyrir Tómas Óla og uppskar gult spjald.
51. mín
GUNNLEIFUR VIGNIR!! Þetta var rosalegir sambataktar. Boltinn virtist á leið útaf eftir slaka sendingu til baka á Gunnleif en hann sparkaði knettinum í loftið áður en hann tók hann niður og þrumaði honum fram. Stórglæsilegir taktar.
55. mín
Ólafur Páll með lúmskt skot sem fer rétt framhjá markinu. Það má alveg fara að kveikja meira í þessum leik!
66. mín
Andri Yeoman kemst upp hægra megin og kemur boltanum fyrir markið en Árni Vilhjálmsson komst ekki í boltann og FH-ingar hreinsa.
70. mín
1869 manns í Kaplakrika í kvöld, vel mætt á fyrsta leik þessara liða.
76. mín
Inn:Albert Brynjar Ingason (FH) Út:Sam Hewson (FH)
Hafliði Breiðfjörð
76. mín
Inn:Elfar Árni Aðalsteinsson (Breiðablik) Út:Tómas Óli Garðarsson (Breiðablik)
Hafliði Breiðfjörð
76. mín
Inn:Emil Pálsson (FH) Út:Ingimundur Níels Óskarsson (FH)
77. mín
Guðmundur Friðriksson með skot sem fór rétt yfir markið.
80. mín
ALBERT BRYNJAR!! FH-ingar koma inn með góða fyrirgjöf sem Albert Brynjar kemst inn í en Gunnleifur ver meistaralega frá honum og út við endalínu þar sem FH-ingar reyna aftur að koma boltanum fyrir en gekk ekki og því útspark.
84. mín
Inn:Kristján Gauti Emilsson (FH) Út:Ólafur Páll Snorrason (FH)
KGE13 kemur inn fyrir Ólaf Pál. Það er spurning hvort Gauti starti vélinni í kvöld?
86. mín Gult spjald: Guðjón Árni Antoníusson (FH)
Braut á Andra Yeoman.
89. mín
KASSSIM MEÐ SKALLA Í STÖNG!! Skallinn kom eftir hornspyrnu og Kassim stökk manna hæst en knötturinn fór í stöngina. Þvílík draumabyrjun sem það hefði verið hjá honum að setja sigurmark í fyrsta leik.
90. mín
Þremur mínútum bætt við venjulegan leiktíma.
Leik lokið!
Leiknum er lokið:

FH 1 - 1 Breiðablik. Sanngjörn úrslit.

FH-ingar sóttu meira undir lokin og var Kassim nálægt því að klára þetta en lengra komust heimamenn ekki. Stórmeistarajafntefli í Kaplakrika er staðreyndin.
Byrjunarlið:
Gunnleifur Gunnleifsson
4. Damir Muminovic
6. Jordan Leonard Halsman
7. Stefán Gíslason
10. Árni Vilhjálmsson
18. Finnur Orri Margeirsson
21. Guðmundur Friðriksson
26. Páll Olgeir Þorsteinsson ('46)
27. Tómas Óli Garðarsson ('76)
30. Andri Rafn Yeoman
45. Guðjón Pétur Lýðsson ('46)

Varamenn:
24. Arnór Bjarki Hafsteinsson (m)
5. Elfar Freyr Helgason ('46)
9. Elfar Árni Aðalsteinsson ('76)
15. Davíð Kristján Ólafsson
17. Elvar Páll Sigurðsson
22. Ellert Hreinsson ('46)

Liðsstjórn:
Olgeir Sigurgeirsson

Gul spjöld:
Árni Vilhjálmsson ('40)
Damir Muminovic ('23)

Rauð spjöld: