Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
3
5
FH
Davíð Þór Ásbjörnsson '10 1-0
1-1 Matthías Vilhjálmsson '38
1-2 Atli Viðar Björnsson '41
1-3 Björn Daníel Sverrisson '43
Magnús Þórir Matthíasson '45 2-3
2-4 Atli Viðar Björnsson '52
2-5 Ólafur Páll Snorrason '63
Jóhann Þórhallsson '73 3-5
01.10.2011  -  14:00
Fylkisvöllur
Pepsi-deild karla
Aðstæður: Ískalt úti og vindur
Dómari: Vilhjálmur Alvar Þórarinsson
Áhorfendur: 510
Maður leiksins: Albert Brynjar Ingason
Byrjunarlið:
Kristján Valdimarsson
3. Hinrik Atli Smárason ('70)
17. Davíð Þór Ásbjörnsson
18. Styrmir Erlendsson
24. Elís Rafn Björnsson
49. Ásgeir Örn Arnþórsson

Varamenn:
2. Ásgeir Eyþórsson ('70)

Liðsstjórn:
Bjarni Þórður Halldórsson

Gul spjöld:

Rauð spjöld:
Fyrir leik
Byrjunarliðin eru klár hér í Árbænum í síðasta leik Ólafs Þórðarsonar með Fylkisliðið. Heimildir herma að hann sé að taka við Víkingsmönnum en það þýðir að hann yrði þá fjórði þjálfari þeirra á þessu ár
Fyrir leik
Tommy Nielsen er líka að fara að spila sinn síðasta leik á ferlinum en hann er búinn að tilkynna að hann ætli að hætta eftir þetta tímabil.
Fyrir leik
Þetta verður athyglisverður leikur að fylgjast með því FH liðið er á pappírunum töluvert sterkara liðið fyrirfram. Fylkir teflir fram mörgum ungum og óreyndum leikmönnum á meðan FH-ingar stilla upp sínu allra sterkasta liði. Svo sannarlega hvítt og svart reynslumunurinn hér. En það er ekki spurt að því inn á vellinum, sjáum hvað setur.
Fyrir leik
Það er nýr kafli í lífi Tommy Nielsen sem er að spila sinn síðasta leik á ferlinum eignaðist barn á fimmtudaginn. Óskum við honum að sjálfsögðu til hamingju með þann áfanga!
Viktor Lekve - vallarþulur
Það kvartar enginn yfir græna skúrnum í svona veðri #mic-innklár #áframFYLKIR #fotbolti
Fyrir leik
Liðin fara fljótlega að ganga til vallar. Vonandi sýna bæði lið ágætis fótbolta hér í dag. FH-ingar vilja örugglega klára þetta annað sæti en Fylkismenn hafa í raun að engu að keppa nema stoltinu.
1. mín
Leikur hafinn hér á Fylkisvelli og það eru FH-ingar sem byrja með boltann og sækja að íþróttahúsinu.
4. mín
Atli Viðar Björnsson á fyrsta færi leiksins. Hann á þá skot að marki eftir skalla frá Tommy Nielsen en skot hans er varið af varnarmanni á línu.
6. mín
Dauðafæri. Atli Guðnason er sloppinn einn á móti markmanni eftir laglegt þríhyrningaspil við nafna sinn Viðarsson en skot hans framhjá.
7. mín
Elís Rafn Björnsson ungur leikmaður Fylkismann á laglegt skot rétt framhjá marki en líklega var Gunnleifur með þennan bolta allan tímann.
9. mín
Það er farið að hvessa ansi hressilega á FH markið og auk þess er byrjað að rigna. FH-ingar virðast hinsvegar ætla að stjórna ferðinni í þessum leik og halda boltanum ágætlega sín á milli.
10. mín MARK!
Davíð Þór Ásbjörnsson (Fylkir)
Davíð Þór Ásbjörnsson skorar laglegt skallamark. Ekki ósvipað markinu sem Ríkharður Daðason skoraði gegn Frakklandi 99´. Klaufalegt úthlaup hjá Gunnleifi í markinu og Fylkismenn skyndilega komnir yfir.
12. mín
Freyr Bjarnason á skalla eftir hornspyrnu sem er bjargað á línu. Fylkismenn bruna svo í sókn og það er Styrmir Erlendsson sem er kominn einn inn fyrir en Ásgeir Gunnar náði að stöðva hann og færið rann út í sandinn.
20. mín
Elís Rafn Björnsson á skot að marki sem Gunnleifur Gunnleifsson ver nokkuð auðveldlega. Leikurinn hefur róast mjög mikið niður og lítið um færi miðað við upphafsmínúturnar.
24. mín
Atli Viðar Björnsson á hörkuskot að marki sem Fjalar ver meistaralega. Þrumuskot en vel varið.
25. mín
Freyr Bjarnason skallar framhjá fyrir opnu marki. Þetta var algjört dauðafæri. FH-ingar farnir að þjarma að heimamönnum.
29. mín
Dauðafæri! Andri Már Hermannsson er einn á markteig eftir frábæran sprett frá Alberti Ingasyni sem renndi boltanum á hann en Gunnleifur Gunnleifsson ver frábærlega!
32. mín
Aftur á Albert Ingason góðan sprett upp hægri kantinn og leikur á Tommy Nielsen nýbakaðan föður og kemur boltanum fyrir. Elís Rafn Björnsson náði hinsvegar ekki almennilegu skoti að marki.
35. mín
Og aftur er það Albert sem fer upp hægri kantinn. Nákvæmlega eins og áðan fer hann upp að endamörkum og gefur inn í teiginn á Styrmi Erlendsson en skot hans yfir. Varnarmenn FH virðast ekki alveg vera með.
37. mín
Atli Viðar Björnsson klobbar Baldur Bett og sendir á Atli Guðna sem á skot sem Fjalar ver glæsilega.
38. mín MARK!
Matthías Vilhjálmsson (FH)
Sending utan af hægri kantinum ratar inn á markteig þar sem Matthías er rétt á undan Fjalari. Tæklar boltann rétt yfir Fjalar og boltinn lekur inn.
41. mín MARK!
Atli Viðar Björnsson (FH)
Atli Viðar skorar með laglegu skoti framhjá Fjalari. Atli Guðnason á þá frábæran einleik sem endar reyndar með því að hann skýtur boltanum í varnarmann Fylkis og boltinn hrekkur fyrir Atli Viðar sem þakkar pent fyrir sig.
43. mín MARK!
Björn Daníel Sverrisson (FH)
Björn Daníel skorar hér stórglæsilegt mark. Hann skorar úr bakfallsspyrnu reyndar af stuttu færi en frábærlega klárað og FH-ingar eru heldur betur búnir að snúa þessu við fyrir sig.
45. mín MARK!
Magnús Þórir Matthíasson (Fylkir)
Þvílík veisla! Albert Brynjar Ingason skorar hér glæsilegt skallamark eftir góða sendingu frá Elís Rafni Björnssyni og staðan orðin 3-2. Strax eftir miðjuna flautar dómari leiksins til hálfleiks.
46. mín
Leikurinn er hafinn að nýju og það eru Fylkismenn sem sem byrja síðari hálfleik.
46. mín
Inn:Jóhann Þórhallsson (Fylkir) Út:Andri Már Hermannsson (Fylkir)
Fylkismenn gera breytingu í hálfleik.
48. mín
Ágætur dómari leiksins flautar hér til leiksloka. Einum allra skemmtilegasta leik sumarsins er hér með lokið og nú fá FH-ingar medalíu fyrir að lenda í öðru sæti deildarinnar.
49. mín
Matthías Vilhjálmsson á skalla einn og óvaldaður á markteig en honum bregst bogalistin og boltinn framhjá!
52. mín MARK!
Atli Viðar Björnsson (FH)
Atli Viðar Björnsson skorar laglegt mark eftir góða sendingu af vinstri kantinum. Klippir boltann snyrtilega í markið!
55. mín
Inn:Rúrik Andri Þorfinnsson (Fylkir) Út:Magnús Þórir Matthíasson (Fylkir)
Fylkismenn gera sína aðra skiptingu.
59. mín
Atli Guðnason á frábært skot frá vítateigslínunni sem virðist vera að stefna í bláhornið en Fjalar Þorgeirsson ver frábærlega!
60. mín
Ólafur Páll Snorrason á hér frábært skot að marki en það rétt framhjá. Mikil skemmtun að fylgjast með sóknarleik FH-inga sem leika nú með vindi.
60. mín
Ólafur Páll Snorrason á hér frábært skot að marki en það rétt framhjá. Mikil skemmtun að fylgjast með sóknarleik FH-inga sem leika nú með vindi.
63. mín MARK!
Ólafur Páll Snorrason (FH)
Ólafur Páll Snorrason sem átti skot hér rétt áðan rétt framhjá klárar þetta núna. Leikur á einn varnarmann Fylkismanna inn í teig og á svo gott skot sem endar í markinu. Það er markasúpa hér í Árbænum!
65. mín
Inn:Bjarki Gunnlaugsson (FH) Út:Ásgeir Gunnar Ásgeirsson (FH)
Gamli refurinn Bjarki Gunnlaugs kemur inná. Í kjölfarið eiga Fylkismenn skot í slá eftir hornspyrnu en fréttaritari missti af því hver átti skotið.
Eiríkur Stefán
Kristján Valdimars með skot í slá úr bakfallsspyrnu. Er það bara eðlilegt? Í sjö marka leik þar að auki?
70. mín
Inn:Ásgeir Eyþórsson (Fylkir) Út:Hinrik Atli Smárason (Fylkir)
Fylkismenn gera sína síðustu breytingu. Þessi leikur er rosalega skemmtilegur áhorfs en nú versnaði veðrið svo um munar, vonandi heldur samt leikurinn áfram að vera skemmtilegur!
73. mín MARK!
Jóhann Þórhallsson (Fylkir)
Þetta er með ólíkindum. Eins og að horfa á handboltaleik. Varamaðurinn Ásgeir Eyþórsson á þá laglega fyrirgjöf á Jóhann sem tekur vel á móti boltanum og hamrar honum svo í markið!
80. mín
Heldur betur skemmtun hér í Árbænum. Liðin skiptast á að sækja og nú rétt í þessu hefðu FH-ingar mögulega geta fengið vítaspyrnu en dómarinn dæmdi ekkert.
83. mín
Inn:Róbert Örn Óskarsson (FH) Út:Atli Guðnason (FH)
Maður hefur varla undan að skrá niður færin. Albert Brynjar var nú rétt í þessu að fá dauðafæri einn á móti markmanni en hann skaut framhjá. En FH-ingar gera skiptingu.
87. mín
Inn:Jón Ragnar Jónsson (FH) Út:Tommy Nielsen (FH)
Tommy Nielsen fær sína heiðursskiptingu! Jón Jónsson söngvari með meiru kemur inn á í staðin.
93. mín
Flautað til leiksloka í einum allra skemmtilegasta leik sumarsins. FH-ingar taka nú við silfurmedalíu en þeir áttu frábæran endasprett á mótinu. Tommy Nielsen fær einnig flottan blómvönd.
Byrjunarlið:
Ólafur Páll Snorrason
4. Pétur Viðarsson
9. Matthías Vilhjálmsson (f)
10. Björn Daníel Sverrisson (f)
11. Atli Guðnason ('83)
17. Atli Viðar Björnsson
25. Hólmar Örn Rúnarsson

Varamenn:
1. Róbert Örn Óskarsson (m) ('83)
8. Emil Pálsson
14. Albert Brynjar Ingason
16. Jón Ragnar Jónsson ('87)
21. Guðmann Þórisson

Liðsstjórn:

Gul spjöld:

Rauð spjöld: