Malen, Maguire, Rashford, Greenwood, Yoro, Eriksen og fleiri góðir í slúðri dagsins
Keflavík
1
1
FH
Elías Már Ómarsson '3 1-0
Pétur Viðarsson '55
1-1 Atli Viðar Björnsson '83
Einar Orri Einarsson '87
22.05.2014  -  20:00
Nettóvöllurinn
Pepsi-deild karla 2014
Dómari: Vilhjálmur Alvar Þórarinsson
Áhorfendur: 965
Byrjunarlið:
Haraldur Freyr Guðmundsson
6. Einar Orri Einarsson
6. Sindri Snær Magnússon
10. Hörður Sveinsson ('82)
11. Bojan Stefán Ljubicic
13. Unnar Már Unnarsson
20. Magnús Þórir Matthíasson
25. Frans Elvarsson

Varamenn:
1. Sindri Kristinn Ólafsson (m)
3. Andri Fannar Freysson
11. Magnús Sverrir Þorsteinsson

Liðsstjórn:
Jóhann Birnir Guðmundsson

Gul spjöld:
Einar Orri Einarsson ('32)

Rauð spjöld:
Einar Orri Einarsson ('87)
Fyrir leik
Komiði sæl og verið velkomin í beina textalýsingu frá viðureign Keflavíkur og FH í fimmtu umferð Pepsi-deildar karla.
Fyrir leik
Liðin eru klár hérna sitthvorum megin við textann. Hjá FH eru þrjár breytingar Albert Brynjar Ingason kemur í framlínuna fyrir Kristján Gauta Emilsson sem er meiddur. Þá kemur Sean Reynolds í miðja vörnina fyrir Kassim Doumbia sem er meiddur og Hólmar Örn Rúnarsson inn á miðjuna fyrir Ingimund Níels Óskarsson sem sest á bekkinn.
Fyrir leik
Heimamenn í Keflavík gera tvær breytingar frá 0-1 tapi gegn Keflavík hér á Nettóvellinum á sunnudaginn. Jóhann Birnir Guðmundsson sest á bekkinn fyrir Frans Elvarsson og Hörður Sveinsson kemur í framlínuna fyrir Magnús Sverri Þorsteinsson
Fyrir leik
FH er með tvo drengi fædda 1998 í leikmannahópnum í fyrsta sinn. Þetta eru þeir Viktor Helgi Benediktsson og Hörður Ingi Gunnarsson. Vegna meiðsla Kassim Doumbia, Kristjáns Gauta og Guðjóns Árna Antoníussonar og þess að 2. flokkkur liðsins er erlendis varð Heimir Guðjónsson þjálfari liðsins að leita í 3. flokkinn til að fylla hóp.
Fyrir leik
Vilhjálmur Alvar Þórarinsson dæmir leikinn í dag. Honum til aðstoðar eru Sigurður Óli Þórleifsson og Smári Stefánsson. Þá er Erlendur Eiríksson fjórði dómari og Þórður Ingi Guðjónsson er eftirlitsmaður KSÍ.
Fyrir leik
Kassim ,,The Dream" Doumbia miðvörður FH missir af leiknum vegna meiðsla sem hann hlaut í 1-0 sigrinum á ÍBV í síðustu umferð. Hann er samt mættur fyrstur allra út á Nettóvöllinn í Keflavík og byrjaður að skokka og leika sér með bolta.
Fyrir leik
19:46 Liðin eru farin inn í klefa til að hlusta á lokaræðu þjálfarans. Á meðan fer úðakerfi vallarins í fullan gang. Boltinn á að rúlla í kvöld því hér á að bjóða upp á fótbolta hjá þessum tveimur skemmtilegu liðum.
Fyrir leik
19:50 Tíu mínútur í leik og vallarþuluruinn Joey Drummer spilar ,,Þið eruð frábær," með Hafnfirsku hljómsveitinni Botnleðju í hátalarakerfinu.
1. mín
Leikurinn er hafinn. FH byrjar með boltann og leikur í átt að íþróttahúsinu.
2. mín
Í stúkunni er ógrynni af lúðrum í átt við vuvuzela lúðrana á Heimsmeistaramótinu í Suður Afríku árið 2010. Það er ekki öllum skemmt yfir því.
3. mín MARK!
Elías Már Ómarsson (Keflavík)
Stoðsending: Sindri Snær Magnússon
Sindri Snær tók aukaspyrnu út við hliðarlín vinstra megin við vítateig FH, í gegnum allan pakkann og Elías Már kom á fjær og setti boltann í markið.
7. mín
Róbert Örn varði í horn eftir gott færi Harðar Sveinssonar sem hafði fengið stungu frá Elíasi Má.

Hinum megin á vellinum átti Albert Brynjar skot framhjá úr fínu færi.
15. mín
Þetta er fjörugur leikur. Keflavík byrjaði með látum og sækir hratt á FH liðið. FH-ingar eru að komast meira inn í leikinn.
24. mín
Einar Orri fékk tiltal hjá Vilhálmi dómara fyrir brot.
24. mín
Keflavík komst í hraða skyndisókn eftir aukaspyrnu FH og Róbert þurfti að koma langt út úr marki sínu og skalla frá til að bjarga málum.
26. mín
Atli Guðnason með fast skot með jörðinni sem Jonas Sandqvist bjargaði í horn.
29. mín
Atli Guðnason í gullnu tækifæri í teignum, átti gott skot á mark en Jonas varði í horn.
30. mín
Leikurinn er mjög fjörugur og lðin sækja bæði hratt og spila skemmtilegan fótbolta. Það er vonlaust að spá fyrir um hvar næsta mark kemur.
32. mín Gult spjald: Einar Orri Einarsson (Keflavík)
Einar Orri fékk tiltal áðan en nú fær hann áminningu fyrir að brjóta á Davíð Þór Viðarssyni. Keflvíkingar kvarta sáran, bæði innan vallar og í stúkunni.
35. mín
Elías Már er frábær í liði Keflavíkur í dag, nú lék hann á varnarmann og átti gott skot að marki FH um vítateiginn miðjan en Róbert Örn varði frá honum.
43. mín Gult spjald: Pétur Viðarsson (FH)
Alltof seinn í tæklingu við Sindra Snæ í miðjuhringnum og fær réttilega áminningu.
45. mín
Kominn hálfleikur í Keflavík og liðin farin inn í búningsklefa. Fjörugum fyrri hálfleik lokið.
46. mín
Inn:Ingimundur Níels Óskarsson (FH) Út:Atli Guðnason (FH)
Ingimundur var búinn að byrja alla hina leikina í sumar og er nú settur inná fyrir Atla Guðnason sem var búinn að eiga fínan leik. Spurning hvort eitthvað sé að hrjá hann.
46. mín
Síðari hálfleikur er hafinn.
55. mín Rautt spjald: Pétur Viðarsson (FH)
Pétur vissi alveg að hann var á gulu spjaldi þegar hann braut á Bojan út við hliðarlínu. Vilhjálmur Alvar gaf honum annað gult og þar með rautt. FH á ekki fleiri miðverði svo Davíð Þór bakkar í miðvörðinn en hann spilaði þá stöðu í vetur.
58. mín
Ingimundur sendi þvert fyrir markið og Emil var á fjær en náði ekki til boltans.
59. mín
Ingimundur með gott skot en rétt framhjá marki Keflvíkinga.
61. mín
FHingar eru í ruglinu. Hólmar sendi lausan bolta til baka á Róbert, Hörður var að komast inn í sendinguna þegar Róbert kastaði sér á boltann með höndum og dæmd óbein aukaspyrna inni í vítateig FH, mitt á milli markteig og vítateigslínu.
62. mín
Haraldur tók skotið eftir aukaspyrnuna en FH-ingar björguðu á línu.
64. mín
Inn:Ólafur Páll Snorrason (FH) Út:Albert Brynjar Ingason (FH)
64. mín
Inn:Atli Viðar Björnsson (FH) Út:Sam Hewson (FH)
Síðasta skipting FH í dag. Þeir ætla greinilega að bæta hressilega í sóknarleikinn þrátt fyrir að vera manni færri.
71. mín
FH-ingar ósáttir því Einar Orri fékk ekki seinna gula fyrir að keyra Atla Viðar niður fyrir utan vítateig Keflavíkur. Baulað á Vilhjálm Alvar í stúkunni og þegar það blandast við vuvuzela hljóðið þá eru óhljóðin orðin óbærileg í stúkunni.
72. mín Gult spjald: Davíð Þór Viðarsson (FH)
Hljóp utan í Jonas Sandqvist sem var að sækja boltann.
76. mín
Inn:Ray Anthony Jónsson (Keflavík) Út:Endre Ove Brenne (Keflavík)
79. mín
Litið um færi en Keflavík er betra liðið á vellinum það er klárt. Davíð Þór er sá eini sem stendur upp úr hjá döpru FH liði heimamenn eru flestir að standa sig vel.
82. mín
Inn:Jóhann Birnir Guðmundsson (Keflavík) Út:Hörður Sveinsson (Keflavík)
Jóhann fer beint í framlínuna þar sem Hörður var fyrir.
83. mín
Ingimundur Níels féll í teignum og stuðningsmenn FH vildu víti. Ingimundur bað hinsvegar ekki um neitt og fékk ekki neitt.
83. mín MARK!
Atli Viðar Björnsson (FH)
Stoðsending: Ingimundur Níels Óskarsson
Atli Viðar jafnar metin af stuttu færi eftir sendingu Ingimundar. Hans annar leikur í sumar og í báðum fékkk hann aðeins 30 mínútur til að sanna sig og í báðum skorar hann. Atli Viðar kann vel við sig í leikjum gegn Keflavík því hann skoraði fimm mörk gegn þeim í fyrra.
87. mín Gult spjald: Hólmar Örn Rúnarsson (FH)
Þrumaði Einar Orra niður aftan frá.
87. mín Rautt spjald: Einar Orri Einarsson (Keflavík)
Einar Orri brást reiður við broti Hólmars og fær aðra áminningu og því rautt. Þetta mátti hann vita.
88. mín
Magnús Þórir lét vaða úr aukaspyrnu fyrir utan vítateig, boltinn fór með grasinu á markið en Róbert varði.
89. mín Gult spjald: Böðvar Böðvarsson (FH)
89. mín
1150 áhorfendur í Keflavík í kvöld.
90. mín
Fjórum mínútum bætt við leiktímann.
Leik lokið!
Leiknum er lokið með 1-1 jafntefli. Viðtöl koma fljótlega.
Byrjunarlið:
1. Róbert Örn Óskarsson (m)
Davíð Þór Viðarsson
2. Sean Michael Reynolds
4. Pétur Viðarsson
6. Sam Hewson ('64)
8. Emil Pálsson
11. Atli Guðnason ('46)
14. Albert Brynjar Ingason ('64)
16. Jón Ragnar Jónsson
21. Böðvar Böðvarsson
25. Hólmar Örn Rúnarsson

Varamenn:
12. Kristján Finnbogi Finnbogason (m)
7. Ingimundur Níels Óskarsson ('46)
16. Hörður Ingi Gunnarsson
17. Atli Viðar Björnsson ('64)
24. Ási Þórhallsson
25. Viktor Helgi Benediktsson

Liðsstjórn:
Ólafur Páll Snorrason

Gul spjöld:
Böðvar Böðvarsson ('89)
Hólmar Örn Rúnarsson ('87)
Davíð Þór Viðarsson ('72)
Pétur Viðarsson ('43)

Rauð spjöld:
Pétur Viðarsson ('55)