Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
1
0
Dalvík/Reynir
Christopher Paul Tsonis '39 1-0
28.05.2014  -  19:15
Egilshöll
Borgunarbikar karla
Dómari: Þorvaldur Árnason
Byrjunarlið:
12. Þórður Ingason (m)
Guðmundur Þór Júlíusson
3. Bergsveinn Ólafsson (f)
6. Atli Már Þorbergsson
7. Viðar Ari Jónsson ('87)
16. Guðmundur Böðvar Guðjónsson
22. Ragnar Leósson ('60)
29. Guðmundur Karl Guðmundsson

Varamenn:
1. Jökull Blængsson (m)
10. Aron Sigurðarson ('87)
13. Anton Freyr Ársælsson
17. Magnús Pétur Bjarnason

Liðsstjórn:

Gul spjöld:

Rauð spjöld:
Fyrir leik
Heil og sæl. Hér verður bein textalýsing frá leik Fjölnis og Dalvíkur/Reynis í 32-liða úrslitum Borgunarbikarsins. Fjölnismenn hafa verið að gera flotta hluti í Pepsi-deildinni en Dalvík/Reynir leikur í 2. deild.
Elvar Geir Magnússon
Fyrir leik
Það er verið að hlífa grasvelli Fjölnis í kvöld og þessi leikur fer því fram í Egilshöllinni.
Elvar Geir Magnússon
Sveinn Óli Birgisson - leikmaður Dalvík/Reynir
Áfram í bikar og mæta úrvalsdeildarklúbb er frábært,að spila það inní Egilshöll er til skammar! Skammdegisþunglyndis febrúar stemning í því!
Fyrir leik
Líkt og áður hefur komið fram mun leik Fjölnis og Dalvíkur/Reynis vera lýst í beinni textalýsingu hér á Fótbolta.net.

Liðin leika hvort í sinni deildinni, Fjölnismenn í Pepsi á meðan Dalvíkingar eru í 2. deild. Fjölnir hefur byrjað tímabilið af krafti og er enn taplaust í fimm leikjum en Norðanmenn hafa sigrað einn, tapað einum og gert eitt jafntefli.
Fyrir leik
Nú er rétt tæpur hálftími í leikinn og hafa heimamenn verið að hita sig upp í góðar tíu mínútur. Gestirnir eru hins vegar enn ekki búnir að skila sér út á gervigrasið. Aðeins einn þeirra er byrjaður á sprikla og er frekar einmanna inn á vellinum.
Fyrir leik
Í byrjunarliði Dalvíkinga má sjá tvo unga drengi fædda 1997 en það eru þeir Viktor Daði Sævaldsson og Sindri Ólafsson. Þeir eru þó ekki yngstu leikmenn þeirra á skýrslunni í dag því Garðar Már Garðarsson er fæddur 1998 og Þröstur Mikael Jónasson er fæddur 1999!
Fyrir leik
Ef maður flettir upp innbyrðis viðureignum þessara liða þá má sjá að sagan er með Dalvíkingum. Liðin hafa aðeins einu sinni mætt hvort öðru og það gerðist fyrir rétt tæpum 14 árum í bikarnum sem þá hét Coca Cola bikarinn.

Norðanmenn heimsóttu Fjölnisvöll og höfðu að lokum skorað sex mörk gegn engu hjá heimamönnum. Fremstur meðal jafningja í þessum leik var Atli Viðar Björnsson en hann skoraði þrjú fyrstu mörk Dalvíkur.
Fyrir leik
Fyrir dómaratríói leiksins fer Þorvaldur Árnason en honum til halds og trausts verða þeir Ásgeir Þór Ásgeirsson og Gunnar Helgason.
Fyrir leik
Síðasta sumar var á tímum gantast með að Dalvík/Reynir ætti í raun að heita Dalvík/Reynir/Þór vegna fjölda lánsmanna frá Þór auk þess hve margir leikmenn Dalvíkur höfðu leikið með Þór. Nú hefur lánsmönnum frá Þór fækkað umtalsvert en í stað má sjá lánsmenn frá KA.
Fyrir leik
Ágúst Gylfason mætti á varamannabekk Fjölnis með einn rjúkandi Subway og gæddi sér á honum meðan liðin voru að hita upp.
Fyrir leik
Gamla handboltakempan Atli Hilmarsson er mætta á pallana og er einn af sárafáum áhorfendum sem er mættur. Ef mér skjátlast ekki hrikalega þá er sonur hans á varamannabekk Dalvíkur, Davíð Örn Atlason.
Fyrir leik
Liðin eru að ganga inn á völlinn á eftir dómurum. Fyrirliðar í dag eru Bergsveinn Ólafsson hjá heimamönnum og Snorri Eldjárn Hauksson hjá gestunum. Sómadrengir báðir tveir.
1. mín
Leikurinn hafinn.
1. mín
Leikmenn númer 28 hjá báðum liðum liggja báðir eftir að hafa skallað saman. Sjúkrateymin mætt inn á til að hlúa að þeim.
3. mín
Báðir eru staðnir á fætur og komnir inn á völlinn á nýjan leik.
5. mín
Fjölnir (4-2-3-1):
Árni - Atli - Bergsveinn - Guðmundur Þór
Guðmundur Böðvar - Einar Karl
Viðar - Guðmundur Karl - Ragnar
Tsonis

Dalvík/Reynir (4-4-2):
Sveinn - Snorri - Sindri - Steinar
Viktor Daði - Lars - Viktor Már - Gunnar
Alexander - Pétur Heiðar

Reyndar svolítið erfitt að staðsetja Pedda. Hann hefur verið út um allan völl það sem af er leik.
8. mín
Leikurinn tafðist hér aðeins meðan Steinþór þurfti að sækja boltann útaf. Engir boltastrákar og svo var aðeins einn bolti til staðar.
9. mín
Skondið að í hvert sinn sem Dalvíkingar kalla Viktor þá líta tveir leikmenn við. Einnig eru þrír Fjölnismenn sem heita Guðmundur.
15. mín
Dalvíkingar fengu smá hornspyrnu og fyrirgjafaregn núna á stuttum kafla. Hafsentarnir fengu nóg til að skalla frá. Þeim gengur líka ekki nógu vel að færa lið sitt framar þegar þeir vinna boltann.
17. mín
Það er vert að minnast á núna að Viktor Már Jónasson var að bjóða upp á rándýran Zidane snúning hér á miðjum vellinum. Spólaði sig fram hjá tveimur Fjölnismönnum eins og ekkert væri.
20. mín
Pétur Heiðar vann boltann í miðhringnum og tók á rás. Fór framhjá einum og reyndi skot en hitti boltann ömurlega. Rann eftir jörðinni og ótrúlega auðvelt fyrir Þórð í markinu.
24. mín
Dalvíkingar að færa sig upp á skaftið. Unnu boltann og náðu að færa sig upp völlinn. Gunnar Már fékk boltann á vinstri vængnum og krossar fyrir. Alexander Már náði skallanum en Þórður varði auðveldlega.

Fjölnismenn svara starx með fyrirgjöf. Ragnar Leósson var einn á auðum sjó eftir fyrirbjög frá hægri en náði engum krafti í skallann. Ömurlegur skalli úr fínu færi.
25. mín
Viktor Daði fer með sólann full hátt í tæklingu og uppsker tiltal að launum. Þorvaldurbiður hann vinsamlegast um að chilla aðeins í tæklingunum.
26. mín
Ragnar með skot af löngu færi sem er hárfínt framhjá. Munaði mjóu.
28. mín
Sveinn Leó að redda Steinþóri smá. Ömurlegt útspark fór beint á Ragnar en tækling frá Sveini kom í veg fyrir að einhver hætta skapaðist.
32. mín Gult spjald: Gunnar Már Magnússon (Dalvík/Reynir)
Dæmd hendi á Steinar Loga og Gunnar mótmælir þar til hann fær spjald. Mikill óþarfi.
33. mín
Ragnar Leósson var utan vallar að skipta um skó.
34. mín
Steinþór er svolítið mistækur í spyrnunum sínum. Þegar hann fær að sparka úr höndunum á sér þá er hann að sparka völlinn allan en spyrnurnar af jörðinni hafa ekki náð flugi og sumar stoppað á fyrsta manni andstæðingana.
38. mín
Hornspyrna Fjölnis nær að valda usla. Einar Karl með hana frá hægri og Atli Már sýndist mér ná skallanum frekar en Ragnar. Rétt yfir slánna úr fínni stöðu.
39. mín MARK!
Christopher Paul Tsonis (Fjölnir)
Stoðsending: Árni Kristinn Gunnarsson
Fyrsta alvöru færi leiksins skilar marki. Fyrirgjöfin kom frá hægri innfyrir vörn gestanna og Dalvíkingar gleymdu Tsonis. Hann hafði tíma til að taka boltann niður, leggja hann fyrir sig og setja hann í netið.
41. mín
Dalvíkingar hafa fært lið sitt framar og voru fjölmennir inn í teig. Viktor Daði fékk boltann á hægri vængnum, tók manninn sinn á sendi fyrir. Boltinn fór í varnarmann Fjölnis og vildu gestirnir meina að hann hafi farið í hönd hans. Þorvaldur sagði þetta vera ekkert við mikil mótmæli bláklæddra.
42. mín
Ég sá það ekki nógu glöggt hvort hann hafi farið í hendina en aðrir áhorfendur virðast vera´a þeirri skoðun.
43. mín
Fjærstöngin hjá Dalvíkingum er stundum svolítið opin. Býður hættunni heim. Christoper Tsonis fékk boltann á fjær milli Sveins og Snorr en var ekki í færi. Hafði samt tíma til að snúa sér og leggja hann út. Skotið fór í varnarmann og sóknin rann út í sandinn.
44. mín
Þarna var Tsonis klaufi að bæta ekki öðru við. Aftur kom sending innfyrir frá hægri, Tsonis var fljótari og var hálfsloppinn í gegn. Hann hafði tíma til að taka auka snertingu en ákvað að skjóta snemma og skotið fór framhjá markinu.
45. mín
Flautað hefur verið til hálfleiks.
45. mín
Ég ætla að leggja þann dóm á hálfleikstölurnar að þetta sé sanngjarnt. Heimamenn hafa verið sterkari aðilinn og fengið fáein hálffæri og náð að klára eitt þeirra. Gestirnir hafa samt varist vel og átt sín færir þegar þeir hafa reynt að sækja hratt.
45. mín
Dalvíkingar eru komnir aftur inn á völlinn. Ég sé ekki betur en að fyrirliðabandið sem Snorri Eldjárn ber á vinstri hendinni sé ekki af dýrari gerðinni. Íþróttateip vafið einn tvo hringi verður að duga. Einhver þyrfti að fjárfesta í fyrirliðabandi fyrir þá.

Ætti samt ekki að koma að sök. Það eru eðalgen í Iceland Got Talent stjörnunni.
45. mín
Liðin eru komin út á völl og eru tilbúin en dómarana og boltann vantar. Bara beðið eftir Þorvaldi.
46. mín
Þorvaldur hefur flautað leikinn aftur á. Dalvíkingar byrja með boltann.
47. mín
Fyrst ég er nú farinn að röfla um fyrirliðabönd þá ætla í að hrósa fyrirliðabandinu hans Bergsveins. Það er líklega ættað frá þjóðhátíð og er bleikt að lit með bleikum fíl á og er liður í baráttunni gegn nauðgunum.
48. mín
Heimamenn byrja af krafti og ná strax skoti að marki. Þar var á ferðinni Viðar en Steinþór var vel á verði. Skömmu síðar komu þeir boltanum í netið en brot var dæmt á þá í aðdraganda marksins.
49. mín
Pétur Heiðar spólar sig framhjá hverum varnarmanninum á fætur öðrum upp í hægra horninu og er í góðri stöðu. Bæði Alexander og Gunnar Már voru í teignum. Vantaði hins vegar heilmikið upp á úrslitasendinguna og gott færi varð að engu.
50. mín
Dalvíkingar, sem enn hafa ekki fengið hornspyrnu, fá innkast sem Gunnar Már tekur langt. Það var langt og í raun lengra en Fjölnismenn höfðu ímyndað sér. Vantaði bara Dalvískan koll í þennan bolta.

Fjölnismenn nýttu sér það að allir Dalvíkingarnir utan tveggja höfðu farið fram og sóttu hratt á þá. Voru komnir tveir á einn en náðu ekki að gera sér mat úr því. Sýndist það vera Steinar Logi sem komst í milli og bjargaði málunum í annari tilraun.
53. mín
Enn er það hægri vængurinn sem er að gefa hjá heimamönnum. Eftir þolinmótt spil náði Árni Kristinn fyrirgjöf. Guðmundur Karl kom á ferðinni inn í teig og náði föstum skalla. Lukkulega fyrir bláa þá fór hann yfir markið.
55. mín
Inn:Davíð Örn Atlason (Dalvík/Reynir) Út:Viktor Daði Sævaldsson (Dalvík/Reynir)
Viktor átt ágætan leik. Inn á kemur 12:00 stjarnan Davíð Örn og kemur inn á miðjuna. Lars Óli færir sig í stöðuna hans Viktors á hægri vængnum.
58. mín
Ragnar Leósson tekur aukaspyrnu á hættulegum stað. Hún er föst og á markið en Steinþór átti auðvelt með að grípa hana.
59. mín
Fjölnir ætlaði að gera skiptingu og Júlíus Orri var að koma inn á en var í hvítum sokkum utan yfir sem aðstoðardómarinn leyfði ekki.
59. mín
Dalvíkingar með fína sókn. Alexander sendi boltann á Viktor sem mér sýndist kiksa og detta innan teigs. Dalvíkingar gerðu hér annað kall á víti og vildu meina að það hefði verið snerting.
60. mín
Inn:Júlíus Orri Óskarsson (Fjölnir) Út:Ragnar Leósson (Fjölnir)
Júlíus er búinn að hylja sokkana með gulu límbandi og fær leyfi til að koma inn á völlinn.
63. mín
Áhorfendur eru ekki margir. Sárafáir hafa séð sér fær um að mæta á þennan leik. Voða mikil undirbúningstímabils þefur af stemningunni í húsinu þó maður sjái á leikmönnum að það er meira í húfi.
65. mín
Dalvíkingar fá sína fyrstu hornspyrnu og færa liðið upp. Fengu hana eftir alltof fasta sendingu til baka á Þórð.
66. mín
Dalvíkingar náðu fyrstu snertingunni eftir spyrnuna. Sindri fékk skot sem varnarmaður komst í veg fyrir. Annað horn.
68. mín
Inn:Matthew Turner Ratajczak (Fjölnir) Út:Árni Kristinn Gunnarsson (Fjölnir)
Alltaf þegar Rtajczak kemur inn á þá vona ég að hann geri ekki mikið. Það er svo erfitt að muna hvernig nafnið hans er stafað.

Guðmundur Þór fer í hægri bak í stað Árna og Ratajczak fer í þann vinstri.
73. mín
Alexander Már sýndi þarna hversu ótrúlega snöggur hann er. Fékk boltann frá Davíð og náði að ýta honum framhjá Bergsveini. Þá átti hann eftir að stinga Atla af og koma boltanum framhjá Þórði.

Fyrra verkefni kláraði hann líkt og að drekka vatn og boltinn fór framhjá Þórði en of fast var það. Hann ætlaði að taka hann á og rúlla boltanum í markið en boltinn fór aftur fyrir endamörk af Atla sem hafði skilað sér til baka.
75. mín
Varamaðurinn Júlíus Orri fór framhjá varnarmönnum Dalvíkur á hægri vængnum. Mjög auðveldlega. Tók skot frá vítateigshorninu sem fór framhjá. Hefði eflaust viljað gera betur.
79. mín
Inn:Bessi Víðisson (Dalvík/Reynir) Út:Sveinn Óli Birgisson (Dalvík/Reynir)
Lars Óli fer í hægri bakvörðinn, Pétur fer á vinstri kannt og Bessi upp á topp með Alexander. Bessi var markahæsti maður 2. deilar 2012 ef minni mitt bregst mér ekki.
81. mín
Arnór Atlason er mættur við hlið föður síns sýnist mér að fylgjast með bróður sínum spila. Fátt markvert að gerast þessa stundina. Liðin aðallega að klúðra sendingum.
83. mín
Fjölnismenn fengu fínt færi þarna. Sending innfyrir sem Einar Karl fékk, hann lét boltann ganga áfram á Tsonis sem lengdi enn frekar út á Guðmund Karl til hægri. Skot hans var töluvert framhjá úr fínni stöðu.
85. mín
Það eru Dalvíkingar sem stýra leiknum núna. Eru allir komnir inn á vallarhelming Fjölnis og eru að gera sig líklega. Enn sem komið er vantar upp á úrslitasendingar og smá greddu í þá.
86. mín
ÞETTA VAR TÆPT!! Gunnar Már með aukaspyrnu á miðjum vallarhelmingi Fjölnis. Spyrnan fór yfir vegginn og framhjá Þórði en yfir markið líka. Lenti ofan á markinu. Vantaði bara örfáa sentimetra niður.
87. mín
Inn:Aron Sigurðarson (Fjölnir) Út:Viðar Ari Jónsson (Fjölnir)
89. mín
ÞETTA VAR ENN TÆPARA!! Fjölnismenn með sína sjöundu hornspyrnu og Steinþór dettur um Snorra. Fjölnismenn ná skoti sem Stubbur kemst í veg fyrir en gulir fá boltann aftur og ná enn öðru skoti sem Steinar kemst í veg fyrir á línunni. Að lokum klófestir Steinþór boltann.
90. mín
Dalvíkingar eru svoooooooo tæpir. Gunnar tekur hornspyrnu stutt á Pétur og hann sendir fyrir. Ratajczak kemur á ferðinni í átt að marki og fær boltann í sig. Þórður varði frá honum. Hársbreidd frá jöfnunarsjálfsmarki.

Mínúta komin fram yfir.
Leik lokið!
Fjölnismenn hafa sigur en líklega ekki jafn öruggan og þeir hefðu viljað.
Byrjunarlið:
16. Steinþór Már Auðunsson (m)
Pétur Heiðar Kristjánsson
5. Sveinn Óli Birgisson ('79)
6. Viktor Már Jónasson
9. Lars Óli Jessen
11. Viktor Daði Sævaldsson ('55)
14. Snorri Eldjárn Hauksson
20. Alexander Már Hallgrímsson
22. Gunnar Már Magnússon
23. Steinar Logi Þórðarsson
28. Sindri Ólafsson

Varamenn:
2. Steinar Marínó Hilmarsson
3. Marteinn Sindri Svavarsson
4. Kristján Sigurólason
6. Þröstur Mikael Jónasson
8. Davíð Örn Atlason ('55)
17. Bessi Víðisson ('79)

Liðsstjórn:
Garðar Már Garðarsson

Gul spjöld:
Gunnar Már Magnússon ('32)

Rauð spjöld: