Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
2
3
KR
Jonathan Glenn '34 1-0
Víðir Þorvarðarson '39 2-0
2-1 Gary Martin '45
2-2 Kjartan Henry Finnbogason '82
2-3 Gary Martin '89
22.06.2014  -  17:00
Hásteinsvöllur
Pepsi-deild karla 2014
Aðstæður: Fínar, skýjað en þó sólríkt og smá andblær
Dómari: Þorvaldur Árnason
Áhorfendur: 632
Maður leiksins: Haukur Heiðar Hauksson
Byrjunarlið:
1. Abel Dhaira (m)
Jonathan Glenn
Ian David Jeffs
5. Jón Ingason (f)
6. Gunnar Þorsteinsson
11. Víðir Þorvarðarson
23. Eiður Aron Sigurbjörnsson

Varamenn:
15. Devon Már Griffin
17. Bjarni Gunnarsson ('79)
20. Hafsteinn Gísli Valdimarsson
21. Dominic Khori Adams ('89)
24. Óskar Elías Zoega Óskarsson

Liðsstjórn:
Guðjón Orri Sigurjónsson
Yngvi Magnús Borgþórsson

Gul spjöld:
Gunnar Þorsteinsson ('77)
Víðir Þorvarðarson ('9)

Rauð spjöld:
Fyrir leik
Verið velkomin í beina textalýsingu af leik ÍBV og KR í 9. umferð Pepsi-deild karla.
Fyrir leik
Byrjunarliðin eru klár og má sjá þau hér til hliðar.
Fyrir leik
Eyjamenn gera tvær breytingar á sínu liði frá 1-1 jafnteflinu gegn Breiðablik í síðustu umferð. Ian Jeffs og Jón Ingason koma inn í liðið í stað Arnars Braga Bergssonar og Matt Garner.
Fyrir leik
KR gerir einnig tvær breytingar á sínu liði en þeir unnu Fylki 1-0 í síðustu umferð. Farid Zato tekur sér sæti á bekknum á meðan Guðmundur Reynir Gunnarsson er ekki í hóp. Í stað þeirra koma þeir Gunnar Þór Gunnarsson og Atli Sigurjónsson.
Fyrir leik
Aðstæður eru fínar til fótboltaiðkunar. Frekar skýjað en þrátt fyrir það má sjá sólarglætu. Léttur andblær er og frekar heitt í veðri.
Fyrir leik
ÍBV situr fyrir þennan leik sem fastast á botninum án sigurs í deildinni með 4 stig. Unnu þeir þó Val í síðustu umferð Borgunarbikarsins og ættu að koma inn í þennan leik fullir sjálfstraust. KR hefur staðið sig ágætlega en þeir eru í fjórða sæti með 13 stig.
Fyrir leik
Liðin eru mætt á völlinn og byrjuð að hita upp.
Fyrir leik
Nú er allt að verða klárt, liðin ganga út á völlinn og stilla sér upp.
Fyrir leik
Athygli vekur að ekkert undirspil var þegar liðin gengu inn á völlinn.
1. mín
Hér flautar Þorvaldur Árnason dómari til leiks og Eyjamenn byrja með boltann en þeir sækja í átt að Týsvelli á meðan KR-ingar sækja í átt að Herjólfsdal.
3. mín
Gary Martin kemur með fína sendingu á Gonzalo Lorenzo en Eyjamaður kemst fyrir skotið og endar þetta í hornspyrnu.
4. mín
Aron Bjarki nær að skalla boltann en hann fer yfir markið.
5. mín
Atli Sigurjónsson nær að snúa vel og leggur boltann fyrir sig en skot hans fyrir utan teig bæði vel yfir og framhjá markinu.
7. mín
Gunnar Þorsteinsson rífur Atla Sigurjónsson niður en hann sleppur við gult spjald.
9. mín Gult spjald: Víðir Þorvarðarson (ÍBV)
Víðir Þorvarðarson lætur finna vel fyrir sér en hann brýtur af sér í tvígang með stuttu millibili og fær að launum gult spjald.
10. mín
Óskar örn Hauksson reynir skot í lélegu færi en boltinn beint á Abel í markinu.
11. mín
Góður þríhyrningur á milli Atla og Lorenzo áður en Óskar Örn kemur skoti á markið sem fer framhjá.
13. mín
Jonathan Glenn með góðan sprett upp hægri kantinn en sending hans fyrir ratar aðeins á varnarmann KR enda enginn leikmaður ÍBV í teignum.
17. mín
ÍBV fær aukaspyrnu utan af kanti eftir að Aron Bjarki togar í Jonathan Glenn.
20. mín
Óskar Örn Hauksson með viðstöðulaust skot utan af velli en það er beint á Abel Dhaira sem grípur þetta auðveldlega.
22. mín
Viðir Þorvarðarson kemst inn fyrir vörn KR-inga og kemur með sendingu fyrir en Atli Fannar náði ekki til boltans.
25. mín
Jonathan Glenn kemst aftur upp kantinn og Atli Fannar er hársbreidd frá því að ná að skalla fyrirgjöf hans í netið en varnarmenn KR bjarga á síðustu stundu.
30. mín
Inn:Ivar Furu (KR) Út:Gunnar Þór Gunnarsson (KR)
Gunnar Þór eitthvað tæpur.
34. mín MARK!
Jonathan Glenn (ÍBV)
Stoðsending: Dean Martin
MARK! Dean Martin kemur með sendingu fyrir sem Ivar Furu missir af. Stefán Logi misreiknar flugið á boltanum og stekkur upp í hann of seint og Jonathan Glenn nær að koma höfðinu í boltann á undan og endar hann í netinu. Staðan orðin 1-0!
36. mín
ÍBV fær hornspyrnu en Stefán Logi grípur þennan bolta.
39. mín
Baldur Sigurðsson fær frían skalla á markið en skallar hann bara aftur þaðan sem hann kom.
39. mín MARK!
Víðir Þorvarðarson (ÍBV)
MAAAAAAARK! Víðir Þorvarðarson með stórkostlegt mark! Hann vann boltann af varnarmani KR með frábærri tæklingu áður en hann kom með rakettu rétt fyrir utan teig sem hafnaði í slánni og inn! Frábært mark og staðan orðin 2-0!
43. mín
Atli Fannar sleppur í gegnum hripleka vörn KR og áður en hann dettur þar sem Stefán Logi virtist fella hann. Þarna vildu Eyjamenn fá vítaspyrnu og jafnvel rautt spjald en dómarinn dæmir ekkert. Mjög vafasamt atvik.
45. mín
ÍBV fær hornspyrnu á lokamínútum seinni hálfleiks.
45. mín
KR-ingar ná að hreinsa en boltinn berst á Dean Martin sem kemur með sendingu fyrir en þar er Stefán Logi mættur.
45. mín MARK!
Gary Martin (KR)
Stoðsending: Haukur Heiðar Hauksson
MARK! Gary Martin minnkar muninn fyrir KR rétt áður en dómarinn flautar til hálfleiks en Haukur Heiðar slapp einn upp kantinn og kom með sendingu fyrir. Í teignum var Gary Martin einn og óvaldaður og átti ekki í vandræðum með að skalla þennan í markið.
45. mín
Dómarinn búinn að flauta til hálfleiks eftir að KR ná að minnka muninn í grunsamlega löngum uppbótartima.
46. mín
Seinni hálfleikurinn er farinn af stað. Vonum að hann verði jafn fjörugur og sá fyrri.
52. mín Gult spjald: Haukur Heiðar Hauksson (KR)
Haukur Heiðar fær gult spjald fyrir að stöðva skyndisókn sem var í uppsiglingu hjá ÍBV.
54. mín
Baldur átti skalla á markið sem Abel náði ekki að halda en Eiður Aron komst í boltann og náði að hreinsa áður en leikmaður KR kom og fylgdi eftir.
59. mín
Inn:Kjartan Henry Finnbogason (KR) Út:Atli Sigurjónsson (KR)
60. mín
Óskar Örn reynir skot sem fer af Eiði Aroni og út í horn sem Eyjamenn ná að hreinsa.
66. mín
KR fær hornspyrnu. Sending Óskar Arnar fer af Hauki Heiðari og út af.
70. mín
Jonathan Glenn reynir skot fyrir utan teig en það er beint a Stefán Loga sem á ekki í teljandi vandræðum.
73. mín
Jón Ingason skallar fyrigjöf Óskars Arnar aftur fyrir og KR fær hornspyrnu en ekkert kemur úr henni.
77. mín Gult spjald: Gunnar Þorsteinsson (ÍBV)
Gunnar fær spjald fyrir að toga í Jónas Guðna.
78. mín
Dauðafæri! KR fær hornspyrnu og í þetta sinn myndast mikill vandræðagangur í teig ÍBV sem endar með því að Ivar Furu nær skoti sem Ian Jeffs bjargar á línu en KR-ingar vildu meina að boltinn hefði farið yfir línuna.
79. mín
Inn:Bjarni Gunnarsson (ÍBV) Út:Atli Fannar Jónsson (ÍBV)
80. mín
Aron Bjarki nær skalla á markið eftir sendingu úr aukaspyrnu utan af velli en Abel leggst á boltann og kemur honum svo fram völlinn.
82. mín MARK!
Kjartan Henry Finnbogason (KR)
Stoðsending: Haukur Heiðar Hauksson
MARK! Kjartan Henry jafnar metin fyrir KR. Haukur Heiðar með aðra stoðsendingu en hann kom með lága fyrirgjöf á Kjartan Henry, sem var mættur á nærstöngina, og gat ekki annað en skorað. Staðan orðin jöfn 2-2!
87. mín
Bjarni Gunnarsson var slopinn inn fyrir en frábær tækling Jónas Guðna kom í veg fyrir mark í þetta skiptið.
88. mín
Á hinum enda vallarins er Óskar Örn í kjörstöðu til að koma KR yfir en viðstöðulaust skot hans fer yfir markið.
89. mín
Inn:Dominic Khori Adams (ÍBV) Út:Dean Martin (ÍBV)
89. mín MARK!
Gary Martin (KR)
Stoðsending: Haukur Heiðar Hauksson
MAAAAARK! KR er komið yfir! Gary Martin skorar fyrir KR og kemur þeim yfir! Annar skalli frá manninum til að tryggja KR stigin þrjú.
89. mín
Inn:Emil Atlason (KR) Út:Baldur Sigurðsson (KR)
90. mín
Gary Martin í dauðafæri en skot hans fer rétt framhjá markinu!
90. mín
Þvílíkt færi! Gary Martin er aleinn á móti Abel og ætlar að leggja hann í fjærhornið en Abel les hann og ver skotið, þó beint út á Gary aftur sem er ekki í góðu jafnvægi þegar hann tekur skotið og Jón Ingason nær að bjarga á línu!
Leik lokið!
Þorvaldur Árnason flautar leikinn af.
Byrjunarlið:
1. Stefán Logi Magnússon (m)
2. Grétar Sigfinnur Sigurðarson
3. Haukur Heiðar Hauksson
4. Gonzalo Balbi Lorenzo
6. Gunnar Þór Gunnarsson ('30)
7. Gary Martin
8. Baldur Sigurðsson ('89)
8. Jónas Guðni Sævarsson
18. Aron Bjarki Jósepsson
22. Óskar Örn Hauksson (f)
23. Atli Sigurjónsson ('59)

Varamenn:
13. Sindri Snær Jensson (m)
8. Þorsteinn Már Ragnarsson
9. Kjartan Henry Finnbogason ('59)
11. Emil Atlason ('89)
11. Almarr Ormarsson
24. Abdel-Farid Zato-Arouna
28. Ivar Furu ('30)

Liðsstjórn:

Gul spjöld:
Haukur Heiðar Hauksson ('52)

Rauð spjöld: