Malen, Maguire, Rashford, Greenwood, Yoro, Eriksen og fleiri góðir í slúðri dagsins
Chelsea
1
2
Liverpool
0-1 Mohamed Salah '33
Willian '55 1-1
1-2 Glen Johnson '87
20.11.2011  -  16:00
Stamford Bridge
Enska úrvalsdeildin
Dómari: Lee Probert
Byrjunarlið:
1. Petr Cech (m)
2. Branislav Ivanovic
3. Ashley Cole
4. Cesc Fabregas
7. Ramires ('84)
8. Frank Lampard
10. Juan Mata
11. Didier Drogba ('84)
12. John Obi Mikel ('46)
15. Mohamed Salah
26. John Terry

Varamenn:
13. Thibaut Courtois (m)
6. Oriol Romeu
9. Radamel Falcao ('84)
14. Andre Schurrle ('84)
17. Jose Bosingwa
22. Willian ('46)
39. Nicolas Anelka

Liðsstjórn:

Gul spjöld:
Cesc Fabregas ('42)
Ramires ('62)
Branislav Ivanovic ('79)

Rauð spjöld:
93. mín
Leiknum er lokið með 2-1 sigri Liverpool!! Umfjöllun kemur innan skamms, ásamt viðtölum!
93. mín
Þá er þetta alveg að vera búið, þremur mínútum bætt við og 20 sekúndur eftir þegar Meireles ákveður að þruma boltanum yfir.
90. mín
Inn:Iago Aspas (Liverpool) Út:James Milner (Liverpool)
Síðasta skipting leiksins.
87. mín MARK!
Glen Johnson (Liverpool)
MAAAAAAAAAAAARK!!!! ER GLEN JOHNSON AÐ TRYGGJA LIVERPOOL SIGURINN??? HANN SPÆNIR SIG Í GEGNUM VÖRN CHELSEA OG AFGREIÐIR KNÖTTINN Í NETIÐ!!! SLÖK VÖRN, HANN FÉKK FÁRÁNLEGA MIKIÐ SVÆÐI HÆGRA MEGIN EN GERÐI ÓTRÚLEGA VEL!!! ÞVÍLÍK DRAMATÍK!!
86. mín
Þarna hefði getað Liverpool getað stolið sigrinum!!! Dirk Kuyt fær boltann í ótrúlega góðu færi en skot hans er slakt og fer framhjá! Þarna fór Hollendingurinn illa að ráði sínu.
84. mín
Inn:Andre Schurrle (Chelsea) Út:Ramires (Chelsea)
Báðir fyrrum Liverpool leikmennirnir koma inn á saman. Mun annar þeirra sjá til þess að þeirra gamla félag fái ekkert úr þessum leik?
84. mín
Inn:Radamel Falcao (Chelsea) Út:Didier Drogba (Chelsea)
Þá kemur Torres inn fyrir Drogba gegn sínum gömlu félögum.
81. mín
Komin smá barátta aftur í Liverpool. Þeir reyna að spóla sig í gegnum teiginn og Suarez fiskar svo hornspyrnu á snjallan hátt. Úr henni verður þó ekki mikið.
79. mín Gult spjald: Branislav Ivanovic (Chelsea)
Luis Suarez fer illa með David Luiz, svo brýtur Ivanovic á honum og fær gult spjald. Liverpool á aukaspyrnu á fínum stað.
77. mín
Inn:Sadio Mane (Liverpool) Út:Mohamed Salah (Liverpool)
Steward Downing kemur inn á fyrir markaskorarann Maxi Rodriguez. Argentínumaðurinn hefur líkt og margir aðrir leikmenn Liverpool verið ósýnilegur í seinni hálfleik.
75. mín
Malouda kemst í gott færi! Fær boltann á fjærstönginni en hittir boltann illa og boltinn lekur framhjá..
75. mín
Lítið er í spilunum þessa stundina en þó er Chelsea enn með yfirhöndina. Liverpool getur ekki haldið boltanum lengur en í tíu sekúndur og gætu í raun bara verið sáttir ef þeir ná jafnteflinu.
70. mín
Florent Malouda með bakfallsspyrnu sem fer rétt framhjá marki Liverpool! Þessa stundina bendir allt til þess að Chelsea muni ná að taka sigurinn.
66. mín
Inn:Fabinho (Liverpool) Út:Joe Allen (Liverpool)
Ætlar Dalglish að sætta sig við stigið? Tekur Bellamy út af fyrir Henderson.
64. mín Gult spjald: Alberto Moreno (Liverpool)
Hollendingurinn fljúgandi fær að líta fjórða gula spjald leiksins.
64. mín
Fernando Torres er byrjaður að hita upp. Mun hann klára sína gömlu félaga?
62. mín Gult spjald: Ramires (Chelsea)
Ramires fær gult fyrir að strauja niður Martin Skrtel. Einungis Brasilíumenn sem fá gul spjöld í dag.
60. mín
Sæmileg sókn hjá Liverpool, endar hjá Luis Suarez sem skýtur vel framhjá.
59. mín
Fyrri og seinni hálfleikur eru bara eins og svart og hvítt. Lið Chelsea er miklu betra núna en í fyrri hálfleik, og Liverpool sömuleiðis talsvert slakari.
56. mín
HVÍLÍK MARKVARSLA!!! ÞARNA MUNAÐI ENGU AÐ CHELSEA KÆMIST YFIR EINUNGIS MÍNÚTU EFTIR AÐ HAFA JAFNAÐ!! DROGBA ÁTTI AUKASPYRNU OG DAVID LUIZ NÁÐI SKALLA ÚR DAUÐAFÆRI EN PEPE REINA VARÐI ÓTRÚLEGA VEL!! HREINT ÚT SAGT MEISTARALEGA!
55. mín MARK!
Willian (Chelsea)
CHELSEA HEFUR JAFNAÐ METIN!!! ÞAÐ ER ENGINN ANNAR EN VARAMAÐURINN STURRIDGE SEM GERIR ÞAÐ EFTIR SENDINGU INN Í TEIGINN FRÁ FLORENT MALOUDA!! MALOUDA FÉKK ALLAN TÍMA Í HEIMINUM TIL AÐ ATHAFNA SIG OG KOMA MEÐ SENDINGUNA, OG STURRIDGE SETTI HANN Í RÓLEGHEITUNUM Í FYRSTA!! HVAÐ GERIST NÚ???
51. mín
Liverpool reynir skyndisóknina og uppsker hornspyrnu. Luis Suarez átti góðan sprett en Ivanovic kom boltanum í horn, og Bellamy tekur spyrnuna. Hún er þó ekkert sérstök.
50. mín
Aftur hætta við mark Liverpool, en Skrtel bjargar naumlega í horn!! Chelsea mæta grimmari til leiks hérna eftir hléið.
Emil Örn Harðarson
Það verður gaman að sjá hvort hlunkurinn hann Adam meiki það yfir 60 mínúturnar #bolla #djúpsteiktmars #fotbolti
49. mín
Þarna opnaðist vörn Liverpool aðeins. Lampard kom með góða sendingu á Mata, sem lagði boltann út á Drogba sem komst í fínt skotfæri, en skot hans hitti ekki á rammann!
46. mín
Inn:Willian (Chelsea) Út:John Obi Mikel (Chelsea)
Ein breyting var gerð. Jon Obi Mikel, sem átti stóran þátt í marki Liverpool, fer af velli og inn kemur Daniel Sturridge. Það hefur verið blásið í sóknarlúðrana!
46. mín
Seinni hálfleikurinn er hafinn á Brúnni. Munum við sjá meira af því sama eða hefur AVB komið með áhrifaríka hálfleiksræðu?
45. mín
Luiz skallar framhjá og þá er flautað til leikhlés. Staðan 1-0 fyrir Liverpool og er sú forysta klárlega verðskulduð. Vörn Chelsea hefur verið hríplek og gæti forskotið hugsanlega verið stærra. Kæmi mér ekki á óvart að Andre Villas-Boas myndi gera skiptingar í hálfleik.
45. mín
Ein mínúta í uppbótartíma og Chelsea fær aukaspyrnu þegar nokkrar sekúndur eru eftir, en Johnson braut klaufalega á Malouda við hliðina á teignum. Þessi bolti er skallaður aftur í hornspyrnu.
44. mín
Liverpool kemst í enn eina skyndisóknina en sending Suarez í átt að Maxi fer í varnarmann og aftur fyrir.
Stefán Hirst
Chelsea vörnin er sorp. Hvernig getur hún breyst úr því að vera ein af þeim bestu í PL í eina af þeim verstu á notime? #sýki #fotbolti
43. mín
Luis Suarez fer illa með aukaspyrnuna, skýtur vel yfir markið.
42. mín Gult spjald: Cesc Fabregas (Chelsea)
David Luiz hangir allt of lengi með boltann í vörninni, missir hann til Charlie Adam og fellir hann svo. Réttilega gult spjald og aukaspyrna á stórhættulegum stað.
Micah Richards, leikmaður Man City:
Liverpool miklu betra á stamford bridge!! vá...
Elvar Geir Magnússon
39. mín
Menn á Twitter eru almennt á því að Maxi hljóti nú að vera á leið til Chelsea í janúarglugganum, enda hafa þeir verið duglegir að kaupa þá leikmenn Liverpool sem skora gegn sér.
38. mín
Chelsea fær hornspyrnu, sem endar með annarri hornspyrnu. Hún fer á kollinn á Ivanovic sem hittir þó ekki á rammann.
Jóhann Skúli Jónsson
Bóasinn getur sjálfum sér um kennt að starta ekki Meireles fremur en draslið hann Mikel #óskiljanlegt
35. mín
Það er mikill hiti í mönnum á Brúnni, enda mikið í húfi. Ég verð samt bara að segja það, þetta var ótrúlega vel gert í markinu áðan. Að vísu hófst spilamennskan eftir herfileg varnarmistök, en pressan skilaði sér svo sannarlega og fjórar frábærar sendingar áður en Maxi skoraði gerðu þetta að glæsilegu marki.
33. mín MARK!
Mohamed Salah (Liverpool)
ÞAÐ HLAUT AÐ KOMA AÐ ÞVÍ!!! LIVERPOOL HEFUR TEKIÐ FORYSTUNA EFTIR ENN EIN VARNARMISTÖK CHELSEA!!! ÞEIR MISSA BOLTANN, LIVERPOOL SPILAR VÖRNINA SUNDUR OG SAMAN OG Á ENDANUM FÆR MAXI BOLTANN FRÁ BELLAMY OG SKORAR AF FRÁBÆRU ÖRYGGI!! ÞVÍLÍK VARNARMISTÖK, ÞVÍLÍK SÓKN Í KJÖLFARIÐ!!
33. mín
Ótrúlega góð pressa hjá gestunum! Þeir gefa ekki tommu eftir og það má segja að Chelsea sé í nauðvörn þessa stundina.
28. mín Gult spjald: Alex Oxlade-Chamberlain (Liverpool)
Liverpool kemst í hrikalega hættulega skyndisókn, en þeir fara ILLA að ráði sínu!! Terry tapaði boltanum til Suarez, Púllarar keyrðu fjórir upp en fóru illa að ráði sínu. Svo fór Lucas illa með David Luiz sem lá óvígur eftir í kjölfarið. Lucas fékk að líta gula spjaldið.
23. mín
Gary Neville er að lýsa leiknum á Sky Sports og er að fara á kostum. Hann segist hafa það á tilfinningunni stundum að tíu ára krakki með Playstation-fjarstýringu stjórni David Luiz, leikmanni Chelsea. Mikið til í því enda hatar Luiz ekki að vaða fram!
Elvar Geir Magnússon
22. mín
Þarna munaði engu!!! Didier Drogba tekur aukaspyrnu sem fer rétt framhjá markinu og boltinn leit svo sannarlega út fyrir að hafa sungið í netinu!! Sem betur fer fyrir Púllara fór hann þó rétt framhjá.
14. mín
Glen Johnson með stórhættulegan sprett!! Hann geysist upp kantinn og inn í teig, en er of lengi að losa boltann og hann endar í hrömmum Petr Cech. Liverpool hefur verið ráðandi undafnarnar mínúturnar.
13. mín
Liverpool fær fyrstu hornspyrnu leiksins eftir að varnarmaður Chesea hreinsar fyrirgjöf Bellamy burt með naumindum. Spyrna Charlie Adam er þó ekki til eftirbreytni.
11. mín
Jon Obi Mikel með þrumuskot frá miðjum vallarhelmingi Liverpool, en skot hans fer yfir markið. Ágætis tilraun sem kom í kjölfar hættulegrar sóknar.
9. mín
Ekki mikið að gerast á upphafsmínútunum. Er þetta það sem koma skal?
3. mín
John Terry brýtur þarna hugsanlega á Maxi Rodriguez þegar sá síðarnefndi fær góða stungusendingu en ekkert er dæmt. Terry var ekki mikið að einbeita sér að boltanum og slæmdi höndinni í háls Maxi, en dómarinn sá ekkert athugavert við þetta.
1. mín
Þá er komið að því dömur mínar og herrar! Leikur Chelsea og Liverpool er hafinn og byrja heimamenn með boltann!
Elias Njarðarson
4-0 fyrir Liverpool , Suarez með 3, Adam 1. #fotbolti
Stefán Marteinn
Blue Is The Collor!Football Is The Game!CHELSEA TIL I DIE! Koma svo Chelsea og slátrum poolörum! #CFC #fótbolti #Suarezverdurkyldurafdrobga
Arnar Smárason, vallarstjóri á KR velli
Lucas setur markið, vinnum þetta 0-1 !
Fyrir leik
Þá fer heldur betur að styttast í veisluna. Um það bil fimm mínútur til stefnu!
Daníel Geir Moritz pistlahöfundur
Sé að Carra byrjar á bekknum. Ég sem hélt að hann væri besti miðvörðurinn á Englandi? #blindni #fótbolti
Fyrir leik
Svo að við vippum á ykkur smá tölfræði:
Kenny Dalglish er ósigraður í síðustu 11 leikjum sínum sem stjóri Liverpool gegn Chelsea í öllum keppnum - hefur unnið átta leiki og gert þrjú jafntefli.
Chelsea mun reyna að koma í veg fyrir að þeir tapi sínum öðrum leik á Stamford Bridge í fyrsta skiptið síðan Roman Abramovich eignaðist félagið.
Liverpool stefnir á að vinna þrjá deildarleiki í röð gegn Chelsea í fyrsta skiptið síðan tímabilið 1972-73.
Liverpool hefur ekki tapað í síðustu sex leikjum gegn stórliðunum Chelsea, Man Utd og Arsenal.
Fyrir leik
Leikmenn Liverpool spila með svört sorgarbönd í dag til minningar um Luca Jones, son markvarðarins Brad Jones, sem féll frá einungis fimm ára gamall á dögunum eftir að hafa barist við hvítblæði.
Elvar Geir Magnússon, ritstjóri Fótbolta.net
Maður er farinn að gera svo miklar kröfur til stórleikjanna á Englandi að ég verð fyrir vonbrigðum ef það verða færri en 5 mörk í dag!
Fyrir leik
Chelsea hefur fengið fleiri spjöld á tímabilinu en nokkurt annað lið í ensku úrvalsdeildinni, 28 gul spjöld og þrjú rauð, á meðan Luis Suarez hefur fiskað þrjú víti fyrir Liverpool - meira en nokkur annar leikmaður.
Fyrir leik
Athyglisverð staðreynd: Fernando Torres, sem byrjar á bekknum í dag, hefur skorað mark á hverjum 425 mínútum fyrir Chelsea á meðan hann skoraði mark á 121 mínútu fresti hjá Liverpool. Færanýting hans er 10% miðað við 22% færanýtingu hjá sínum gömlu félögum.
Fyrir leik
Það er ljóst að þessi leikur er gríðarlega mikilvægur fyrir bæði lið, sem hafa alls ekki átt neitt sérstaka byrjun á tímabilinu. Chelsea er í 4. sætinu með 22 stig, 12 stigum á eftir toppliði Manchester City, og þurfa þeir nauðsynlega á sigri að halda ef þeir ætla ekki að dragast enn meira aftur úr í toppbaráttunni. Þeir geta farið upp fyrir Newcastle í 3. sætið á markatölu ef þeir vinna.

Liverpool er í 7. sætinu og er í dauðafæri á að koma sér í góða stöðu í baráttunni um Evrópusæti. Með sigri myndu þeir jafna Chelsea, Arsenal og Tottenham að stigum, þó að þeir síðastnefndu muni að vísu eiga tvo leiki til góða á hin liðin.
Fyrir leik
Ef marka má undanfarna leiki má ekki búast við neinni markasúpu á Brúnni í dag. Einungis níu mörk hafa verið skoruð í síðustu átta viðureignum þessara liða, og þá hefur Chelsea mistekist að skora í þremur af síðustu fjórum leikjum.
Fyrir leik
Þetta eru ekki ódýrustu varamannabekkirnir sem við höfum séð hérna í dag. Fernando Torres, Raul Meireles, Jose Bosingwa og Nicolas Anelka ættu að safnast saman í dágóða summu. Þá voru þeir Andy Carroll, Jordan Henderson og Stewart Downing ekkert gefins heldur.
Fyrir leik
Ég vil biðja fólk um að vera endilega duglegt að tjá sig um viðureignina á Twitter og nota hashtaggið #fotbolti. Hvernig leggjast byrjunarliðin í ykkur? Hvernig haldið þið að þetta fari? Vel valdar færslur verða birtar hér í textalýsingunni.
Fyrir leik
Byrjunarliðin eru hérna til hliðar og eru þau nokkuð athyglisverð. Fyrrum Liverpool leikmennirnir, Fernando Torres og Raul Meireles, eru báðir á varamannabekk Chelsea, og þá er Craig Bellamy í byrjunarliði gestanna í stað Andy Carroll, svo að eitthvað sé nefnt.
Fyrir leik
Góðan daginn kæru lesendur og verið velkomin í beina textalýsingu frá stórleik helgarinnar, viðureign Chelsea og Liverpool á Stamford Bridge.
Byrjunarlið:
22. Simon Mignolet (m)
2. Glen Johnson
3. Jose Enrique
5. Georginio Wijnaldum
7. James Milner ('90)
11. Mohamed Salah ('77)
18. Alberto Moreno
21. Alex Oxlade-Chamberlain
24. Joe Allen ('66)
26. Andy Robertson
37. Martin Skrtel

Varamenn:
3. Fabinho ('66)
9. Iago Aspas ('90)
10. Sadio Mane ('77)
17. Mamadou Sakho
20. Jay Spearing
23. Xherdan Shaqiri
34. Martin Kelly

Liðsstjórn:

Gul spjöld:
Alex Oxlade-Chamberlain ('28)
Alberto Moreno ('64)

Rauð spjöld: