Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
1
2
Valur
Shaneka Jodian Gordon '16 1-0
1-1 Hildur Antonsdóttir '33
1-2 Elín Metta Jensen '67
08.07.2014  -  18:00
Hásteinsvöllur
Pepsi-deild kvenna 2014
Aðstæður: Fínar, skýjað en svolítið kalt í veðri
Dómari: Helgi Mikael Jónasson
Maður leiksins: Dóra María Lárusdóttir
Byrjunarlið:
12. Bryndís Lára Hrafnkelsdóttir (m)
Sabrína Lind Adolfsdóttir
2. Sóley Guðmundsdóttir (f)
6. Sara Rós Einarsdóttir ('74)
7. Vesna Smiljkovic
9. Kristín Erna Sigurlásdóttir
10. Nadia Patricia Lawrence
11. Sigríður Lára Garðarsdóttir
23. Shaneka Jodian Gordon
24. Saga Huld Helgadóttir
29. Bryndís Hrönn Kristinsdóttir ('68)

Varamenn:
4. Ármey Valdimarsdóttir
14. Svava Tara Ólafsdóttir
14. Guðrún Bára Magnúsdóttir ('74)
16. María Davis
18. Tanja Rut Jónsdóttir
19. Þórhildur Ólafsdóttir ('68)

Liðsstjórn:
Bjartey Helgadóttir

Gul spjöld:

Rauð spjöld:
Fyrir leik
Komiði sæl, kæru lesendur á beina textalýsingu af leik ÍBV og Vals í Pepsi-deild kvenna.
Fyrir leik
ÍBV er í 5. sæti með 12 stig eftir fyrstu 7 leikina í deildinni en Valur er tveimur sætum neðar með 11 stig. Sigurliðið úr þessari viðureign mun því fara upp í 2. sæti í bili a.m.k.
Fyrir leik
Bæði lið spiluðu í bikarnum fyrr í vikunni þar sem ÍBV tapaði naumlega fyrir Selfyssingum eftir vítaspyrnukeppni á meðan Valur beið lægri hlut fyrir Breiðablik, 3-0.
Fyrir leik
Liðin eru komin út á völl og byrjuð að hita upp.
1. mín
Leikurinn er hafinn og byrjar ÍBV með boltann.
4. mín
Lítið að gerast fyrstu mínúturnar en Valur fær aukaspyrnu á miðjum velli sem endar með skalla sem ratar beint á markmann ÍBV.
8. mín
Fín sókn hjá ÍBV sem endar með skoti frá Kristínu Ernu rétt utan teigs en það er yfir markið.
10. mín
ÍBV fær hornspyrnu og Valur nær ekki að hreinsa almennilega frá. Shaneka kemst þá upp að endamörkum og kemur boltnaum fyrir en skalli Nadiu Lawrence fer framhjá.
12. mín
ÍBV fer í skyndisókn eftir hornspyrnu Vals og komast upp að endamörkum þar sem boltanum er komið inn á teig en Valskonur ná að hreinsa frá.
16. mín MARK!
Shaneka Jodian Gordon (ÍBV)
Frábært mark hjá Shaneku! Hún vinnur boltann af bakverði Vals hleypur inn að teig þar sem hún leikur á annan leikmann áður en hún þrumar boltanum í nærhornið og Þórdís María í markinu kom engum vörnum við. Staðan 1-0!
18. mín
ÍBV kemst í gott færi álíka því sem Shaneka skoraði úr, unnu boltann af Gígju Valgerði komu boltanum á Shaneku á kantinum en utanfótarskot hennar ratar ekki á markið.
22. mín
Dauðafæri hjá ÍBV! Mistök í marki Vals en Þórdís María misreiknar fyrigjöf Kristínar Ernu og reynir að verja boltann með fótunum en boltinn berst beint út á Bryndísi Hrönn sem rett nær að koma tánni í boltann en hann rúllar rétt framhjá.
23. mín
Valur fær hér aukaspyrnu í ákjósanlegu færi en eftir hamagang í vítateignum nær Bryndís Lára í markinu að grípa boltann.
27. mín
Mjög góð sókn hjá ÍBV. Þær vinna boltann af Val á miðsvæðinu, spila boltanum hratt upp völlinn og Shaneka fellur síðan við inni í teig en ekkert dæmt.
33. mín MARK!
Hildur Antonsdóttir (Valur)
Stoðsending: Katrín Gylfadóttir
Valur jafnar metin! Góð sókn sem endar með að Katrín Guylfadóttir sendir út í teig á Hildi Antonsdóttur sem nær góðu valdi á boltanum hjá vítateigsboganum áður en hún klárar vel í nærhornið. Það verður að segjast eins og er að þetta mark kemur gegn gangi leiksins.
41. mín
Lítið að gerast þessa stundina og leikurinn heldur betur búinn að róast síðan jögfnunarmarkið kom.
43. mín
Og í þeim töluðu orðum sleppur Svava Rós Guðmundsdóttir í liði Vals ein inn fyrir en Bryndís Lára er fljót út úr markinu og skot Svövu framhjá.
45. mín
Hér er flautað til hálfleiks og leikmenn ganga til búningsherbergja. Hálfleikstölur 1-1.
46. mín
Seinni hálfleikur farinn af stað.
48. mín
ÍBV fær hornspyrnu og Þórdís María missir af boltanum en sem betur fer fyrir hana náði enginn annar til hans og markspyrna dæmd.
52. mín
ÍBV að gera sig líklegar hérna en tvær góðar sóknir hafa komið með stuttu millibili. ÍBV tekur nú hornspyrnu.
54. mín
Enn á Þórdís María í vandræðum með fyrigjafir ÍBV en henni mistekst að kýla boltann burt en hann er síðan skallaður frá.
56. mín
Vesna missir boltann á miðjunni og Dóra María getur þá keyrt upp vinstri kantinn og hún kemst alla leið upp að endamörkum áður en hún er stöðvuð af varnarmanni ÍBV.
61. mín
Valur fer í skyndisókn sem endar með að boltinn er lagður út á Elín Mettu en skotið hennar fer yfir markið.
63. mín
Eyjakonur missa boltann og Valur brunar af stað og svipuð sókn og áðan endar með skoti Svövu Rós á svipuðum stað en skotið fer tiltölulega beint á Bryndísi Láru sem gerir samt vel í að verja fast skotið.
67. mín MARK!
Elín Metta Jensen (Valur)
Valur skorar! Umdeild aukspyrna dæmd eftir að dómarinn taldi að Shaneka hefði brotið af sér. Upp úr þessari aukaspyrnu vinnur leikmaður Vals skallabaráttu og boltinn dettur fyrir Elín Mettu sem er mætt til að pota knettinum í markið.
68. mín
Inn:Þórhildur Ólafsdóttir (ÍBV) Út:Bryndís Hrönn Kristinsdóttir (ÍBV)
70. mín
Hættuleg sókn hjá Val sem endar með góðu skoti en leikmaður ÍBV komst fyrir boltann á síðustu stundu.
74. mín
Inn:Guðrún Bára Magnúsdóttir (ÍBV) Út:Sara Rós Einarsdóttir (ÍBV)
77. mín
Frábær aukaspyrna frá Vesnu og Nadia er hársbreidd frá því að komast í boltann.
86. mín
Liðin skiptast á að sækja en skapa sér lítið af færum.
87. mín
Dauðafæri hjá ÍBV! Þvílikt tækifæri til að jafna leikinn! Þórhildur stingur boltanum inn fyrir vörn Vals og Nadia nær skoti en það fer í stöngina og leikmaður ÍBV Sem fylgir eftir er rangstæður.
90. mín
ÍBV fær aukaspyrnu utan af kanti.
90. mín
Sóley leggur boltann út fyrir Kristínu Ernu en hún hittir ekki boltann nægilega vel og skotið eftir því.
Leik lokið!
Valur fer hér með sigur af hólmi í nokkuð jöfnum leik 2-1.
Byrjunarlið:
12. Þórdís María Aikman (m)
2. Svava Rós Guðmundsdóttir
6. Mist Edvardsdóttir
7. Hildur Antonsdóttir
8. Laufey Björnsdóttir
10. Elín Metta Jensen
14. Rebekka Sverrisdóttir
20. Gígja Valgerður Harðardóttir
22. Dóra María Lárusdóttir
26. Ólína Guðbjörg Viðarsdóttir
30. Katrín Gylfadóttir

Varamenn:
2. Þorgerður Einarsdóttir (m)
7. Rakel Logadóttir
10. Berglind Rós Ágústsdóttir
13. María Soffía Júlíusdóttir
18. Málfríður Anna Eiríksdóttir
22. Svana Rún Hermannsdóttir
24. Agnes Þóra Árnadóttir

Liðsstjórn:

Gul spjöld:

Rauð spjöld: