Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
4
1
Þór
Bergsveinn Ólafsson '7 1-0
Guðmundur Karl Guðmundsson '32 2-0
Gunnar Már Guðmundsson '45 3-0
3-1 Þórður Birgisson '87
Ágúst Örn Arnarson '89 4-1
27.07.2014  -  17:00
Fjölnisvöllur
Pepsi-deild karla 2014
Dómari: Þorvaldur Árnason
Byrjunarlið:
12. Þórður Ingason (m)
Gunnar Már Guðmundsson
3. Bergsveinn Ólafsson (f)
3. Illugi Þór Gunnarsson ('83)
6. Atli Már Þorbergsson
9. Þórir Guðjónsson ('88)
16. Guðmundur Böðvar Guðjónsson
22. Ragnar Leósson
29. Guðmundur Karl Guðmundsson

Varamenn:
1. Jökull Blængsson (m)
7. Viðar Ari Jónsson ('83)
10. Aron Sigurðarson
15. Haukur Lárusson ('78)

Liðsstjórn:
Guðmundur Þór Júlíusson

Gul spjöld:
Gunnar Már Guðmundsson ('84)
Guðmundur Karl Guðmundsson ('77)
Matthew Turner Ratajczak ('21)
Árni Kristinn Gunnarsson ('17)

Rauð spjöld:
Fyrir leik
Halló Reykjavík! Hér í Grafarvogi er framundan leikur Fjölnis og Þórs, fallbaráttuslagur í Pepsi-deildinni. Það eru ekki miklar líkur á fallegum fótbolta og búast má við því að kappið beri fegurðina ofurliði. Þórsarar eru í fallsæti með aðeins níu stig en Fjölnir er í níunda sæti með ellefu stig.
Fyrir leik
Síðasti sigur Fjölnis kom 8. maí gegn einmitt Þór á Akureyri. Síðan þá hefur stigasöfnunin hjá nýliðunum gengið ansi erfiðlega.
Fyrir leik
Páll Viðar Gíslason, þjálfari Þórs, fyrir leikinn:
,,Þetta er mjög mikilvægur leikur fyrir okkur og við þurfum öll stigin. Nú þurfum við að fara í hvern leik eins og bikarúrslitaleik. Fjölnismenn verða mjög þéttir til baka. Þeir hafa verið að múra vel fyrir og eru hættulegir fram á við í föstum leikatriðum. Þetta verður stríð og ég vona að við verðum klárir í þann pakka. Við erum ekki með þann stigafjölda sem við vildum vera með og erum í harðri fallbaráttu," segir Páll í viðtali á heimasíðu Þórs.
Fyrir leik
Sólmundur Hólm, fjölmiðlamaður og skemmtikraftur, spáir 2-1 sigri Fjölnis:
,,Ég held að alræmda Fjölnis-vélin hrökkvi í gang núna. Ég held að þetta verði hörkuleikur sem endar með eins marks sigri Fjölnis. Aron Sigurðarson skorar eitt mark fyrir Fjölni og leggur upp annað."
Fyrir leik
Reynsluboltinn Gunnar Valur Gunnarsson er ekki með Fjölni í dag vegna leikbanns.

Fyrir leik
Byrjunarliðin eru komin inn. Ragnar Leósson, Þórir Guðjónsson og Matt Ratajczak koma inn í byrjunarlið Fjölnis frá 1-0 tapleiknum gegn Víkingi í síðustu umferð. Aron Sigurðarson missir sæti sitt í byrjnarliðinu og er kominn á bekkinn.
Fyrir leik
Ingi Freyr Hilmarsson fékk rautt í 0-0 jafntefli Þórs og Keflavíkur og er í banni í dag. Kristinn Þór Björnsson kemur inn í liðið.
Fyrir leik
Mjölnismenn hafa komið sér fyrir í stúkunni með risastóra Þórs-fána. Allir gera sér grein fyrir mikilvægi leiksins.

Fyrir leik
Jæja þá er komið að því að fréttamannastúkan spáir í spilin:

Magnús Kjartan Eyjólfsson, Pepsi-mörkin:
Ég held að Þór taki þetta, 1-2.

Andri Yrkill, Morgunblaðinu:
Mínir menn taka þetta 2-0.

Kristinn Páll Teitsson, Vísi:
Ég spái 3-2 sigri Þórs.
Fyrir leik
Þorvaldur Árnason dæmir leikinn í dag en í síðasta leik sem hann dæmdi rak hann Kassim The Dream af velli eins og frægt er. Aðstoðarmenn hans eru Andri Vigfússon Selfyssingur og Óli Njáll Ingólfsson Leiknismaður.


Fyrir leik
Liðin ganga út á völlinn. Það er ekkert sem bendir til þess að áhorfendamet falli í Grafarvoginum í dag.
1. mín
Leikurinn er hafinn - Það er frítt á völlinn en þrátt fyrir það er fámennt. Þó er ákaflega góðmennt. Ég spái 0-0 jafntefli en vona svo sannarlega að ég hafi rangt fyrir mér. Þór sækir í átt að Breiðholti.
2. mín
Kristinn Þór Björnsson er í vinstri bakverði hjá Þórsurum í dag. Er þar í afleysingum. Fjölnir átti fyrstu marktilraun leiksins en máttlaus skalli Gunnars Más Guðmundssonar fór yfir markið.
5. mín
Þór með hættulega hornspyrnu en Orri Hjaltalín náði ekki skallanum á markið.
7. mín MARK!
Bergsveinn Ólafsson (Fjölnir)
Stoðsending: Guðmundur Böðvar Guðjónsson
STÓRGLÆSILEGT MARK!!! Bergsveinn með bakfallsspyrnu í bláhornið. Þetta kom í kjölfarið á því að Fjölnismenn áttu hornspyrnu. Þórsarar reiðir út í Óla Njál Ingólfsson aðstoðardómara, vildu meina að þetta væri rangstaða.
8. mín
Bergsveinn virtist ekki sjálfur vera viss um hvort hann hefði verið rangstæður og horfði á aðstoðardómarann áður en hann fagnaði.
15. mín
Fjölnismenn að gera vel varnarlega og stöðva sóknaraðgerðir Þórs nánast í fæðingu.
17. mín Gult spjald: Árni Kristinn Gunnarsson (Fjölnir)
Alltof seinn í tæklingu og Árni fyrstur í bókina svörtu hjá Þorvaldi.
21. mín Gult spjald: Matthew Turner Ratajczak (Fjölnir)
Báðir bakverðir Fjölnis komnir í bókina. Matt var líka of seinn í tæklingu. Þór á aukaspyrnu úti hægra megin.
24. mín
Fyrir utan markið og spjöldin tvö hefur nákvæmlega ekkert gerst í þessum leik.
28. mín
Hætta upp við mark Þórs en Orri Freyr Hjaltalín kemur knettinum í horn. Ekkert merkilegt verður úr hornspyrnunni.
32. mín MARK!
Guðmundur Karl Guðmundsson (Fjölnir)
FJÖLNIR BÆTIR VIÐ!!! Stórglæsileg tilþrif hjá Guðmundi sem fór hrikalega illa með varnarmenn Þórs, skildu þá eftir í vitleysunni og kom sér í dauðafæri sem hann nýtti vel.
36. mín
Vinir okkar á Vísi hafa sett inn markið sem Bergsveinn Ólafsson skoraði með bakfallsspyrnu. Smelltu hér til að sjá markið.
41. mín
Þórsarar björguðu á marklínu áðan. Eftir að hafa tapað boltanum á klaufalegan hátt geystist Fjölnir í sókn, Þórir Guðjónsson fór framhjá Sandor og ætlaði að renna boltanum í netið úr þröngu færi en bjargað var á línu.
44. mín
Miklu markvissari og beittari sóknaraðgerðir hjá heimamönnum. Þórsarar hafa ekkert ógnað og Fjölnismenn eru einfaldlega mun betri og líklegri til að bæta við þriðja markinu núna en Þór að minnka muninn.
45. mín MARK!
Gunnar Már Guðmundsson (Fjölnir)
Stoðsending: Ragnar Leósson
ÞETTA ÞRIÐJA MARK HEFUR LEGIÐ Í LOFTINU!! Gunnar Már Guðmundsson skoraði af stuttu færi eftir fyrirgjöf sem Ragnar Leósson átti. Það var enginn Þórsari nálægt Gunnari! Hvað er að frétta?
45. mín
Hálfleikur - Þórsarar ansi daufir í dálkinn. Eitt lið á vellinum í þessum fyrri hálfleik. Vil taka það fram að ég laug því að það væri frítt á völlinn. Það trikk hefur þó virkað því það fjölgaði vel meðal áhorfenda eftir því sem á fyrri hálfleikinn leið.
46. mín
Inn:Shawn Robert Nicklaw (Þór ) Út:Hlynur Atli Magnússon (Þór )
46. mín
Inn:Jónas Björgvin Sigurbergsson (Þór ) Út:Orri Sigurjónsson (Þór )
46. mín
Seinni hálfleikur hafinn - Tvöföld skipting hjá Þórsurum í hálfleik. Eitthvað þarf að reyna að gera!
49. mín Gult spjald: Jónas Björgvin Sigurbergsson (Þór )
53. mín
Enn og aftur hætta við mark Þórs. Nú er það Guðmundur Karl en Þórsarar bjarga með miklum naumindum.
62. mín
Ármann Pétur með hörkuskot framhjá. Aðeins meira líf sóknarlega hjá Þórsurum núna! Áðan fór Chuck niður í teignum og gestirnir vildu víti en ekkert var dæmt.
63. mín
Þór búið að eiga eitt skot á markið. Það kom rétt áðan.
72. mín
Jóhann Helgi með ágætis marktilraun en skot hans naumlega framhjá. Lítil spenna í gangi. Fjölnismenn sigla þessu öllu örugglega í hús.
75. mín
Inn:Þórður Birgisson (Þór ) Út:Sigurður Marinó Kristjánsson (Þór )
77. mín Gult spjald: Guðmundur Karl Guðmundsson (Fjölnir)
Fyrir leiktöf.
78. mín
Inn:Haukur Lárusson (Fjölnir) Út:Árni Kristinn Gunnarsson (Fjölnir)
Árni haltrar af velli.
81. mín
325 áhorfendur á Fjölnisvelli. Vandræðalegt.
83. mín
Inn:Viðar Ari Jónsson (Fjölnir) Út:Illugi Þór Gunnarsson (Fjölnir)
84. mín Gult spjald: Gunnar Már Guðmundsson (Fjölnir)
87. mín MARK!
Þórður Birgisson (Þór )
Stoðsending: Sveinn Elías Jónsson
MAAAARK!!! Já Þórsarar laga stöðuna aðeins. Þórður Birgisson varamaður lyfti boltanum yfir Þórð Ingason markvörð Fjölnis og í netinu endaði knötturinn.
88. mín
Inn:Ágúst Örn Arnarson (Fjölnir) Út:Þórir Guðjónsson (Fjölnir)
Ágúst að spila sinn fyrsta leik fyrir Fjölni í sumar. Var í láni hjá Selfossi.
89. mín MARK!
Ágúst Örn Arnarson (Fjölnir)
HANN ER EKKI LENGI AÐ ÞESSU!!! NÝKOMINN INN SEM VARAMAÐUR! Ágúst var aleinn inn í vítateignum og tekur boltann viðstöðulaust eftir sendingu inn fyrir vörnina.
90. mín
Komið í uppbótartíma.
Leik lokið!
Fjölnismenn unnu ansi ansi ansi langþráðan sigur!! Þórsarar eru aftur á móti í tómu veseni!
Byrjunarlið:
Sveinn Elías Jónsson
Orri Freyr Hjaltalín
Orri Sigurjónsson ('46)
Sandor Matus
5. Atli Jens Albertsson
6. Ármann Pétur Ævarsson
9. Jóhann Helgi Hannesson (f)
10. Sigurður Marinó Kristjánsson ('75)
11. Kristinn Þór Björnsson
14. Hlynur Atli Magnússon ('46)
23. Chukwudi Chijindu

Varamenn:
1. Hjörtur Geir Heimisson
4. Shawn Robert Nicklaw ('46)
8. Jónas Björgvin Sigurbergsson ('46)
12. Þórður Birgisson ('75)
16. Kristinn Þór Rósbergsson
20. Jóhann Þórhallsson

Liðsstjórn:

Gul spjöld:
Jónas Björgvin Sigurbergsson ('49)

Rauð spjöld: