Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Fram
0
3
Víkingur R.
0-1 Igor Taskovic '66
0-2 Igor Taskovic '78
0-3 Tómas Guðmundsson '86
27.07.2014  -  19:15
Laugardalsvöllur
Pepsi-deild karla 2014
Dómari: Kristinn Jakobsson
Byrjunarlið:
26. Hörður Fannar Björgvinsson (m)
4. Hafsteinn Briem
6. Arnþór Ari Atlason
8. Aron Þórður Albertsson ('60)
8. Einar Bjarni Ómarsson
9. Haukur Baldvinsson ('70)
10. Orri Gunnarsson
10. Jóhannes Karl Guðjónsson
13. Viktor Bjarki Arnarsson
15. Ingiberg Ólafur Jónsson
22. Guðmundur Steinn Hafsteinsson ('79)

Varamenn:
1. Denis Cardaklija (m)
2. Hafþór Mar Aðalgeirsson ('60)
11. Ásgeir Marteinsson ('70)
13. Ósvald Jarl Traustason
14. Halldór Arnarsson
16. Aron Bjarnason ('79)
33. Alexander Már Þorláksson

Liðsstjórn:

Gul spjöld:
Einar Bjarni Ómarsson ('72)
Viktor Bjarki Arnarsson ('71)
Aron Þórður Albertsson ('59)
Hafsteinn Briem ('27)
Jóhannes Karl Guðjónsson ('8)

Rauð spjöld:
Fyrir leik
Góða kvöldið, velkomin í textalýsingu leiks Fram og Víkings sem fram fer á þjóðarleikvanginum.
Fyrir leik
Framarar eru mættir út á völl og hita upp.

Víkingarnir láta eitthvað bíða eftir sér.
Fyrir leik
Guðmundur Steinn Hafsteinsson er mættur aftur í lið Fram eftir langvarandi meiðsli, það ætti að styrkja Framarana og ekki veitir af eftir erfitt gengi nýlega.

Þeir hafa tapað síðustu fjórum leikjum sínum og eru dottnir á botn deildarinnar.
Fyrir leik
Víkingarnir eru aftur á móti í góðum málum í deildinni, þeir hafa unnið fjóra af síðustu fimm leikjum sínum og eru fjórða sætinu með jafn mörg stig og íslandsmeistaranir í KR.
Fyrir leik
Það væri magnað afrek hjá liði Víkings að ná evrópusæti sem nýliðar.

Ekki má gleyma að þeir eru einnig komnir í undanúrslit Borgunarbikarsins.
Fyrir leik
Framarar gera þrjár breytingar frá síðasta leik sem var tap gegn ÍBV í Vestmannaeyjum.

Ósvald Jarl Traustason, Tryggvi Steinn Bjarnason og Alexander Már Þorláksson fara allir út liðinu.

Þeirra í stað koma þeir Einar Bjarni Ómarsson, Aron Þórður Albertsson og Guðmundur Steinn Hafsteinsson.
Fyrir leik
Hjá Víkingunum fara þeir Ívar Örn Jónsson og Arnþór Ingi Kristinsson úr liðinu og þeirra stað koma þeir Tómas Guðmundsson og Halldór Smári Sigurðsson.



Fyrir leik
Næsti leikur Víkings er gegn Keflavík í undanúrslitum Borgunarbikarsins.

Næsti leikur Fram er á Akureyri og er sannkallaður botnslagur.
Fyrir leik
Nú eru bæði liðin byrjuð að hita upp enda um 20 mínútur í leikinn.

Ég er kominn í kaffið sem verður að teljast mjög gott hjá Fram. Fá plússtig fyrir það.
Fyrir leik
Þó Víkingarnir hafa verið á töluvert betri en Framarar undanfarið þá hef ég tilfinningu fyrir heimasigri í dag.

Það er mikil pressa komin á Fram og það er kominn tími á frammistöðu hjá liðinu.
Fyrir leik
Jæja, korter í leik og liðin ganga af vellinum og í búningsherbergin.

Fer að styttast í þetta. Vonandi fáum við skemmtilegan leik með nóg af mörkum.

Fyrir leik
Hörður Fannar Björvinsson í marki Fram er fæddur 1997 en hann hefur varið mark liðsins eftir að Ögmundur Kristinsson fór til Randers í Danmörku.
Fyrir leik
Liðin eru komin inn á völlin og eru kynnt til leiks.

Allt að gerast í Laugardalnum.
1. mín
Leikurinn er hafinn

Framarar byrja með boltann og sækja í áttina að gervigrasinu í Laugardalnum.
1. mín
Dofri Snorrason á fyrsta skot leiksins en það fer yfir markið. Ekki mikil hætta á ferðum fyrir Framara.
2. mín
Einar Bjarni með skot af löngu færi sem Ingar á ekki í erfiðleikum með í markinu.

Leikurinn byrjar ágætlega.
5. mín
Tveir leikmenn Víkings liggja eftir samstuð, Halldór Smári og Dofri, en þeir standa upp og virðist í lagi með þá báða.
7. mín
Aron Elís með góðan sprett fram völlin og gefur hann á Abnett sem á skot sem Hörður ver.
8. mín Gult spjald: Jóhannes Karl Guðjónsson (Fram)
8. mín
Hafsteinn Briem á hræðilega sendingu beint á Dofra sem kemst einn gegn Herði en Hörður stendur vel og ver.
10. mín
Halldór Smári í ágætis færi sem Hörður ver, skotið var beint á hann.
12. mín
Víkingarnir hafa verið töluvert sprækari framan af og eru að komast í fín færi.

Ekkert reynt á Ingvar Kale hinum megin.
14. mín
Arnþór Ari í fínu færi eftir góðan samleik Framara, nær skoti rétt fyrir utan markteig en Kale er fljótur niður og sér við honum.
16. mín
Þess má geta að Jóhannes Karl er að spila í hægri bakverði. Hann hefur ekki verið sannfærandi hingað til gegn Dofra.
19. mín Gult spjald: Igor Taskovic (Víkingur R.)
Fyrirliðinn fer í bókina fyrir hendi.

Afar ódýrt spjald og Óli Þórðar lætur í sér heyra.
21. mín
Aron Elís með fallega fótavinnu rétt utan teigs Framara en nær ekki almennilegu skoti.
22. mín
Pape í fínu færi eftir misheppnað skot frá Michael Abnett.

Nær ágætis skoti en Hörður sér við honum í markinu.
24. mín
Dofri í enn einu færinu, fær boltann í vítateignum en skot hans á nærstöngina fer rétt framhjá.
24. mín
Pape fer niður í teignum og er brjálaður yfir að fá ekki vítaspyrnu.

Held Kristinn hafi haft hárrétt fyrir sér með að dæma ekki á þetta.
26. mín
Haukur Baldvisson í góðu færi en skot hans hátt yfir markið. Þarna átti hann að gera mikið betur.
27. mín Gult spjald: Hafsteinn Briem (Fram)
Aukaspyrna af um 25 metra færi sem Taskovic tekur en Hörður er ekki í vandræðum með að verja hana.

Hafsteinn fékk gult spjald fyrir brotið.
33. mín
Michael Abnett tekur á rás og tekur skot sem fer yfir markið.

Leikurinn hefur jafnast aðeins síðustu mínútur og Framarar að komast aðeins meira inn í leikinn.
33. mín Gult spjald: Halldór Smári Sigurðsson (Víkingur R.)
Halldór tekur boltann en tæklingin var mjög hörð. Jaðraði við tveggja fóta. Alltaf gult spjald þótt Óli Þórðar sé ekki sammála.

Braut á Aroni Þórði.
34. mín
Óli Þórðar lét vel í sér heyra eftir þetta gula spjald.

Framarar í stúkunni vanda honum ekki kveðjurnar á meðan.
36. mín
Aron Elís reynir skot sem fer yfir.

Ekki mikið um alvöru færi síðustu mínútur.
39. mín
Aron Þórður Albertsson með glæsilegt skot af vítateigshorninu.

Stefndi upp í skeytin en Ingvar Kale ver frábærlega.

Besta sem leikurinn hefur boðið upp á hingað til. En þetta var glæsilega gert hjá báðum.
41. mín
Jóhannes Karl með flotta fyrirgjöf beint á kollin á Arnþóri sem er í góðu skallafæri en hittir boltann illa.
42. mín
Það eru yfirleitt tveir til þrír Framarar mættir á Aron Elís um leið og hann fær boltann. Nú braut Einar Bjarni á honum og Víkingar fá aukaspyrnu á hættulegum stað.
42. mín
Aron Elís tekur spyrnuna en hún fór í vegginn og Víkingar fá hornspyrnu.
43. mín
Dofri með fallegan skalla eftir hornspyrnuna en beint á Hörð.

Hörður er búinn að vera öruggur í markinu hjá Fram.
44. mín
Pape finnur Aron Elís inni á teignum, Aron tekur eina snertingu og síðan skot sem fer hárfínt framhjá marki Fram. Með betri tilraunum leiksins hingað til.
45. mín
Hálfleikur

Dofri tók skot framhjá markinu og þar með lauk fyrri hálfleik.

Víkingar voru heilt yfir betri í fyrri hálfleiknum en fundu ekki leið framhjá Herði í markinu.

Framarar fengu samt sem áður sín færi en staðan er markalaus í hálfleik.
45. mín
Síðari hálfleikur kominn af stað

Vonum að mörkin láti sjá sig í seinni.
51. mín
Ingiberg í færi eftir hornspyrnu en skotið hans fór yfir markið.

Fyrsta færi seinni hálfleiks kemur eftir sex mínútur.
54. mín
Pape í besta færi leiksins hingað til!

Einn gegn opnu marki nánast eftir undirbúning Tómasar Guðmundsonar en skotið hans yfir.
55. mín
Inn:Henry Monaghan (Víkingur R.) Út:Dofri Snorrason (Víkingur R.)
57. mín
Pape var á toppnum, klúðraði þessu dauðafæri og eftir skiptinguna er hann kominn á vinstri kantinn og Aron Elís kominn á toppinn.
59. mín Gult spjald: Aron Þórður Albertsson (Fram)
60. mín
Hörður Fannar liggur eftir samstuð við Pape og það er við það að sjóða upp úr.
60. mín Gult spjald: Tómas Guðmundsson (Víkingur R.)
60. mín Gult spjald: Pape Mamadou Faye (Víkingur R.)
Pape og Tómas fá báðir gult spjald eftir afganginn inni á teignum er Hörður lá.
60. mín
Inn:Hafþór Mar Aðalgeirsson (Fram) Út:Aron Þórður Albertsson (Fram)
64. mín
Fyrri hálfleikurinn var töluvert meiri skemmtun en sá seinni er búinn að vera.

Mikið af brotum og lítið flæði í leiknum.
66. mín MARK!
Igor Taskovic (Víkingur R.)
Stoðsending: Pape Mamadou Faye
MAAAAARK!!

Víkingar eru komnir yfir og heilt yfir er þetta verðskuldað.

Pape gefur flotta sendingu á Taskovic sem klárar vel framhjá Herði í markinu.
69. mín
Taskovic var í nokkuð þröngu færi er hann skoraði en skotið var mjög fast á nærstöngina.
70. mín
Inn:Ásgeir Marteinsson (Fram) Út:Haukur Baldvinsson (Fram)
71. mín Gult spjald: Viktor Bjarki Arnarsson (Fram)
Með ljótt brot á Taskovic.
72. mín Gult spjald: Einar Bjarni Ómarsson (Fram)
Fyrir að biðja um annað gula spjaldið á Halldór Smára sem hafði brotið af sér.
73. mín
Inn:Páll Olgeir Þorsteinsson (Víkingur R.) Út:Michael Maynard Abnett (Víkingur R.)
74. mín
Páll Olgeir í fínu færi en varnarmenn Fram komast fyrir og setja boltann í horn.
77. mín
Aron Elís með sprett fram völlin og síðan skot. Hörður rennur og er í smá vandræðum en nær þó að verja.
78. mín MARK!
Igor Taskovic (Víkingur R.)
MAAAARK!!!

Fyrirliðinn er mættur aftur. Aron Elís á sendingu á Taskovic sem er í fínu færi utan teigs.

Hann tekur skotið, Hörður er í boltanum en það dugar ekki til og eru Víkingar komnir langleiðina með að vinna þennan leik.
79. mín
Inn:Aron Bjarnason (Fram) Út:Guðmundur Steinn Hafsteinsson (Fram)
81. mín
Inn:Ívar Örn Jónsson (Víkingur R.) Út:Aron Elís Þrándarson (Víkingur R.)
Aron Elís með enn einn góða leikinn í sumar. Klárlega einn af mönnum mótsins.
82. mín
Viktor Bjarki með skot langt framhjá.

Spilamennska Framara í síðari hálfleik hefur verið afar slök.
86. mín MARK!
Tómas Guðmundsson (Víkingur R.)
Stoðsending: Kjartan Dige Baldursson
MAAAARK!!!

Leikurinn er í raun búinn núna en Framarar hafa slökkt á sér eftir að hafa fengið annað markið á sig.
88. mín
Það má segja að þetta mark hafi verið búið til í Fossvoginum en bæði Kjartan, sem átti stoðsendinguna sem og Tómas sem skoraði markið eru fæddir og uppaldnir hjá Víkingum.
90. mín
Venjulegur leiktími búinn og ekki mikið að gerast. Víkingar færa sig upp í þriðja sæti ef KR tapar á móti Breiðablik en Breiðablik leiðir einmitt 1-0.
Leik lokið!
Sanngjarn sigur Víkinga staðreynd.

Umfjöllun og viðtöl á leiðinni.

Ég þakka fyrir mig.
Byrjunarlið:
4. Igor Taskovic
11. Dofri Snorrason ('55)
12. Halldór Smári Sigurðsson
20. Pape Mamadou Faye
21. Aron Elís Þrándarson ('81)
22. Alan Lowing
27. Tómas Guðmundsson

Varamenn:
3. Ívar Örn Jónsson ('81)
29. Agnar Darri Sverrisson

Liðsstjórn:

Gul spjöld:
Tómas Guðmundsson ('60)
Pape Mamadou Faye ('60)
Halldór Smári Sigurðsson ('33)
Igor Taskovic ('19)

Rauð spjöld: