Góða kvöldið!

Hér verður bein textalýsing frá leik Stjörnunnar og Lech Poznan í 3. umferð forkeppni Evrópudeildarinnar.

Þetta er fyrri leikurinn en sá síðari fer fram í Póllandi eftir viku.

Framherjarnir reyndu Veigar Páll Gunnarsson og Garðar Jóhannsson eru ekki með Stjörnunni vegna meiðsla.

Ingvar Jónsson snýr hins vegar aftur í markið eftir að hafa misst af leiknum gegn ÍBV vegna meiðsla.

Löngu er uppselt á leikinn en miðarnir 1000 fóru út á klukkutíma.

Ognjen Valjic flautar leikinn í kvöld en Dalibor Draskovic og Haris Bakovic eru honum til aðstoðar. Þeir koma allir frá Bosníu/Herzegóvínu.

Lech Poznan er með fjögur stig eftir tvær umferðir í pólsku deildinni en liðið gerði 1-1 jafntefli við Górnik Zabrze síðastliðinn sunnudag.

Í fyrra endaði liðið í öðru sæti í pólsku deildinni, tíu stigum á eftir Legia Varsjá.

Leikmenn Lech Poznan eru mættir út á völl í upphitun. Þeir klappa fyrir áhorfendum þó enginn sé mættur í stúkuna.

Siggi Dúlla leggur Stjörnufötin til hliðar og er í skyrtu í dag. Tilefni til, stór dagur í dag hjá Stjörnunni.

Stuðningsmenn Lech Poznan eru á meðal þeirra háværustu í Evrópuboltanum en gríðarlega stemning er á heimaleikjum liðsins.

Stuðningsmennirnir fagna meðal annars mörkum með því að hoppa í stúkunni og snúa baki í völlinn en stuðningsmenn Manchester City tóku þennan sið einnig upp eftir leik liðanna í Evrópudeildinni fyrir nokkrum árum.

Smelltu hér til að sjá stuðningsmennina í stuði

Stuðningsmenn Stjörnunnar eru hressir í upphitun á All-In í Hafnarfirði.

Haukur vallarþulur er í Þjóðhátíðarskapi og setur þjóðhátíðarlagið með Jóni Jónssyni á fóninn.

Haukur vallarþulur brá sér frá og Þorkell Gunnar á Morgunblaðinu tekur rándýra kynningu í hans fjarveru. Þorkell bendir á að stúkan er reyklaus.

Silfurskeiðin er ekki ennþá mætt. Stemningin í stúkunni er því afskaplega róleg ennþá.

Leikurinn er hafinn. Stjörnumenn eru með smá vind í bakið í fyrri hálfleik.

Stjarnan spilar í bláum og hvítum Evrópubúningi sínum. Silfurskeiðin er mætt og byrjuð að syngja. Allt klárt!