Liðin skiptast á vallarhelmingum og byrja heimamenn með vindi.

Leikmenn röllta inná völlinn ásamt dómurm leiksins.

Útlit er fyrir að Suðvíkingurinn ungi Elmar Atli byrji í miðverðinum hjá BÍ/Bolungarvík, en HK-ingar eiga eflaust eftir að reyna að nýta sér smæð hans því Ísfirðingurinn í framlínu HK-ing, Guðmundur Atli telst nú seint lávaxinn. En við skulum muna að margur er klár þótt hann sé smár.

Guðmundur Atli Steinþórsson, sonur Dúa í bíóinu mætir í dag sínum gömlu félögum.

Athygli vekur að Ásgeir Guðmundsson, sem var aðstoðarþjálfari Jörunds Áka og einnig Guðjóns Þórðarsonar síðustu fjögur ár, er Jón Hálfdáni til aðstoðar í dag. Spurnig hvort hann eigi að fylla skarðið sem Nigel Quashie skilur eftir sig í þjálfarateyminu?

HK-ingar eru komnir út að hita, en heimamenn láta bíða eftir sér.

HK-ingar gera tvær breytingar á liði sínu frá 3-0 tapinu gegn Þrótturum, en Guðmundur Magnússon og Leifur Andri Leifsson koma inní liðið á kostnað þeirra Harðar Magnússonar og Arons Þórðar Albertssonar.

Heimamenn gera þrjár breytingar á byrjunarliði sínu frá síðasta leik, en þeir Daniel Badu, Matthías Króknes og Pétur Bjarnason koma allir inní byrjunarliðið í stað Ásgeirs Franks Ásgeirssona, Magnúsar Péturs og Sigurgeirs Gíslasonar fyrirliða, en það verður að teljast mjög óvænt, en Loic Ondo ber fyrirliðabandið í dag.

Gaman verður að sjá hvernig Bolvíkingurinn ungi Pétur Bjarnason mun spjara sig, en þetta er hans fyrsti leikur í byrjunarliði í sumar. Segja má að Pétur hafi verið ljósi punkturinn í lánlausu gengi Vestfirðringana í vetur.

Nú fara byrjunarliðin að detta inn fljótlega, en talið er líklegt að heimamenn munun endurheimta Matthías Króknes Jóhannsson, en Matthías missti af síðasta leik vegna meiðlsa.

Dómari leiksins er Guðmundur Ársæll Guðmundson og honum til aðstoðar eru þeir Bryngeir Valdimarsson og Hörður Aðalsteinsson. Jón Þór Ágústsson er eftirlitsmaður í dag.

Fyrir lekinn í dag eru heimamenn með 0 stig á botni deildarinnar með markatöluna 1-10, á meðan að gestirnir úr Kópavoginum eru í því sjötta með 6 stig og markatöluna 3-3.

Góðan og blessaðan daginn kæru lesendur. Hér mun fara fram bein textalýsing frá leik BÍ/Bolungarvíkur og HK í 4. umferð 1. deildar karla.