,,Þér er ekki boðið" ómar í hátalarakerfinu hérna í lautinni á meðan leikmenn ganga inn á völlinn. Hvort þessu sé beint að aðkomuliðinu eða hvort þetta sé hrein og bein tilviljun skal ég ekki segja til um.

Leikmenn ganga nú til búningsklefanna og gera sig reiðubúna í komandi átök!

Athyglisvert að dómararnir og Fylkis liðið skarta ,,Vertu næs" bolum frá Rauða Krossinum en það gera Valsmenn hins vegar ekki. Furðulegt.

Hafiði séð hárið og "lúkkið" á Kjartani Sturlusyni markmannsþjálfara Fylkis?

Ef ekki ráðlegg ég ykkur að koma í Árbæinn til þess eins að athuga það. Vá.

Það var eins og við var að búast, Jói Kalli og Ásgeir Örn koma inn hjá Fylki. Jói Kalli sest þó á bekkinn hlýtur að finna fyrir meiðslum, trúi ekki öðru.

Hjá Val koma Kale, Haukur Páll og Iain Williamsson allir inn og Matthías fær sér sæti á bekknum í fyrsta skipti á tímabilinu, tæpur klukkutími í leik og spenningur farinn að myndast.

Svo má ekki gleyma Tonci Radovinkovic sem kom til Fylkis stuttu fyrir mót en hann hefur skorað tvö mörk í fimm leikjum fyrir liðið og er einn öflugasti skallamaður deildarinnar enda hátt í tveggja metra maður hefði ég haldið! Væri athyglisvert að sjá skallabaráttu milli hans og Hauks Páls ef hann skyldi spila í dag.

Albert Brynjar Ingason og Oddur Ingi Guðmundsson hafa farið mikinn í markaskorun hjá Fylki en báðir eru þeir komnir með 3 mörk í þeim fimm leikjum sem hafa verið spilaðir. Albert Brynjar er af mörgum talinn besti maður mótsins hingað til og treysta Fylkismenn mikið á hann sóknarlega.

Fyrir leik er búist við því að sjá Hauk Pál aftur í lið Valsmanna, spurning hvort hann byrji eða ekki. Auk þess sást Matthías Guðmundsson með tösku hér fyrir utan búningsklefana áðan. Matti gekk til liðs við Val í vetur og hefur æft með þeim upp á síðkastið en hann þekkir rauðu treyjuna vel, spilaði með þeim á árunum 2009-2014, en hann er einnig uppalinn Valsari. Spurning hvort hann sé að koma inn í hóp?

Byrjunarlið fara að detta í hús hvað og hverju og munum við grandskoða þau hér og varpa fram pælingum, endilega takið þátt í umræðunni með því að nota #fotboltinet

Þrjú stig skilja liðin að í deildinni þegar fimm leikir eru búnir. Fylkir eru sem stendur í 6.sæti með átta stig á meðan Valur eru í 9.sæti með fimm. Leikurinn í dag er algjör "must-win" leikur fyrir bæði lið ef þau vilja ekki hellast strax úr lestinni þarna fyrir ofan miðju.

Árni Vilhjálmsson leikmaður Lilleström í Noregi var fenginn til að spá fyrir 6.umferðar í Pepsi deildinni, þetta hafði hann að segja um þennan leik.

Fylkir 2 - 2 Valur
Það er smá jafnteflislykt af þessum leik. Þetta endar 1-1 eða 2-2. Siggi Lár er heitur innan vallar í ár, hann er liklegur að skora fyrir Valsmenn, svo er Ragnar Bragi og Albert búnir að standa sig vel i sumar þannig þeir eiga eftir að valda miklum usla fyrir Valsmenn!

Komiði sæl og veriði hjartanlega og ævinlega velkomin í beina textalýsingu úr Lautinni fögru þar sem heimamenn í Fylki mæta Val í Pepsi deild karla!