Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
ÍBV
1
4
FH
0-1 Kristján Flóki Finnbogason '22
0-2 Steven Lennon '38
Aron Bjarnason '56 1-2
1-3 Kristján Flóki Finnbogason '81
1-4 Kristján Flóki Finnbogason '95
14.06.2015  -  17:00
Hásteinsvöllur
Pepsi-deild karla 2015
Aðstæður: 15 stiga hiti, logn og heiðskýrt.
Dómari: Vilhjálmur Alvar Þórarinsson
Áhorfendur: 766
Byrjunarlið:
Jonathan Glenn
Guðjón Orri Sigurjónsson
2. Tom Even Skogsrud
4. Hafsteinn Briem
5. Avni Pepa
6. Gunnar Þorsteinsson ('85)
7. Aron Bjarnason
11. Víðir Þorvarðarson
14. Jonathan Patrick Barden
17. Bjarni Gunnarsson
20. Mees Junior Siers

Varamenn:
1. Abel Dhaira (m)
5. Jón Ingason
13. Richard Sæþór Sigurðsson
15. Devon Már Griffin ('85)
21. Dominic Khori Adams
23. Benedikt Októ Bjarnason
24. Óskar Elías Zoega Óskarsson

Liðsstjórn:

Gul spjöld:
Mees Junior Siers ('69)

Rauð spjöld:
Leik lokið!
Leiknum er lokið með 1-4 sigri FH. Leikurinn var jafnari en tölur gefa til kynna. Skýrslan og viðtöl síðar í kvöld.
95. mín MARK!
Kristján Flóki Finnbogason (FH)
Stoðsending: Brynjar Ásgeir Guðmundsson
Þrennan fullkomnuð hjá Kristjáni Flóka. Brynjar Ásgeir gaf í gegn á Kristján sem tók vel á móti boltanum með mann í sér og endaði á að skalla í tómt markið því Guðjón Orri var kominn út.
92. mín
Inn:Sigurður Gísli Snorrason (FH) Út:Þórarinn Ingi Valdimarsson (FH)
Síðasta skipting FH í dag.
92. mín
Mees Siers með skot rétt framhjá marki FH.
90. mín
Frábært skot Víðis úr aukaspyrnu á miðjum vallarhelmingi FH en frábær markarsla hjá Róberti í horn. Eftir hornið lenti mönnum saman og Tom Skogsrud var heitt í hamsi en náði að róa sig niður.
89. mín Gult spjald: Þórarinn Ingi Valdimarsson (FH)
Braut á Bjarna Gunnarssyni á miðjum vallarhelmingi FH.
88. mín
Inn:Samuel Lee Tillen (FH) Út:Böðvar Böðvarsson (FH)
Fyrsti deildarleikur Tillen síðan árið 2013 en hann missti af allri síðustu leiktíð vegna meiðsla. Hans fyrsti leikur síðan 2013 var bikarleikurinn gegn HK á dögunum.
87. mín
Brynjar Ásgeir í dauðafæri eftir sendingu frá Lennon en Guðjón Orri varði í horn.
86. mín Gult spjald: Bjarni Þór Viðarsson (FH)
Braut á Glenn í miðjuhringnum.
85. mín
Inn:Devon Már Griffin (ÍBV) Út:Gunnar Þorsteinsson (ÍBV)
Fyrsta skipting ÍBV og aðeins önnur skiptingin í leiknum. Devon hefur spilað sem varnarmaður í sumar en er settur inn í sóknina núna. Það á að keyra á þetta hjá ÍBV.
81. mín MARK!
Kristján Flóki Finnbogason (FH)
Stoðsending: Steven Lennon
Lennon sendi inn í teiginn á Kristján Flóka sem skoraði af stuttu færi framhjá Guðjóni Orra. Annað mark Kristjáns Flóka í dag.
77. mín
Inn:Brynjar Ásgeir Guðmundsson (FH) Út:Jeremy Serwy (FH)
Brynjar getur spilað allstaðar á vellinum og fer beint inn á hægri kantinn hjá FH.
73. mín
Það er erfitt að meta hver fær spjald á bekknum þegar dómarinn lyftir ekki en ég held að bæði Jóhannes Harðarson og Tryggvi Guðmundsson þjálfarar ÍBV séu komnir með áminningu í leiknum. Mikið fjör og mikil spenna í þessu núna.
69. mín Gult spjald: Mees Junior Siers (ÍBV)
Það sauð alltaf uppúr á vellinum og leikmenn liðanna tókust á. Siers og Lennon fengu áminningu fyrir en í annað sinn slapp Bjarni Gunnarsson við refsingu fyrir að hrinda leikmanni FH.
69. mín Gult spjald: Steven Lennon (FH)
62. mín
Eyjamenn segja mikla pressu að marki FH og ætla sér að ná inn jöfnunarmarkinu. Þeir eru betri þessa stundina.
59. mín
Bjarni Gunnarsson er brjálaður yfir að fá ekki vítaspyrnu og ýtir við leikmönnum FH. ÍBV var í mjög álitegri sókn, Víðir sendi fyrir og Bjarni og Jón Ragnar nálguðust boltann. Jón vann einvígið og FH fékk boltann en Bjarni taldi á sér brotið og vildi fá vítaspyrnu. Ekkert var dæmt en leikurnin stöðvaður því Jón Ragnar lá eftir og stóð fljótt upp aftur.
56. mín MARK!
Aron Bjarnason (ÍBV)
Stoðsending: Bjarni Gunnarsson
Eyjamenn ætla að gera þetta að leik. Bjarni Gunnarsson sendi til hliðar á Aron Bjarnason sem lagði boltann laglega í hornið. Vel gert hjá báðum og ÍBV er inni í leiknum.
54. mín
Það eru 766 áhorfendur á Hásteinsvelli í dag en þar á meðal eru um 60 Mafíumeðlimir, stuðningsmannasveit FH.
53. mín
Kristján Flóki skallar framhjá eftir fyrirgjöf Serwy.
51. mín
Aron Bjarnason skaut í Jón Ragnar, fékk boltann aftur og þá lét hann vaða góðu skoti á markið en Róbert rétt náði að verja í horn sem ekkert kom út úr.
49. mín
Eftir gott samspil Bjarna Viðars og Kristjáns Flóka skaut Bjarni góðu skoti að marki sem Guðjón Orri rétt náði að blaka í horn. Úr horninu skallaði Kassim á markið en Guðjón Orri varði.
46. mín
Síðari hálfleikur er hafinn. Engar breytingar voru gerðar á liðunum í hálfleik.
45. mín

45. mín
Hálfleikur
Kominn hálfleikur í Vestmannaeyjum þar sem FH leiðir með tveimur mörkum gegn engu.
45. mín Gult spjald: Kristján Flóki Finnbogason (FH)
Braut á Víði á miðjum vellinum þegar hann brunaði upp í skyndisókn eyjamanna. Vissi eflaust að hann fengi spjald en vildi stöðva hættulega sókn.
38. mín MARK!
Steven Lennon (FH)
Stoðsending: Kassim Doumbia
Eftir hornspyrnu skallaði Kassim að marki og í stöngina á marki ÍBV, Lennon náði boltanum og fylgdi á eftir og skoraði. 0-2 fyrir FH.
37. mín
Eins og við manninn mælt, strax komið færi. Serwy sendi fyrir Kristján Flóki af stuttu færi á nær stöngina og Guðjón Orri varði í horn.
37. mín
Það er rosalega rólegt yfir þessum leik og lítið um færi. Vonandi fer að komast eitthvað líf í þetta.
24. mín
Eyjamenn æfir því þeir töldu að Davíð Þór hafi handleikið boltann innan vítateigs en ekkert dæmt.
22. mín
Skömmu fyrir markið höfðu stuðningsmenn ÍBV kvartað sáran yfir dómaranum þegar Jonathan Glenn var að komast í gegn. Fyrst lét hann sig falla og ekkert var dæmt og í seinni skiptið var hann rangstæður.
22. mín MARK!
Kristján Flóki Finnbogason (FH)
Stoðsending: Steven Lennon
Kristján Flóki þakkar tækifærið í byrjunarliðinu með marki. Bjarni Viðars sendi inn í teiginn á Lennon sem gaf á Kristján Flóka sem skoraði af stuttu færi framhjá Guðjóni Orra í markinu.
15. mín
Loksins kom skot að marki. Böðvar Böðvarsson átti það, gott skot fyrir utan teig en rétt framhjá marki ÍBV. Liðin hafa verið að komast í álitlegar sóknir en ekkert skotfæri ennþá fyrr en núna.
7. mín
Þetta fer mjög rólega af stað. Liðin eru að þreifa fyrir sér á lágu tempói.
7. mín
Svona stilla liðin upp í dag.

ÍBV 4-4-2:
Guðjón Orri
Barden - Hafsteinn - Pepa - Skogsrud
Víðir - Gunnar - Siers - Aron
Glenn - Bjarni

FH 4-4-2:
Róbert
Jón Ragnar - Pétur - Kassim - Böðvar
Serwy - Davíð Þór - Bjarni Þór - Þórarinn
Kristján Flóki - Lennon
1. mín
Leikurinn er hafinn. FH byrjar með boltann og leikur í átt að golfvellinum.
Fyrir leik
Fyrir leikinn er mínútu þögn vegna fráfalls Þorsteins E. Þorsteinssonar þjálfara 3. flokks karla og kvenna hjá Fylki sem lést í vikunni en hann er úr Vestmannaeyjum.
Fyrir leik
Liðin ganga nú út á völlinn. ÍBV í sínum hefðbundnu alhvítu búningum en FH í albláum varabúningum sínum.
Fyrir leik
Það eru draumaaðstæður í Vestmannaeyjum í dag. Alveg heiðskýrt, logn og 14-15 gráðu hiti. Besta fótboltaveður sumarsins í Pepsi-deildinni.
Fyrir leik
Þórarinn Ingi Valdimarsson er í fyrsta sinn í byrjunarliði FH í deildarleik en hann hefur komið inná sem varamaður í þremur leikjum og staðið sig vel. Þá byrjaði hann einnig leikinn gegn HK í Borgunarbikarnum. Hann kom til FH í vetur frá ÍBV og leikur í dag í fyrsta sinn gegn sínu gamla liði.
Fyrir leik
Jóhannes Harðarson þjálfari ÍBV gerir tvær breytingar frá 3-1 tapinu í Keflavík í síðasta leik. Tom Een Skogsrud kemur inn fyrir Jón Ingason og Bjarni Gunnarsson fyrir Ian Jeffs.
Fyrir leik
FH vann Víking í síðustu umferð og Heimir Guðjónsson þjálfari þeirra gerir tvær breytingar á liðinu frá þeim leik. Atli Guðnason er óvænt ekki í liði FH í dag en Þórarinn Ingi Valdimarsson leysir hans stöðu á vinstri kantinum. Þá kemur Kristján Flóki Finnbogason inn í framlínuna í stað Sam Hewson hjá FH sem spilar 4-4-2 í dag. Liðið má sjá hér hægra megin við textann.
Fyrir leik
Guðmundur Steinarsson sérfræðingur Fótbolta.net um FH í útvarpsþættinum Fótbolta.net í gær
,,Menn eru alltaf að bíða eftir að þeir taki einhverja leiki og rúlli þeim upp því þeir spila vel og eru með góðan mannskap en vélin gengur bara hjá þeim og er í flottum akstri og vel stillt. Þeir halda áfram að sigla þetta mót."
Fyrir leik
Guðmundur Steinarsson sérfræðingur Fótbolta.net um ÍBV í útvarpsþættinum Fótbolta.net í gær
,,Ég sá leikinn hjá ÍBV á móti Keflavík um daginn og það var ekkert í leik eyjamanna sem benti til þess að þeir gætu unnið leik í sumar. Þetta var rosalega dapurt og ekki það eyjalið sem við erum vanir að sjá með baráttu og kraft og vilja. Þeir voru rosalega slakir þar."

,,Það er rannsóknarefni hvernig þeir fóru að því að vinna leikinn á móti Víkingum og ég hugsa að Víkingar eigi eftir að klóra sér vel og lengi í höfðinu hvernig þeir fóru að því að tapa þessum leik þar."
Fyrir leik

Fyrir leik
Vilhjálmur Alvar Þórarnisson dæmir leikinn í dag og þeir Gylfi Már Sigurðsson og Jóhann Gunnar Guðmundsson eru línuverðir. Jóhann Gunnarsson er eftirlitsmaður KSÍ.
Fyrir leik
Liðin mættust síðast í Vestmannaeyjum 10. ágúst í fyrra en þá lauk leiknum með 1-1 jafntefli. Steven Lennon og Jonathan Glenn skoruðu mörkin. FH vann fyrri leik liðanna í maí í fyrra 1-0 með marki Atla Viðars Björnssonar.
Fyrir leik
Komiði sæl og verið velkomin í beina textalýsingu frá viðureign ÍBV og FH í 8. umferð Pepsi-deildar karla. Liðin hafa ólíkt hlutskipti á mótinu í ár því að á meðan ÍBV er í næst neðsta sæti deildarinnar með aðeins fjögur stig er FH á toppnum með 16 stig úr fyrstu sjö umferðunum.

Leikurinn hefst klukkan 17:00 á Hásteinsvelli í Vestmannaeyjum og fylgjast má með honum hér í textalýsingunni.
Byrjunarlið:
1. Róbert Örn Óskarsson (m)
Davíð Þór Viðarsson
Bjarni Þór Viðarsson
4. Pétur Viðarsson
7. Steven Lennon
16. Jón Ragnar Jónsson
18. Kristján Flóki Finnbogason
20. Kassim Doumbia
21. Böðvar Böðvarsson ('88)
22. Jeremy Serwy ('77)
23. Þórarinn Ingi Valdimarsson ('92)

Varamenn:
12. Kristján Finnbogi Finnbogason (m)
11. Atli Guðnason
17. Atli Viðar Björnsson
21. Guðmann Þórisson
23. Brynjar Ásgeir Guðmundsson ('77)
28. Sigurður Gísli Snorrason ('92)

Liðsstjórn:
Samuel Lee Tillen (Þ)

Gul spjöld:
Kristján Flóki Finnbogason ('45)
Steven Lennon ('69)
Bjarni Þór Viðarsson ('86)
Þórarinn Ingi Valdimarsson ('89)

Rauð spjöld: