Fyrir leikinn stóð öll stúkan upp og hyllti Alan Borgvardt með löngu lófaklappi en hann er áhorfandi á leiknum.

Heimir Guðjónsson þjálfari FH sýnir enn og aftur að það var full ástæða fyrir því að hann kallaði Emil Pálsson til baka úr láni frá Fjölni því miðjumaðurnin er í byrjunarliðinu í kvöld í þriðja leiknum af fjórum síðan hann kom frá Fjölni. Í staðinn er Bjarni Þór Viðarsson orðinn varamaður hjá FH.

FH-ingar gleðjast í dag því danski framherjinn Alan Borgvardt er á landinu og heimsótti stuðningsmenn liðsins á Ölhúsinu fyrir leik. Borgvardt er einn af bestu leikmönnum sem hafa spilað hér á landi og átti stóran þátt í fyrstu Íslandsmeistarartitlinum FH. Hann kann enn að skora mörk og skoraði 13 mörk í 24 leikjum með IF Sylvia í Svíþjóð í fyrra.

Mörk Borgvardt síðustu ár:
2010: Sandnes Ulf: 10
2011 IF Sylvia: 19
2012 IF Sylvia: 14
2013 IF Sylvia: 15
2014 IF Sylvia: 13

Byrjunarliðin eru klár hér sitthvorum megin við textann. FH gerir nokkrar breytingar frá leiknum í Evrópudeildinni á fimmtudaginn Kristján Flóki Finnbogason kemur í framlínuna fyrir Steven Lennon, Jeremy Serwy inn fyrir Pétur Viðarsson sem er í leikbanni og Brynjar Ásgeir Guðmundsson inn fyrir Guðmann Þórisson sem fékk stóran skurð á hökuna í vikunni en er á bekknum í dag.

Fylkir tvær breytingar frá síðasta deildarleik Ásgeir Börkur kemur aftur inn í liðið Elís Rafn Björnsson er einnig í byrjunarliðinu. Oddur Ingi Guðmundsson og Stefán Ragnar Guðlaugsson eru ekki með í dag.

Pétur Viðarsson er ekki með FH í dag þar sem hann tekur út leikbann vegna fjögurra gulra spjalda. Hann tók nýlega ákvörðun um að spila með FH út tímabilið en upphaflega stóð til að hann myndi hætta um miðjan júlí vegna náms í Ástralíu.

Gengi liðanna í sumar hefur verið gjörólíkt. FH er á toppi deildarinnar með 23 stig og hefur einungis tapað einum leik. Fylkir er 7. sæti með 13 stig og eftir slæmt tap á móti ÍBV í bikarnum ákvað stjórn Fylkis að segja Ásmundi þjálfara upp og réðu þeir Hermann nokkurn Hreiðarsson til að stýra liðinu og þetta hans fyrsti leikur í kvöld.

Góðan og blessaðan daginn og verið velkomin í beina textalýsingu frá leik FH & Fylkis úr 11.umferð Pepsí deildar karla í knattspyrnu. Leikurinn hefst kl. 19:15 og verðum við í góðu stuði þangað til og síðan að sjálfsögðu á meðan leik stendur.