KR mun leika með sorgarbönd í leiknum í dag til minningar um Ólaf Hannesson fyrrverandi landsliðsmann og leikmann KR. Ólafur var 88 ára þegar hann lést en hann lék 143 leiki fyrir KR og skoraði í þeim 64 mörk ásamt því að verða Íslandsmeistari með liðinu alls fimm sinnum á árunum 1948-1955.

Aðstæður í Eyjum i dag eru eins og best verður á kosið. Það er frekar hlýtt úti og smá gola. Völlurinn er að sjálfsögðu einnig í góðu standi.

Byrjunarliðin eru komin inn. ÍBV gerir eina breytingu frá 2-0 útisigri gegn Leikni í síðustu umferð. Tom Even Skogsrud kemur inn í liðið fyrir Aron Bjarnason sem sest á bekkinn.

KR gerir tvær breytingar á byrjunarliði sínu frá tapinu gegn Val í bikarúrslitaleiknum. Almarr Ormarsson og Hólmbert Friðjónsson fara á bekkinn en Þorsteinn Már Ragnarsson og Gary Martin koma inn.

Leikurinn átti að fara fram í gær fimmtudag en var færður aftur um sólarhring þar sem leikmenn KR komust ekki til Eyja. Sjá nánar.

Jónas Guðni Sævarsson, leikmaður KR:
Það er alltaf ákveðin stemning sem fylgir því að fara til Eyja og mér lýst rosalega vel á þennan leik. Við megum ekki misstíga okkur. Ef við ætlum að berjast um þennan titil til lokadags þá þurfum við að taka öll þau stig sem eftir eru. FH og Breiðablik eru ekki að fara að misstíga sig svo glatt. Ef við ætlum að vera með þurfum við að taka alla leiki og leikurinn í kvöld er sá fyrsti af þeim sjö sem eftir eru.

Þetta er í þriðja sinn sem þessi lið mætast í sumar. Þegar liðin léku á KR-vellinum í Pepsi-deildinni 25. maí vann KR 1-0 sigur þar sem Óskar Örn Hauksson skoraði. Liðin léku svo á sama velli í undanúrslitum bikarsins í lok júlí. Þar rúllaði KR yfir Eyjamenn og vann 4-1 sigur.

Sextándu umferð Pepsi-deildarinnar lýkur með leikjum í kvöld. KR verður að vinna til að halda sér í titilbaráttunni, liðið verður þremur stigum frá toppliði FH með sigri. ÍBV er í fallsæti með 14 stig en kemst upp úr fallsætinu tapi liðið ekki í kvöld.

Góðan og gleðilegan dag. Lögregluvarðstjórinn Pétur Guðmundsson dæmir leik ÍBV og KR sem hefst klukkan 18:00 á Hásteinsvelli. Hér verður bein textalýsing frá leiknum.