Skagamenn eru að sjáfsögðu Gulir svartir svartir en Fjölnismenn Svartir Svartir gulir, smá óþægilegt en sjáum til hvernig þetta verður.

Enn meiri ástæða til að mæta á völlinn það er FRÍTT. Ath ókeypis í boði Norðuráls. Plús á það.

Við auglýsum eftir að áhorfendur fari að rífa sig uppúr sófanum og komi sér á staðinn, aðeins örfáar hræður mættar á Norðurálsvöllinn. Það er rjómablíða hér uppá Skaga. Liverpool Arsenal endar hvort sem er með markalausu jafntefli, miklu skemmtilegra að vera útí blíðunni að horfa á gæða Pepsideildarleik.

Skagamenn eiga að harma að hefna ekki nóg með að þeir hafi tapað í Grafarvoginum fyrr í sumar þá komu Fjölnismenn hingað og hentu þeim útúr bikarnum með 3-0 öruggum sigri.

Gleymdi að sjálfsögðu að nefna að Ragnar Leósson kemur einnig inn í lið Fjölnis í stað Illuga Þórs sem fær sér sæti á tréverkinu.

Dómari í kvöld er lögreglumaðurinn Pétur Guðmundsson, algjör topp náungi, hef fengið þann heiður að spila með kappa og var hann hinn ágætasti neðri deildar miðjumaður. Þar að auki spilaði hann með landsliði Íslenskra lögreglumanna á norðurlandamóti lögreglumanna.

Með honum eru Gylfi Már Sigurðsson og Andri Vigfússon en þess má til gamans geta að Andri er á leið til Moldavíu að dæma í Futsal móti á næstu dögum. Get ekki sagt að ég öfundi hann enda það markverðasta frá Moldavíu væntanlega Dragostea Din Tei lag sem var vinsælt hér fyrir nokkrum árum. Það eldist ekkert alltof vel samt.

Kickstart my heart komið á fóninn og ætti að geta kveikt í leikmönnum. Við viljum fá mörk í kvöld.

Liðin í góðum gír að hita upp. Skagamennirnir eru byrjaðir að grilla hinum megin og því allt að verða klárt fyrir þennan leik. Vil endilega benda stuðningsmenn á það að það tekur ekki hálftíma að keyra á Akranes og því alls ekki of seint að leggja af stað núna. Veðrið er geggjað.

Það eru tvær breytingar hjá Skagamönnum frá seinasta leik. Ásgeir Marteinsson og Ólafur Valur Valdimarsson koma inn fyrir Ingimar Elí og Hall Flosason. Hjá Fjölni fær Gunnar Már Guðmundsson sér sæti á bekknum og Mark Magee kemur inn.

Fyrri leik liðanna lauk með 2-0 sigri Fjölnismanna þar sem fyrirliðinn Bergsveinn Ólafsson og Þórir Guðjónsson skoruðu mörkin. Það verður ekki endurtekning á því þar sem Þórir er ennþá að glíma við meiðsl. Bergsveinn gæti hinsvegar skorað.

Hvetjum fólk endilega til að nota hashtagið #fotboltinet og valdar færslur verða settar inn.

Góðan daginn eða kvöldið öllu heldur. Magnús Valur Böðvarsson heilsar frá Akranesi þar sem leikur Skagamanna og Fjölnis fer fram. Völlur lítur glæsilega út og veðrið frábært. Það er logn, ég endurtek logn á Akranesi þannig að við hvetjum alla til þess að mæta á leikinn enda nægur tími til stefnu.

Jón Vilhelm Ákason, leikmaður ÍA:
Ég met möguleika okkar mjög góða, við erum á heimavelli og höfum verið að spila heilt yfir vel þar. Fjölnir eru með hörku lið og eru búnir að vera á fínu rönni, en við erum tilbúnir í slagsmála leik. Að sjálfsögðu viljum við bæta upp fyrir síðustu tvær frammistöður á móti Fjölni, þar sem við spiluðum virkilega illa og áttum lítið skilið úr þeim leikjum. Sigur yrði mjög mikilvægur til þess að spyrna okkur aðeins frá þessum liðum sem eru í kringum okkur.

Hér verður bein textalýsing frá leik ÍA og Fjölnis. Skagamenn eru í níunda sæti deildarinnar eftir ágætan leik en Fjölnir er í fimmta sæti deildarinnar. Fjölnismenn hafa unnið bæði einvígi liðanna til þessa, 2-0 í deildinni og 3-0 í bikar.