Fram
0
4
Víkingur Ó.
0-0 Hrvoje Tokic '41 , misnotað víti
0-1 Kenan Turudija '60
0-2 Alfreð Már Hjaltalín '69
0-3 Björn Pálsson '76
0-4 William Dominguez da Silva '79
12.09.2015  -  13:00
Framvöllur - Úlfarsárdal
1. deild karla 2015
Aðstæður: Skýjað og rigningarlegt. Léttur andvari á annað markið og hitastig nokkrar gráður
Dómari: Aðalbjörn Heiðar Þorsteinsson
Byrjunarlið:
12. Cody Nobles Mizell (m)
Daði Guðmundsson
3. Tryggvi Sveinn Bjarnason
9. Brynjar Benediktsson
10. Orri Gunnarsson
11. Hrannar Einarsson ('46)
16. Arnór Daði Aðalsteinsson
19. Sigurður Kristján Friðriksson
20. Magnús Már Lúðvíksson
25. Sigurður Gísli Snorrason ('70)
28. Sebastien Uchechukwu Ibeagha

Varamenn:
12. Bjarki Pétursson (m)
5. Ernir Bjarnason ('46)
6. Eyþór Helgi Birgisson ('70)
17. Alex Freyr Elísson
18. Örvar Þór Sveinsson

Liðsstjórn:
Andri Þór Sólbergsson

Gul spjöld:

Rauð spjöld:
Leik lokið!
Öruggur sigur í höfn.
Leik lokið!
Elvar Geir Magnússon
83. mín
Þessi leikur er kominn í bullið. Ólsarar eru gjörsamlega að drottna yfir heimamönnum og í raun bara spurning hvort Víkingar hafa áhuga á að bæta við eða henda sér í cruise control.
79. mín MARK!
William Dominguez da Silva (Víkingur Ó.)
William skorar beint úr aukaspyrnunni. Sneri boltann laglega og í netinu söng hann. Ég gæti vel trúað að það komi fleiri mörk í þennan leik því Framliðið hefur stimplað sig út.
78. mín
Alfreð Már að valda usla - smeygir sér á milli tveggja áður en það er brotið á honum við vítateigshornið. Alfreð liggur eftir og þarf aðhlynningu.
76. mín MARK!
Björn Pálsson (Víkingur Ó.)
Síðasti naglinn í kistuna og honum var neglt í kistuna af krafti! Björn Páls fær lausan bolta fyrir utan teig sem hann smellir í fyrstu snertingu af miklu afli beint í bláhornið. Óverjandi fyrir Cody í markinu.
73. mín
DEDDARI! William að valda usla enn eina ferðina. Þetta átti að vera mark alla daga vikunnar en Kenan Turudija setti knöttinn framhjá. Mark þarna hefði drepið leikinn.
70. mín
Inn:Eyþór Helgi Birgisson (Fram) Út:Sigurður Gísli Snorrason (Fram)
69. mín
Inn:Gunnlaugur Hlynur Birgisson (Víkingur Ó.) Út:Hrvoje Tokic (Víkingur Ó.)
69. mín MARK!
Alfreð Már Hjaltalín (Víkingur Ó.)
Stoðsending: William Dominguez da Silva
William Dominguez da Silva stimplar sig inn. Prjónar sig baseline og rennir þéttingsföstum bolta fyrir markið þar sem Alfreð Már sker inn frá hægri og þar ekki annað en að batta boltann úr markteignum til að þenja netmöskva Frammarksins
67. mín
Framarar geisast upp. Ernir Bjarnason vinnur kapphlaup við frystitogarann Amir Kubat. Endar þetta svo á flottri fyrirgjöf frá Sigurði Kristjáni frá vinstri sem skapar usla í teignum hjá Ólsurum. En ekki markið sem Framarar eru að eltast við.
65. mín
Gestirnir eru "piling on the pressure" ef maður má sletta í Football Manager. Uppskera aukaspyrnu á vinstri vængnum. Lofar góðu.
61. mín
Inn:William Dominguez da Silva (Víkingur Ó.) Út:Ingólfur Sigurðsson (Víkingur Ó.)
Ejub gerir breytingu. Ingólfur Sigurðsson fer af velli. Byrjaði leikinn mjög vel og átti heilt yfir flottan fyrri hálfleik en hefur lítið sýnt í þeim síðari.
60. mín MARK!
Kenan Turudija (Víkingur Ó.)
Stoðsending: Alfreð Már Hjaltalín
Skaut skoti af teignum eftir að hafa fengið lagninu frá Alfreð Má frá hægri. Boltinn stefndi í nærhornið en tók villta stefnubreytingu af Tryggva Sveini sem gerði sitt besta til að blokkera skotið og þaðan fór boltinn í fjærhornið. Cody var mættur í nærhornið.
59. mín
Mikil stöðubarátta í gangi um allan völl. Framarar eru mættir með klærnar úti í þennan seinni hálfleik.
55. mín
Björn Páls með metnaðarfulla tilraun af 35metrunum. Yfir markið.
53. mín
Hörku séns! Orri Gunnarsson gerir ver og svigar framhjá tveimur Ólsurum áður en hann finnur Erni Bjarna sem sendir inswing með hægri frá vinstri. Brynjar Ben er vel tímasettur og kemur fæti í boltann en hann rennur framhjá. Virkilega gott færi þarna fyrir heimamenn.
51. mín
Gestirnir eiga hornspyrnu og áhorfendur eru farnir að kyrja; "Víkingar" "Víkingar" - ekkert markvert kom upp úr spyrnunni þó
50. mín
Skemmtilegir taktar! Guðmundur Reynir og Ingó Sig leika listir sína á vinstri kantinum. Þetta var fyrir lengra komna og endaði með fyrirgjöf sem var skölluð frá og skoti frá teignum sem hafnaði framhjá marki heimamanna. Joga Bonito
47. mín
Flott sókn hjá heimamönnum! Orri Gunnarsson finnur Erni Bjarnason sem dribblar að teignum - sendir fyrir og Brynjar Ben skallar að marki en Liberato í marki gestanna ver með sjónvarpsskutlu. Hornspyrna heimamanna er svo skölluð frá. Þetta var besta færi heimamanna það sem af er!
46. mín
Leikar eru hafnir hér í Úlfarsárdal
46. mín
Inn:Ernir Bjarnason (Fram) Út:Hrannar Einarsson (Fram)
Hrannar fer útaf - erfiður dagur í vinnunni má segja. Menn segja að hann hafi verið meiddur. Sigurður Gísli Friðriksson fer í vinstri bak og Ernir kemur á vinstri vænginn
45. mín
Hálfleikur
Heimamenn virðast vera tilbúnir með skiptingu. Ernir Bjarnason lítur út fyrir að vera á leiðinni inn á. Spurning hver fer útaf?
45. mín
Hálfleikur
Það verður þó ekki tekið af Víkingum að þeir hafa verið fljótir að koma boltanum í leik og með Ingólf og Guðmund Reyni á vinstri kantinum hafa þeir dregið Fram liðið í átt að reyk á vinstri kantinum - aðeins til að skipta boltanum hratt yfir á hægri þar sem Egill Jóns hefur tekið eina 3-4 diagonal bolta sem hefur gefið Alfreð Má 1v1 stöðuna við Hrannar trekk í trekk.
45. mín
Hálfleikur
Framarar þurfa að sýna meiri gæði á síðasta þriðjung ætli þeir sér að fá eitthvað út úr þessum leik. Hafa forunnið ágætlega í aðdraganda en þegar á hólminn hefur verið komið hafa fyrirgjafir verið slakar. Eins þurfa þeir að veita Hrannari Einars einhvern vott af öryggiskennd en hvorki miðjumenn né Tryggvi Sveinn hafa hjálpað honum við að halda Alfreð Má í skefjum.
45. mín
Hálfleikur
Eyþór Helgi Birgisson ákveður að leggja afstað í göngutúr af tréverki heimamanna dómurum leiksins. Hvað hann hefur við tríóið að segja veit ég ekki en út frá líkamstjáningu þá virðist það ekki vera uppbyggilegt eða jákvætt.
45. mín
Hálfleikur
Aðalbjörn Heiðar flautar til leikhlés. Víkingur Ólafsvík hefur verið með völdin í þessum leik og í raun magnað að þeir gangi til leikhlés með ekkert mark skorað. Leikurinn er hinsvegar hin mesta skemmtun
41. mín
Menn voru ekki kátir með þennan dóm - vildu menn meina að boltinn hefði verið farinn út fyrir endamörk í aðdraganda vítaspyrnudómsins. En Alfreð Már gerði þá vel og keyrði framhjá Hrannari og setti boltann í 45° á Tokic sem skaut að marki en í hönd Tryggva. Héðan úr blaðamannastúkinni verð ég að taka þá afstöðu að ég tel að boltinn hafi ekki verið farinn og þ.a.l um réttan dóm að ræða. En það skiptir litlu þar sem spyrnan var slök hjá Tokic
41. mín Misnotað víti!
Hrvoje Tokic (Víkingur Ó.)
Hrvoje Tokic er mannlegur eftir allt saman. Hægt töffaralegt aðhlaup en setur boltann svo yfir Roberto Baggio ´94 style.
39. mín
Vítaspyrna! Boltinn í hönd Tryggva Sveins og dómarinn bendir á punktinn
37. mín
Egill Jóns með flotta diagonal sendingu á Alfreð Má sem finnur sig 1v1 við Hrannar. Ekkert cover fyrir Hrannar sem finnur sig í erfiðri stöðu og það ekki í fyrsta skiptið í leiknum. Sóknin endar með skoti framhjá markinu.
36. mín
Sigurður Gísli með skemmtilegan sprett inn á miðjan völlinn. Hleypir af skoti eftir að hafa klobbað einn Ólsara en skotið víðsfjarri
33. mín
Hrvoje Tokic fær innanfótarsendingu þvert á vítateigslínuna frá Alfreð Má og smellir af skoti með hægri. Boltinn er á leið í hornið en Cody er réttur maður á réttum stað og láréttur í loftinu ver hann boltann vel
32. mín
DARRAÐARDANS! Ingó Sig sveiflar aukaspyrnunni inn á teig. Ólsarar skora næstum því úr lausum bolta í teignum. Það var allskonar vitleysa í gangi í teignum og Maggi Lú virtist í miðjunni á því og ekki með mikinn áhuga á að vera staddur í auga stormsins. Boltinn var í brölti í teignum í einhverjar fimm sekúndur áður en einhver var dæmdur brotlegur. Rangstaða giska ég.
31. mín
Tryggvi Sveinn siglir úr öftustu línu eins og Akraborgin hérna í den tid og hleður í skallaeinvígi við Tokic. Dæmdur brotlegur og Ingó Sig stillir upp í inswing
30. mín
Heimamenn með aukaspyrnu á miðjum vallarhelming Ólsara. Maggi Lú stillir sér upp en ekkert verður úr og Liberato er snöggur að koma boltanum í leik úr markspyrnunni
29. mín
Þar skall hurð nærri hælum. Slök sending frá Ólsurum sem Sigurður Gísli nær að komast í. Ef snertingin hefði ekki verið blokkeruð af Emir Dokara hefði hann verið kominn einn í gegn. Last inch-tækling frá Dokara bjargaði málunum
28. mín
Hrannar Einarsson er staddur í víti - Alfreð Már er með skipulagðar áætlunarferðir upp hægri kantinn og í þetta skiptið vinnur hann hornspyrnu. Ólsarar taka hana stutt og hlaða svo bolta inn í teiginn sem heimamenn koma frá marki sínu...með herkjum
27. mín
Guðmundur Reynir.. þú ert betri en þetta. Íslensk fyrirgjöf beint fyrir þessa risagirðingu.
26. mín
Heimamenn í góðu upphlaupi en gestirnir ná að verjast fyrirgjöf og lausum seinni bolta á teigjaðrinum og koma boltanum af hættusvæðinu
22. mín
Víkingur Ólafsvík eru sterkari aðilinn - það er morgunljóst en Framarar hafa það sem af er átt tvo til þrjá ágætis spretti sem þeir hafa hinsvegar ekki nýtt sér
21. mín
Framarar sýna lífsmark. Orri Gunnarsson finnur Brynjar Ben í eyðu bakvið Guðmund Reyni en móttaka Brynjars er slöpp og fyrirgjöf hans beint í hendur Liberato.
20. mín
Alfreð Már prjónar sig upp hægri kantinn og krossar boltanum á Tokic sem tekur við boltanum rétt fyrir utan markteig og tekur boltann í skoppinu en beint á Cody í markinu. Stórhætta. Set RISA vaxið spurningamerki við varnarleik Magga Lú í aðdragandanum
19. mín
Þetta er hressandi fótboltaleikur hérna í Úlfarsárdal!
17. mín
Nostra! Egill Jónsson hóf þessa sókn með flottum bolta út til hægri þar sem boltanum var svo sveiflað fyrir á Tokic sem skallaði hann á aðvífandi Egil sem fleygði í hjólhestaspyrnu ala Anthony Karl Gregory en spyrnan endaði rétt yfir mark heimamanna. Flottir taktar!
13. mín
Ingólfur tekur hornspyrnuna og Cody kemur út og kýlir boltann en dómari leiksins sá einhverja glæpsamlega hegðun í boxinu og flautar. Framarar með boltann
12. mín
Ingólfur Sigurðsson fær boltann fyrir utan teig og mundar vinstri fótinn - dregur skotið og það fer af varnarmanni og í horn
11. mín
Framarar geistust upp eftir horn gestanna og fengu hornspyrnu sem þeir nýttu ekki. Þetta er coast-to-coast í augnablikinu
10. mín
Dauðafæri! Alfreð Hjaltalín fær frábæra sendingu bakvið Hrannar Einarsson og móttakan var enn betri þar sem hann kassaði boltann með sér. Afgreiðslan var létt innanfótar-pladdsering framhjá Cody en rétt framhjá - Cody náði að þó að snerta boltann og hornspyrna

Ekkert kom útúr horninu
7. mín
Luba með krefjandi sendingu til baka á Liberato sem klikkar á móttökunni og Fram fær hornspyrnu

Ekkert verður úr hornspyrnunni sem svífur lengst á fjærstöng
5. mín
Leikur hafinn
Leikar eru hafnir og gestirnir byrja leikinn af krafti. Tokic átti rétt í þessu góðan snúning í teignum sem endaði með skoti sem Cody í marki heimanna var í brasi með.
Fyrir leik
Fólk er byrjað að hreiðra um sig í Ikea-stúkunni hér í Úlfarsárdal á meðan liðin hita upp
Fyrir leik
Við erum komnir til Suður-Englands í veðrinu. Gustar aðeins en það er stytt upp. Toppaðstæður til knattspyrnuiðkunar eins og staðan er núna
Fyrir leik
Skjótt skipast verður í lofti - farið að hvessa aðeins hérna og búið að skrúfa frá rigningunni. Norður-England góðir gestir
Fyrir leik
Fyrir nokkrum mínútum litu hingað inn í blaðamannaaðastöðuna erindrekar frá Víkingum í Ólafsvík. Voru þeir í þeim erindagjörðum að fá "túrinn" um aðstöðuna. En í Ólafsvík eru menn greinilega farnir að huga að Pepsi-deildinni 2016.
Fyrir leik
Jú heilir og sælir landsmenn góðir og verið velkomin í lifandi textalýsingu úr Úlfarsárdal

Nú eru um 40 mínútur í leik og heimamenn í Fram eru fyrri til og farnir að liðka sig.
Fyrir leik
Hér verður bein textalýsing frá leik Fram og Víkings Ó. í 21. umferðinni í 1. deild karla.

Framarar eru í 9. sæti deildarinnar með 21 stig og nánast 100% öruggir með sæti sitt í deildinni.

Ólafsvíkingar eru búnir að vinna deildina en þeir eru með 48 stig á toppnum.
Magnús Már Einarsson
Byrjunarlið:
30. Cristian Martínez (m)
Alfreð Már Hjaltalín
2. Guðmundur Reynir Gunnarsson
4. Egill Jónsson
5. Björn Pálsson
7. Tomasz Luba
11. Ingólfur Sigurðsson ('61)
13. Emir Dokara
17. Hrvoje Tokic ('69)
23. Admir Kubat
24. Kenan Turudija

Varamenn:
1. Einar Hjörleifsson (m)
8. William Dominguez da Silva ('61)
17. Kristófer Jacobson Reyes
21. Fannar Hilmarsson
22. Vignir Snær Stefánsson
23. Gunnlaugur Hlynur Birgisson ('69)

Liðsstjórn:
Kristinn Magnús Pétursson

Gul spjöld:

Rauð spjöld: