Veðurskilyrði eru erfið hér í dag. Vindur og greeeenjandi rigning. Völlurinn lítur þó vel út.

Dóru Björk Gústafsdóttur er vottuð virðing með einnar mínútu þögn fyrir leik.

Þar sem hjartað slær búið að óma og allt að gerast.

Martin Hermannsson, landsliðsmaður í körfubolta:
Valsmönnum langar í 2. sætið og ÍBV ætla ekki að falla. Held aftur á móti að Valur eigi eftir að sigla inn þægilegum sigri. Það verður jafnt 1-1 í hálfleik en Valsmenn eiga eftir að bæta tveimur við í seinni hálfleik. Sigurður Egill með þrennu.

Guðmundur Steinarsson, sérfræðingur Fótbolta.net:
Ef KR-ingar misstíga sig geta Valsmenn sett KR-inga einu sæti neðar. Það færi illa í KR-inga ef það myndi gerast. Ólafur Jóhannesson hefur náð að finna stöðugleikann og á hrós skilið fyrir það. Ef Valsmenn mæta jafn værukærir og þeir gerðu í fyrri hálfleik gegn Keflavík í fyrri hálfleik gætu Eyjamenn gengið á lagið eins og þeir hafa áður gert.

Góðan og gleðilegan dag. Hér verður bein textalýsing frá leik ÍBV og Vals í 20. umferð Pepsi-deildarinnar.

Valur er í fjórða sæti deildarinnar með 32 stig en ÍBV er í því tíunda með átján stig. Eyjamenn eru í harðri fallbaráttu en fá væntanlega fínan stuðning í dag því nokkur fyrirtæki í Vestmannaeyjum hafa stuðlað að því að frítt er á völlinn.

Klukkutíma fyrir leik verða byrjunarliðin opinberuð. Hollendingurinn Mees Siers tekur út leikbann og verður ekki með ÍBV í dag.