Þetta er að hefjast. Ívar Orri á flautunni, hér er öllu tjaldað til.

Ég ætla að hrósa mikið í dag. Byrja á því að hrósa DJ-inum. Sá er að eiga stórleik, fer úr Hjálmum í Mugison, Íslenskt JÁ TAKK!

Byrjunarliðin klár. Fyrsti byrjunarliðsleikur William Daniels hjá Grindavík, hann skipti yfir í Grindavík eftir að hafa farið mikinn með Ægi á síðasta tímabili.

Við erum mættir á völlinn, þökkum lögreglunni fyrir gott samstarf á Reykjanesbrautinni.

Endilega takið þátt í stórskemmtilegri umræðu á Twitter með því að nota #fotboltinet. Vel valin tíst verða svo birt hér!

Grindvíkingar aftur á móti svífa um á bleiku skýi þessa dagana og eru taplausir eftir að Íslandsmótið hófst. Fæstir hefðu kannski búist við þeim árangri miðað við spár og annað en það er allt eða ekkert í Grindavík, menn eru ekki í þessu til að leika sér, það er klárt. Margir vilja meina að þetta verði þeirra fyrsti alvöru prófsteinn á það hve sterkir þeir virkilega eru. Ef þeir vinna í dag, má þá byrja að tala um þá sem kandídata í að fara upp? Sterk liðsheild, góðir útlendingar, vel spilandi, klókur þjálfari og með heilt samheldið bæjarfélag á bakvið sig.

Keflvíkingum var spáð góðu gengi fyrir mót af fjölmiðlamönnum og þjálfurum og fyrirliðum og eru margir á því að þetta verði eitt af fjórum liðum sem berjast um það að fara upp í efstu deild. Jafntefli við HK og Fjarðabyggð gera það þó að verkum að uppskeran er ekki meiri en 5 stig eftir þrjá leiki, ég neita að trúa því að Þorvaldur og hans menn séu sáttir með það, þeir þurfa sigur hérna í dag.

Nei svona án gríns, ég lofa mörkum. Ég færi nú varla að lofa einhverju svoleiðis upp í ermina á mér er það nokkuð?

Nú er rúmur klukkutími í leik og við erum í mikilli stemmingu. Ég vænti þess að ekki stakur suðurnesjamaður láti svona veislu framhjá sér fara, það væri hreinlega glæpur. Líkur á rauðum spjöldum, mörkum, og menn klárir í að deyja fyrir sína klúbba.

Þorvaldur Örlygsson þjálfari Keflavíkur var spurður út í ákvörðun framkvæmdastjóra KSÍ á dögunum en máli hans var vísað til aganefndar vegna atviks sem gerðist eftir leik Keflavíkur gegn HK og var félagið í kjölfarið sektað.

Það er bara hennar ákvörðun. Henni vantar örugglega eitthvað í sjóðinn til að ferðast erlendis. Ég gerði ekkert af mér og þetta er bara búið og gert. Ég hef ekkert meira um það að segja

Jósef Kristinn Jósefsson leikmaður 3.umferðar;

Þetta er mjög góð byrjun. Þetta hafa líka verið erfiðir leikir. Haukar eru vel skipulagðir og svo er erfitt að fara á Seyðisfjörð, þeir eru kolbrjálaðir í skapinu. Mörg lið eiga eftir að ströggla á Seyðisfirði held ég. Það er mjög gott að vera með fullt hús og það verður geggjað að mæta Keflavík í næstu umferð.

Bæði þessi lið voru að spila í bikarkeppninni í þessari viku, Keflvíkingar duttu út gegn úrvalsdeildarliði Fylkis á meðan Grindavík gerði sér lítið fyrir og sló stjörnum prýtt KA lið út með 1-0 sigri.

Bæði lið eru taplaus eftir fyrstu þrjá leiki sína, Keflvíkingar eru í 4.sætinu með 5 stig á meðan Grindavík eru á toppi Inkasso deildarinnar með 9 stig eða með öðrum orðum fullt hús stiga, takk fyrir!

Jú komiði sæl og verið velkomin ævinlega.

Hér mun fara fram einhver sú beinasta textalýsing sem þið munið hafa orðið vitni af á lífsleiðinni! Þetta er El Classico okkar Íslendinga, Keflavík-Grindavík á Nettóvellinum.