Barcelona og Man City vilja Olmo - Liverpool gæti reynt við Kudus - Chelsea og Barcelona hafa áhuga á Dybala
Noregur
3
2
Ísland
Stefan Johansen '1 1-0
1-1 Sverrir Ingi Ingason '36
Pal Andre Helland '41 2-1
Alexander Sörloth '67 3-1
3-2 Gylfi Þór Sigurðsson '81 , víti
01.06.2016  -  17:45
Ullevaal
Vináttulandsleikur
Dómari: Kevin Clancy (Skotland)
Áhorfendur: 9.188
Byrjunarlið:
12. Örjan Nyland (m)
2. Haitam Aleesami
3. Evan Hovland
8. Stefan Johansen
10. Markus Henriksen
16. Adama Diomande ('72)
16. Jonas Svensson
18. Ole Kristian Selnæs
21. Vegard Forren
23. Pal Andre Helland ('53)

Varamenn:
22. Andre Hansen (m)
1. Sten Grytebust
4. Stefan Strandberg
6. Ruben Gabrielsen
9. Alexander Sörloth ('53)
13. Niklas Gunnarsson
14. Veton Berisha
15. Martin Samuelsen ('53)
17. Martin Linnes
19. Ruben Yttergård Jenssen
20. Valon Berisha
24. Iver Fossum ('72)

Liðsstjórn:

Gul spjöld:
Joshua King ('45)

Rauð spjöld:

Eyða Breyta
Leik lokið!
Norðmenn vinna hér afar verðskuldaðan sigur.

Ísland mætir Liechtenstein á Laugardalsvelli í vináttulandsleik á mánudag. Kaupið miða!
Eyða Breyta
91. mín
4 mínútur í uppbótartíma.
Eyða Breyta
90. mín
Fullmikil neikvæðni á Twitter. Gleymum því ekki að vináttulandsleikirnir hafa ekki verið okkar aðalsmerki síðan Lalli Lagerback mætti í Laugardalinn. Erum meira fyrir því að ná í úrslitin í mótsleikjunum!
Eyða Breyta
89. mín
Það er lítið eftir... en samt alveg nóg eftir til að skora eins og eitt fótboltamark!
Eyða Breyta
86. mín
Noregur með hættulegt skot en Ingvar með fína markvörslu... ver í horn.
Eyða Breyta
85. mín
Birkir Bjarna með fína skottilraun, yfir markið. Um leið tilkynnir vallarþulurinn um 9.188 áhorfendur á leiknum. Lítið selst í dag greinilega!
Eyða Breyta
82. mín
Inn:Rúnar Már Sigurjónsson (Ísland) Út:Aron Einar Gunnarsson (Ísland)
Eyða Breyta
81. mín Mark úr víti!
Gylfi Þór Sigurðsson (Ísland)
ÞAÐ ER VON! Rænum jafntefli úr þessu!

Gylfi öruggur. Skaut í mitt markið á meðan markvörður heimamanna skutlaði sér.
Eyða Breyta
80. mín
VIÐ FÁUM VÍTI! Hendi innan teigs og ekki annað hægt en að benda á punktinn! Vegard Forren skellti sér í blak!
Eyða Breyta
79. mín
Gylfi með skot fyrir utan teig, í varnarmann og horn.
Eyða Breyta
75. mín
Hörður staðinn upp og heldur leik áfram. Gott mál.
Eyða Breyta
74. mín
Hörður Björgvin liggur meiddur á vellinum, fékk tæklingu þegar hann var að taka fyrirgjöf.
Eyða Breyta
72. mín
Inn:Iver Fossum (Noregur) Út:Adama Diomande (Noregur)
Eyða Breyta
70. mín
Per-Mathias Högmo, þjálfari Noregs, fagnaði þriðja markinu af miklum krafti. Fyrir þennan leik hafði liðinu aðeins tekist að skora 0,8 mörk að meðaltali í leik undir hans stjórn!
Eyða Breyta
69. mín
Jói Verg með skot af löngu færi... ekki á rammann.
Eyða Breyta
67. mín MARK!
Alexander Sörloth (Noregur)
Djö.... þriðja mark Norðmanna komið. Varamaðurinn Sörloth setti boltann yfir Ingvar og í markið.

Hörður Björgvin var að dekka hann en þurfti að lúta í lægra haldi. Ingvar kom út á móti en greip í tómt.
Eyða Breyta
66. mín
Áhorfendur reyna ítrekað að starta bylgju í stúkunni. Er að ganga brösuglega enda fullmikið af tómum sætum.
Eyða Breyta

Eyða Breyta
65. mín
Gylfi með aukaspyrnu inn í teiginn en dæmt var sóknarbrot...
Eyða Breyta

Eyða Breyta
62. mín
Inn:Kolbeinn Sigþórsson (Ísland) Út:Alfreð Finnbogason (Ísland)
Rosalega væri ég til í eitt mark frá Kolla... jafnvel tvö.
Eyða Breyta
62. mín
Inn:Theodór Elmar Bjarnason (Ísland) Út:Haukur Heiðar Hauksson (Ísland)
Langt síðan Elmar hefur leikið í bakverðinum fyrir Ísland.
Eyða Breyta
61. mín
Jæja... nú má fara að koma meira líf í okkar sóknaraðgerðir. Norðmenn líklegri til að bæta við.
Eyða Breyta
58. mín
ALLT GALOPIÐ og Henriksen skyndilega kominn í hörkufæri. Slakur varnarleikur! Ingvar Jónsson lokar hinsvegar vel og nær að verja þetta. Heildarbragurinn á vörn okkar ekki nægilega góður.
Eyða Breyta
53. mín
Inn:Alexander Sörloth (Noregur) Út:Joshua King (Noregur)
King reyndist okkur mjög erfiður í leiknum en var farinn að haltra og er tekinn af velli.
Eyða Breyta
53. mín
Inn:Martin Samuelsen (Noregur) Út:Pal Andre Helland (Noregur)
Fyrsti A-landsleikurinn hjá þessum hæfileikaríka strák og honum er heldur betur klappað lof í lófa af áhorfendum! Martin 19 ára gamall.
Eyða Breyta
52. mín
Ísland fékk aukaspyrnu, Gylfi með sendingu inn í teiginn ætlaða Sverri Inga sem var í erfiðri stöðu og náði ekki að gera sér mat úr þessu. Boltinn hafnaði í fangi Nyland.
Eyða Breyta

Eyða Breyta
50. mín
Gylfi Sigurðsson í ágætis stöðu rétt fyrir utan teiginn en hitti boltann mjög illa. Langt yfir. ÓGylfalegt.
Eyða Breyta
49. mín
Hættuleg sókn Noregs! Henriksen með skot rétt framhjá. Raggi náði að trufla hann.
Eyða Breyta

Eyða Breyta
46. mín
Seinni hálfleikurinn er farinn af stað. KOMA SVOOOO!
Eyða Breyta
46. mín
Inn:Birkir Bjarnason (Ísland) Út:Emil Hallfreðsson (Ísland)
Birkir þekkir vel til á norskri grundu enda bjó hann hér lengi.
Eyða Breyta
46. mín
Inn:Eiður Smári Guðjohnsen (Ísland) Út:Jón Daði Böðvarsson (Ísland)
Jón Daði lét ekki mikið að sér kveða í fyrri hálfleiknum.
Eyða Breyta
46. mín
Inn:Ingvar Jónsson (Ísland) Út:Ögmundur Kristinsson (Ísland)
Með góðri frammistöðu í seinni hálfleik getur Ingvar örugglega klifrað yfir Ögmund og orðið markvörður númer tvö.
Eyða Breyta
45. mín
Gagnrýni fólks á Twitter fer auðvitað líka á liðið í heild. Þessi frammistaða alls ekki verið til útflutnings og við erum að gefa heimamönnum alltof alltof mikið svæði.
Eyða Breyta
45. mín
Renndi yfir umræðuna á Twitter. Menn mest að tala um Ögmund markvörð. Tölfræði hans með landsliðinu því miður ekki góð. Hannes Þór Halldórsson er hvíldur í kvöld og er að spjalla við Kára Árnason á vellinum.

Eyða Breyta

Eyða Breyta
45. mín
Hálfleikur
Nóg í gangi í þessum fyrri hálfleik. Forysta Norðmanna fyllilega verðskulduð.

- Varnarleikurinn ekki sannfærandi og það hefur verið ansi auðvelt að spila í gegnum okkur.

Góðu fréttirnar eru að munurinn er bara eitt mark og allur síðari hálfleikur eftir.
Eyða Breyta
45. mín Gult spjald: Joshua King (Noregur)
Féll innan teigs við Hörð Björgvin Magnússon... lét sig falla með tilþrifum. Klárlega dýfa!
Eyða Breyta
Ögmundur að fá á sig mikla gagnrýni á Twitter... virðist því miður vera reglulegur viðburður þegar hann spilar vináttulandsleik.



Eyða Breyta
43. mín
Löng sending fram og Joshua King reif sig frá Ragnari, Ögmundur kom út á móti og King náði að setja boltann yfir hann en Jói Berg var fljótur til baka og náði knettinum þegar hann var að stefna í markið!
Eyða Breyta
41. mín MARK!
Pal Andre Helland (Noregur)
Hörkunegla beint úr aukaspyrnu.

Noregur fékk aukaspyrnu á stórhættulegum stað og Helland hitti boltann ansi vel. Skaut í markmannshornið og skoraði. Noregur tekur forystuna á ný.
Eyða Breyta
36. mín MARK!
Sverrir Ingi Ingason (Ísland)
Stoðsending: Jóhann Berg Guðmundsson
JÁJÁJÁJÁJÁ!!!

ÞVERT GEGN GANGI LEIKSINS! En það er bara skemmtilegra.

Gylfi tók hornspyrnu stutt á Jóa Berg sem átti frábæra fyrirgjöf. Sverrir Ingi var við fjærstöngina, sterkur, og stangaði boltann inn!
Eyða Breyta
36. mín
Þarna kom loksins flott sókn hjá Íslandi... Jón Daði með fyrirgjöf en bjargað í horn...
Eyða Breyta
35. mín
Noregur hótar öðru marki. Hættuleg sending fyrir og Raggi bjargar í horn. Ekkert kemur út úr horninu.
Eyða Breyta
34. mín
Joshua King, leikmaður Bournemouth, heldur áfram að leika okkur grátt! Óþolandi gaur. Stórhættuleg sókn Noregs sem endar með því að King á skot sem fer í hendina á Herði Björgvini en hörður með hendina upp við líkamann og gerir sig ekki stærri. Aldrei hægt að dæma víti.
Eyða Breyta
31. mín
Norðmenn eru beittari... við þurfum að sjá meira frá íslenska liðinu en þetta. King og Diomande eru að búa til vandræði.
Eyða Breyta
29. mín
King klobbaði Aron Einar á miðjunni, leiðinlega vel gert, og geystist svo í sókn. Sverrir Ingi kom svo með eina FULLORÐINStæklingu, fór í boltann og bjargaði virkilega vel.
Eyða Breyta
24. mín
Norðmenn reyna að skora sirkusmark. Joshua King með einhver fjórfld skæri, boltinn svo á Diomande sem reyndi að taka snúning í teignum áður en boltinn var hirtur af honum.
Eyða Breyta
21. mín
Kaldhæðni örlagana. Stefan Johansen markaskorari sem átti að fá gult áðan er meiddur. Þarf aðhlynningu. Óvíst með áframhaldandi þátttöku.
Eyða Breyta
20. mín
Jón Daði Böðvarsson negldur niður! Hey Norðmenn sýnið gestrisni! Við erum á leið á EM. Stefan Johansen alltof seinn.

Kevin Clancy dómari gefur svaninn! Ekki gult! Hvaða rugl er þetta!? Hvenær ætlar hann þá að spjalda? Skólabókardæmi um spjald!
Eyða Breyta

Eyða Breyta
14. mín
JÓI BERG Í SVAKALEGU FÆRI! Emil Hallfreðs með hörkufyrirgjöf frá vinstri og Jói skallar yfir. Þarna verður hann að hitta á rammann!
Eyða Breyta
13. mín
Þá er fagnað í Íslandshlutanum í stúkunni. Pal Andre Helland með aukaspyrnu frá hægri sem er ein af þeim lélegri sem maður hefur séð í langan tíma. Flaug afturfyrir.
Eyða Breyta
11. mín
Fyrsta skot Íslands í leiknum. Misheppnuð hreinsun Norðmanna beint á Jóa Berg sem var fyrir utan teiginn og lét vaða. Fast en beint á Nyland sem náði að verja.
Eyða Breyta

Eyða Breyta
9. mín
Markus Henriksen með skot af löngu færi fyrir Norge. Siglir örugglega framhjá. Lítil hætta á ferðum... strax á eftir á Adama Diomande skot en beint á Ögmund.
Eyða Breyta
7. mín
Gylfi með góða vinnusemi, vann boltann af Johansen fyrirliða Noregs sem braut svo á honum. Ísland á aukaspyrnu á miðjum vallarhelmingi Noregs... Gylfi tekur bara skot úr spyrnunni en slakt skot beint á fyrsta varnarmann.
Eyða Breyta
6. mín
Aftur ógnar Noregur eftir aukaspyrnu frá hægri! Barátta í teig Íslands áður en Aron Einar mætir á svæðið og hreinsar frá.
Eyða Breyta
4. mín
Þetta var ekki alveg byrjunin sem maður bjóst við, vonandi verða strákarnir snöggir að jafna sig á þessu og ná einhverjum takti.
Eyða Breyta
1. mín MARK!
Stefan Johansen (Noregur)
Nei hvaða bull er þetta! Rúmlega 40 sekúndur og mark.

Noregur skorar strax á fyrstu mínútu. Aukaspyrna frá hægri sem endar með því að Ögmundur Kristinsson ver skalla út í teiginn þar sem Stefan mætir og klárar þetta með skoti sem endar í netinu. Boltinn fór af Sverri Inga og inn.
Eyða Breyta
1. mín
Leikur hafinn
Norðmenn byrjuðu með boltann. Þeir sækja í átt að Holmenkollen í kvöld.
Eyða Breyta
Fyrir leik
Virkilega furðuleg útgáfa af þjóðsöng Íslands.
Eyða Breyta

Eyða Breyta
Fyrir leik
Norðmaðurinn hefur alltaf kunnað að búa til alvöru sýningar. Hvítklædd lúðrasveit arkar yfir völlinn. Á meðan standa krakkar á miðjunni með fána og hvetja áhorfendur til að sýna kynþáttafordómum rauða spjaldið. Tökum undir það.
Eyða Breyta
Fyrir leik
Er mættur í stúkuna og það er svakalegur hiti hérna! Stór mistök að taka ekki með sér vatnsflösku. Liðin eru að klára sína upphitun. Styttist í leik!
Eyða Breyta
Fyrir leik
Byrjunarlið Noregs er komið inn í kerfið hjá okkur. Hinn ungi og efnilegi Martin Samuelsen byrjar á bekknum.
Eyða Breyta
Fyrir leik
Það er ekki mikil landsliðsreynsla í varnarlínu okkar í kvöld, fyrir utan Ragnar Sigurðsson. Spennandi að sjá hvernig menn eiga eftir að standa sig.

Hér í fréttamannastúkunni á Ullevaal eru norskir íþróttafréttamenn að háma í sig pulsum/pylsum. Hægt er að sjá bak við tjöldin á Snapchat: Fotboltinet
Eyða Breyta
Byrjunarlið Íslands er alveg eins og við spáðum.

Eyða Breyta
Fyrir leik
Heimir Hallgrímsson, landsliðsþjálfari:
Ég vil að menn sýni að þeir séu tilbúnir í þetta lokamót. Það eru ekki allir tilbúnir í þennan leik, margir sem hafa spilað í Skandinavíu undanfarnar tvær vikur. Tilgangurinn með þessum leik er að spila leikmönnum eins og Aroni og Jóa Berg í gang, mönnum sem hættu fyrir löngu síðan. Það er tæpur mánuður síðan þeir spiluðu leik. Nú er tækifærið fyrir einhverja að spila sig inn í liðið. Það er ekki búið að ákveða byrjunarliðið gegn Portúgal.
Eyða Breyta
Fyrir leik
Ísland og Noregur hafa mæst 32 sinnum í A landsliðum karla og Noregur hefur unnið 18 af þessum leikjum. Ísland hefur fagnað sigri 8 sinnum en 6 sinnum hafa liðin sæst á jafnan hlut. Markatalan er því skiljanlega ekki Íslandi í hag en Ísland hefur skorað 31 mark í leikjunum gegn 58 mörkum norska liðsins. Ísland var með Noregi í riðli í undankeppni EM 2012 og vann 2-0 á Laugardalsvelli. Íslenska liðið tryggði sér umspilssæti í undankeppni HM 2014 með 1-1 jafntefli seinast þegar liðin áttust við, sem var einmitt á Ullevaal-vellinum í október 2013.
Eyða Breyta
Vertu með í umræðunni um leikinn á Twitter með því að nota kassamerkið #fotboltinet
Eyða Breyta
Fyrir leik
Á morgun mun íslenski hópurinn fljúga heim til Íslands þar sem leikið verður gegn Liechtenstein í vináttulandsleik á Laugardalsvelli á mánudag. 7. júní verður svo flogið út til Frakklands og fyrsti leikur á EM verður gegn Portúgal 14. júní.
Eyða Breyta
Fyrir leik
Í gær höfðu verið seldir um 9 þúsund miðar á Ullevaal en leikvangurinn tekur 28 þúsund manns. Reiknað er með 11-12 þúsund manns sem er allavega talsvert skárra en þegar Finnland kom í heimsókn í mars og aðeins 4.600 áhorfendur mættu.

Áhuginn fyrir norska landsliðinu hefur oft verið meiri enda liðið verið í talsverðri lægð og náði ekki að tryggja sér sæti á EM. Norðmenn telja þó að hlutirnir séu á uppleið og er undirbúnigurinn fyrir undankeppni HM farin á fulla ferð hjá þeim. Mikil spenna er fyrir Martin Samuelsen, 19 ára leikmanni sem er samningsbundinn West Ham. Samuelsen leikur líklega sinn fyrsta A-landsleik í kvöld og snýst nær öll umfjöllun norskra fjölmiðla um hann.
Eyða Breyta
Fyrir leik
Þegar tölfræðin er skoðuð verður að teljast ansi ólíklegt að við fáum markaveislu í leiknum. Noregi hefur vegnað illa í markaskorun undir stjórn þjálfara síns. Í síðustu fimm skiptum sem þessi tvö lið hafa mæst hefur þeim ekki tekist að skora meira en tvö mörk. Jafntefli gæti verið líkleg niðurstaða en sex af síðustu tíu viðureignum Noregs og Íslands hefur lyktað með jafntefli.
Eyða Breyta
Fyrir leik
Íslenska liðið er á fullu að undirbúa sig fyrir Evrópumótið en ljóst er að þeir leikmenn Íslands sem spila á Skandinavíu munu spila minna hlutverk í leiknum í kvöld. Búið er að gefa út að markvörðurinn Hannes Þór Halldórsson og varnarmaðurinn Kári Árnason verði alveg hvíldir og koma ekki við sögu.
Eyða Breyta
Fyrir leik
Velkomin til Osló, þar sem sólin skín og veðrið hefur leikið við höfuðborgarbúa Noregs. Hér verður bein textalýsing frá vináttulandsleik Noregs og Íslands á Ullevaal sem hefst klukkan 17:45 (19:45 að staðartíma).
Eyða Breyta
Byrjunarlið:
7. Jóhann Berg Guðmundsson
10. Gylfi Þór Sigurðsson
11. Alfreð Finnbogason ('62)
17. Aron Einar Gunnarsson ('82)
20. Emil Hallfreðsson ('46)
22. Jón Daði Böðvarsson ('46)
23. Hörður Björgvin Magnússon

Varamenn:
2. Birkir Már Sævarsson
8. Birkir Bjarnason ('46)
9. Kolbeinn Sigþórsson ('62)
16. Rúnar Már Sigurjónsson ('82)
23. Ari Freyr Skúlason
25. Theodór Elmar Bjarnason ('62)

Liðsstjórn:

Gul spjöld:

Rauð spjöld: