Stúkan er nú ekki þéttsetin. Vonum að það bæti eitthvað í áður en leikurinn byrjar.

Þeir sem byrja í dag eru farnir inn í klefa á meðan varamenn hita enn upp. Átta mínútur í leik.

Vá hvað það yrði ljúft ef Bjöggi Stefáns reynist sannspár fyrir leiknum í dag. Skulum vona að það gerist og við fáum svakalegan fótboltaleik hérna á Ásvöllum í dag

Björgvin Stefánsson, fyrrverandi leikmaður Hauka og núverandi leikmaður Vals, var fenginn til þess að spá fyrir um úrslit í 5. umferð Inkasso-deildarinnar.

Haukar 4-3 Huginn
Leikur umferðarinnar, ef ekki tímabilsins. Þetta verður skrýtinn knattspyrnuleikur þar sem boðið verður upp á iðnaðar tiki-taka, í fyrsta sinn á Íslandi. Samanlagt munu allir leikmenn vallarins hlaupa sirka 480 kílómetra ásamt því að spila glimrandi sóknarbolta. Ég hef ekki hugmynd um það hverjir skora en þetta verður stórkostleg skemmtun og markaveisla sem endar á sterkum heimasigri Hauka.

Huginn eru nýliðar í Inkasso-deildinni, en eftir fjóra leiki er liðið með stigi minna en Haukar í sætinu fyrir neðan (10. sæti).

Liðið vann sinn fyrsta leik gegn Fjarðabyggð, en síðan þá hefur ekki gengið nægilega vel.

Huginn tapaði í síðustu umferð gegn Fram og áhugavert verður að sjá hvað gerist í dag.

Terrance William Dieterich er kominn á bekkinn hjá Haukum en hann hefur staðið í marki Hauka í allt sumar! Hann hefur ekki átt neina stjörnuleiki í sumar og er því bekkjaður í dag. Það verður að teljast tíðindi!

Haukar hafa farið ágætlega af stað, en liðið er með fjögur stig eftir fjóra leiki.

Liðið hefur tapað síðustu tveimur leikjum sínum, gegn Víkingi R. í Borgunarbikarnum og gegn Þór í síðustu umferð í deildinni.

Því munu Haukar væntanlega ekki vilja neitt annað en sigur gegn nýliðum Hugins í dag

Hér fer fram leikur Hauka og Hugins í Inkasso-deildinni, en 50 mínútur eru þangað til flautað verður til leiks.

Verið velkomin í beina textalýsingu frá DB Schenkervellinum í Hafnarfirði.