Valur
2
0
Stjarnan
Nikolaj Hansen '21 1-0
Kristinn Freyr Sigurðsson '62 2-0
05.06.2016  -  17:00
Valsvöllur
Pepsi-deild karla 2016
Dómari: Gunnar Jarl Jónsson
Áhorfendur: 1045
Byrjunarlið:
33. Anton Ari Einarsson (m)
5. Sindri Björnsson
8. Kristinn Ingi Halldórsson ('75)
10. Guðjón Pétur Lýðsson ('63)
10. Kristinn Freyr Sigurðsson
11. Sigurður Egill Lárusson
12. Nikolaj Hansen ('79)
13. Rasmus Christiansen
20. Orri Sigurður Ómarsson
21. Bjarni Ólafur Eiríksson
23. Andri Fannar Stefánsson

Varamenn:
25. Jón Freyr Eyþórsson (m)
4. Einar Karl Ingvarsson ('63)
9. Rolf Toft ('75)
16. Tómas Óli Garðarsson
17. Andri Adolphsson
19. Baldvin Sturluson
22. Björgvin Stefánsson ('79)

Liðsstjórn:

Gul spjöld:
Sindri Björnsson ('59)

Rauð spjöld:
Leik lokið!
Annað tap Stjörnunnar í röð en ansi góður sigur Vals staðreynd.
90. mín
Jeppe á fínan skalla af stuttu færi en hver annar, Anton Ari, ver þetta örugglega.
87. mín
Baldur Sig stekkur hæst allra eftir hornspyrnu en Anton ver skallann hans vel. Maður leiksins hingað til, Anton Ari.
84. mín
Halldór Orri á fína fyrirgjöf á Jeppe sem er í virkilega góðu skallafæri en hann hittir boltann eitthvað furðulega og hann skoppar rólega í fangið á Antoni.

83. mín
Baldur Sigurðsson kemst í ágætis færi en skotið hans fer vel yfir. Stjörnumenn hafa sjö mínútur í að gera eitthvað.
79. mín
Inn:Björgvin Stefánsson (Valur) Út:Nikolaj Hansen (Valur)
Og síðasta skipting Valsmanna.
78. mín
Inn:Arnar Már Björgvinsson (Stjarnan) Út:Veigar Páll Gunnarsson (Stjarnan)
Síðasta skipting Stjörnumanna.
77. mín
Sóknarleikur Stjörnunnar algjörlega dottið niður eftir annað mark Vals. Búið að vera þægilegt hjá heimaliðinu síðan.

75. mín
Inn:Rolf Toft (Valur) Út:Kristinn Ingi Halldórsson (Valur)
73. mín
Heiðar Ægis á fyrirgjöf sem Grétar skallar að marki en Anton Ari, enn og aftur, öruggur í markinu og slær hann boltann yfir.
70. mín
Inn:Jeppe Hansen (Stjarnan) Út:Guðjón Baldvinsson (Stjarnan)
Sjáum hvort tvöföld breyting Stjörnunnar geri eitthvað.
70. mín
Inn:Baldur Sigurðsson (Stjarnan) Út:Eyjólfur Héðinsson (Stjarnan)
Fólkið í landinu ekki alveg nógu sátt við Silfurskeiðina í dag.



68. mín
Einar Karl sendir boltann á Sigurð Egil sem er í fínu færi en skotið hans endar í fanginu á Herði.
66. mín
Nikolaj Hansen kemst í færi og á hörkuskot í Brynjar Gauta og þaðan fer boltinn rétt framhjá markinu.
63. mín
Inn:Einar Karl Ingvarsson (Valur) Út:Guðjón Pétur Lýðsson (Valur)
62. mín MARK!
Kristinn Freyr Sigurðsson (Valur)
MAAAAAAAAAAAAAAAAAAARK!!

Kristinn Freyr tekur spyrnuna, skýtur í varnarmann og þaðan endar boltinn í bláhorninu. Ansi vænleg staða fyrir Valsmenn núna.

Stjörnumönnum finnst þetta eflaust bara ekki neitt sanngjarnt.
61. mín Gult spjald: Hörður Árnason (Stjarnan)
Brýtur á Sigurði Agli og aukaspyrna sem Valsmenn fá á stórhættulegum stað, inni í vítateigsboganum.
59. mín Gult spjald: Sindri Björnsson (Valur)
Brýtur illa á Veigari sem var að komast í góða stöðu. Alltaf gult spjald.
56. mín Gult spjald: Eyjólfur Héðinsson (Stjarnan)
Fer aftan í Nikolaj Hansen sem var að sækja hratt. Klárt spjald.
51. mín
Veigar Páll á hornspyrnu sem Eyjólfur Héðins skallar naumlega framhjá. Stjarnan búin að sækja mjög mikið í byrjun seinni hálfleiks. Algjört framhald af seinni hluta fyrri hálfleiks.
50. mín
Guðjón á sendingu á Ævar Inga sem tekur skot af stuttu færi sem Anton ver mjög vel. Virkilega góður leikur hjá Antoni hingað til.
49. mín
Veigar Páll tekur hana og sendir góðan bolta, beint á kollinn á Þorra sem er einn, nánast frá markteig en skallinn fer framhjá. Þarna varð Þorri að hitta markið.
48. mín
Kristinn Ingi brýtur á Heiðari rétt utan teigs, nánast á vítateigslínunni og Stjarnan fær aukaspyrnu á hættulegum stað.

46. mín
Seinni hálfleikur er kominn af stað

Valsmenn byrja með boltann og vinna hornspyrnu alveg um leið.
45. mín
Hálfleikur
Skemmtilegum fyrri hálfleik lokið. Bæði lið reyndu að sækja og náðu oft á tíðum að gera það vel og skapa sér færi. Hálf furðulegt að það er bara eitt mark komið ennþá.
45. mín
Þung pressa Stjörnumanna síðustu mínútur í hálfleiknum. Mikið af hornum og góðum stöðum en varnarmenn sem og Anton Ari eru að gera vel.
41. mín
Ævar Ingi í færi!

Enn eitt færið síðustu mínútur, nú á Ævar Ingi skot úr þröngu færi sem Anton Ari gerir vel í verja í horn.
40. mín
Stjarnan næstum búin að jafna!

Guðjón Baldvins rennur boltanum á Eyjólf Héðins sem á skot rétt framhjá. Mjög skemmtilegur leikur þessa stundina og sækja liðin til skiptis. Ég held það sé alveg pottþétt annað mark í þessu.
40. mín
Valsmenn sækja hinum megin. Bjarni Ólafur fer núna upp vænginn og á sendingu á Guðjón Pétur sem nær ekki nógu góðu skoti og fer þar í varnarmann.
38. mín
Allt að koma hjá Stjörnunni. Hörður á núna fyrirgjöf sem Veigar Páll gerir vel í að skalla rétt framhjá. Hann var í erfiðri stöðu þarna en gerði vel úr henni.
36. mín
Heiðar Ægisson er að lífga sókn Stjörnunnar við með þessum sprettum upp vænginn. Stórskemmtilegur bakvörður.

34. mín
Færi hjá Stjörnunni!

Heiðar Ægisson fer upp hægri vænginn og á hættulega fyirgjöf á Guðjón Baldvins sem reynir hjólhestaspyrnu en hún fer vel yfir. Skemmtileg tilraun samt.
32. mín
Stórsókn Valsmanna endar með að Sigurður Egill á skot sem Eyjólfur bjargar í horn. Þar á undan var Kristinn Freyr í fínu færi en átti skot í varnarmann.

Valsmenn mikið betra liðið eftir markið.
30. mín
Hörður brýtur illa á Kristni Inga við hliðarlínuna. Hörður sleppur með spjald og verður að teljast heppinn með það.

Kristinn Ingi hefði getað fengið spjald fyrr í leiknum fyrir svipað brot.
28. mín
Valsmenn eru komnir í stuð. Sigurður Egill kemur með fyrirgjöf sem varnarmenn Stjörnunnar ná rétt svo að bjarga í horn, áður en Kristinn Ingi komst í boltann í dauðafæri.
25. mín
HVERNIG ER EKKI 2-0!!??

Kristinn Ingi fær skot af um meters færi en hann lætur Hörð verja frá sér.

Frábær fyrirgjöf frá Sigurði Agli, beint á Kristinn sem varð hreinlega að skora.
21. mín MARK!
Nikolaj Hansen (Valur)
Stoðsending: Guðjón Pétur Lýðsson
MAAAAAAAAAAAAAAAAAAARK!!!

Valsmenn eru komnir yfir. Stórglæsilega útfærð aukaspyrna af um 30 metrum. Bjarni Ólafur stekkur yfir boltann, hleypur inn í teig og fær sendingu frá Guðjóni Pétri. Bjarni missir hins vegar af boltanum en Hansen er mættur og skorar af stuttu færi.

Þetta mun gleðja Óla Jó þar sem þetta virtist vera beint af æfingasvæðinu.
20. mín
Nikolaj Hansen skallar fyrirgjöf Sigurðs Egils beint í fangað á Herði. Náði ekki nægilega miklum krafti í þetta og var markvarslan auðveld.
18. mín
Veigar Páll reynir skot af löngu færi sem Anton á ekki í vandræðum með að grípa.
17. mín
Kristinn Ingi fer harkalega í Hörð Árna og er heppinn að sleppa við spjald. Var alltof, alltof seinn þarna.

Gunnar örugglega sleppt honum þar sem þetta var með fyrstu brotum leiksins.
15. mín
Eitthvað erfiður sunnudagur hjá stuðningsmönnum liðanna. Heyrist ansi lítið í stúkunni, báðum megin.

12. mín
Jafn leikur hingað til á Valsvelli. Liðin eru ekki að gefa mörg færi á sér.
6. mín
Vá!

Veigar Páll með rosalega tilraun, tók boltann á lofti í þröngu færi inn í teignum en skaut í stöngina. Frábært skot og óheppinn að þetta hafnaði ekki í markinu.
2. mín
Valur á fyrstu tilraun leiksins, Kristinn Freyr fær boltann á hægri vængnum og fer inn á teiginn en skotið hans er beint á Hörð í markinu.
1. mín
Gestirnir byrja með boltann og sækja í áttina þar sem einu sinni var keiluhöll.
Fyrir leik
Nú bíðum við bara eftir því að liðin gangi inn á völlinn. Allt að fara að gerast.

Fyrir leik
Korter í leikinn og liðin að hita upp. Það er glimrandi fínt veður úti og hvet ég fólk til þess að skella sér á völlinn. Þó þetta sé sjónvarpsleikur.
Þessi ágæti maður kom með þetta skíndandi góða dæmi.


Endilega hendið inn einhverjum skemmtilegum punktum og Twitter og það er bara aldrei að vita nema þinn skemmtilegi punktur endi í þessari lýsingu.
Fyrir leik
Bæði lið gera eina breytingu á liðum sínum eftir síðasta deildarleik.

Valsmenn byrja með Sindra Björnsson á miðjunni, í fjarveru Hauks Páls Sigurðssonar en hann er í leikbanni eftir að hafa fengið fjögur gul spjöld.

Baldur Sigurðsson fer á bekkinn hjá Stjörnunni vegna meiðsla og kemur Eyjólfur Héðinsson inn í liðið í hans stað.
Fyrir leik
Valur vann Stjörnuna í Garðabæ á síðustu leiktíð á meðan Stjarnan vann á þessum velli en báðir leikir fóru 2-1.
Fyrir leik
Valsmenn hafa verið svolítið misjafnir hingað til í sumar, eftir erfiða byrjun, unnu þeir svo tvo leiki af þrem, áður en þeir töpuðu gegn KR í síðustu umferð.

Stjarnan varð síðasta lið deildarinnar til að tapa leik en það gerðist í síðustu umferð á móti Breiðablik á heimavelli.
Fyrir leik
Janus Daði Smárason, íslandsmeistari í handbolta með Haukum spáði í umferðina fyrir okkur á Fótbolta.net.

"Óli Jó. gerir sig sekan enn og aftur um þau mistök að byrja ekki með Badgal Bjögga í framlínunni. Stjarnan skorar tvö snemma leiks. Björgvin setur svo eitt mark undir lokin eftir að hafa verið skipt inná, á 67. mínútu."
Fyrir leik
Fyrir leikinn er Valur í 9. sæti með sjö stig á meðan Stjarnan er í 3. sæti með 11 stig.
Fyrir leik
Komið þið nú öll sæl og blessuð og verið velkomin i beina textalýsingu frá leik Vals og Stjörnunnar á Valsvelli.
Byrjunarlið:
25. Hörður Fannar Björgvinsson (m)
Veigar Páll Gunnarsson ('78)
2. Heiðar Ægisson
2. Brynjar Gauti Guðjónsson
5. Grétar Sigfinnur Sigurðarson
6. Þorri Geir Rúnarsson
7. Guðjón Baldvinsson ('70)
8. Halldór Orri Björnsson
14. Hörður Árnason
16. Ævar Ingi Jóhannesson
20. Eyjólfur Héðinsson ('70)

Varamenn:
4. Jóhann Laxdal
8. Baldur Sigurðsson ('70)
9. Daníel Laxdal
10. Hilmar Árni Halldórsson
11. Arnar Már Björgvinsson ('78)
19. Jeppe Hansen ('70)

Liðsstjórn:
Fjalar Þorgeirsson

Gul spjöld:
Eyjólfur Héðinsson ('56)
Hörður Árnason ('61)

Rauð spjöld: