Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Þór
1
2
KR
Sveinn Elías Jónsson '22 1-0
1-1 Kjartan Henry Finnbogason '61 , víti
Kjartan Henry Finnbogason '76
1-2 Grétar Sigfinnur Sigurðarson '86
18.08.2011  -  19:15
Þórsvöllur
Pepsi Deild Karla
Aðstæður: Skýjað 9° og 4m/s
Dómari: Gunnar Jarl Jónsson
Byrjunarlið:
Sveinn Elías Jónsson ('82)
2. Gísli Páll Helgason
9. Jóhann Helgi Hannesson (f) ('36)
11. Atli Sigurjónsson
13. Ingi Freyr Hilmarsson ('73)
15. Janez Vrenko

Varamenn:
5. Atli Jens Albertsson
6. Ármann Pétur Ævarsson ('82)
10. Sigurður Marinó Kristjánsson ('73)

Liðsstjórn:
Ragnar Haukur Hauksson

Gul spjöld:
Atli Sigurjónsson ('61)
Sveinn Elías Jónsson ('35)

Rauð spjöld:
Fyrir leik
Skemmtileg tilviljun að þessi lið mætast strax aftur eftir bikarúrslit en það er komið að því gott fólk, aðeins um 40 mínútur í leik
Fyrir leik
Nokkrar breytingar eru á liði KR frá síðasta leik, Rúnar gerir 4 breytingar á byrjunarliði sínu en Palli er öllu rólegri með aðeins eina breytingu á byrjunarliði Þórs.
Fyrir leik
Það eru nokkrir KRingar mættir upp í stúku, vel merktir og með fána félagsins á lofti. Stuðningsmenn Þórs fóru fóru 380km til að eigna sér stúkuna um síðustu helgi, ætli þessir KRingar ætli að gera slíkt hið sama hér í kvöld?
Fyrir leik
Þetta er í þriðja sinn í sumar sem þessi lið mætast. KRingar hafa unnið báða leikina og vilja örugglega fullkomna þrennu hér í kvöld á meðan leikmenn Þórs geta varla annað en verið virkilega hungraðir eftir erfiða baráttu við tréverkið í Laugardalnum um helgina.
Fyrir leik
Það voru einhverjir að tala um að Peppi Pesi ka.... nei... bara Peppi væri á svæðinu. Það er nóg um fólk gangandi hér um með Pepsi enda er verið að gefa það en Peppi hefur ekki látið sjá sig ennþá, spennan magnast.
Fyrir leik
Liðin eru mætt út á grasið, KRingar leika í appelsínugulu eins og um síðustu helgi.
1. mín
Gunnar Jarl Jónsson hefur flautað leikinn á
2. mín
Stúkan er að verða full og vallarþulurinn bendir fólki á gras brekku ef ekki eru laus sæti. Á sama tíma taka KRingar sína fyrstu hornspyrnu, Srdjan virðist ætla að setja hnefann í boltann en hittir hann ekki. Smávægilega vandræðalegt en hann slapp í þetta sinn.
8. mín
KRingar eru töluvert ákveðnari hér í byrjun, halda boltanum og stjórna leiknum.
9. mín
Þórsarar ná loksins að komast aðeins í takt við leikinn. Atli Sigurjónsson kemst upp vinstri vænginn og gefur fína sendingu beint í fæturnar á Jóhanni Helga sem missir stjórn á boltanum og hann endar í fanginu á Hannesi í marki KR.
13. mín
Baldur Sigurðsson fær ræðu frá dómara leiksins eftir að hann braut á Atla Sigurjóns út á miðjum velli. Baldur var ekkert sérstaklega sáttur en það tengdist líklegast meira því að Atli hafi "klobbað" hann en að dæmt hafi verið á hann brot.
14. mín
Þetta er allt í lagi gott fólk, Peppi er á svæðinu.
16. mín
Jóhann Helgi virðist vera meiddur, hann er að reyna að halda áfram samt.
20. mín
KRingar komast í gott færi. Guðmundur Reynir átti fínan sprett upp vinstri vænginn og náði góðri sendingu fyrir á Kjartan Henry sem náði ekki nægilega góðum skalla. Ég er ekki alveg viss hvort að hann hafi ætlað að leggja hann fyrir eða lauma honum í fjær en það gekk ekki upp í þetta sinn.
22. mín MARK!
Sveinn Elías Jónsson (Þór )
Þórsarar eru komnir yfir!! Gunnar Már dansaði í gegnum miðjuna og rendi boltanum á milli fóta miðjumans KR og þaðan yfir á Linta sem átti stungusendingu inn á Svein Elías sem snéri af sér varnarmann KR og lagði boltann laglega í markið.
24. mín
Það verður nú ekki sagt að þetta mark hafi verið í takt við gang leiks hingað til. Þórsarar hafa þó verið að vakna og ógna en KRingar hafa samt verið betri.
25. mín Gult spjald: Kjartan Henry Finnbogason (KR)
Þorsteinn Ingason og Kjartan Henry Finnbogason skella nokkuð harkalega saman, Kjartan Henry fær gult spjald enda kom hann nokkuð háskalega inn í þetta einvígi.
34. mín
Jóhann Helgi var að óska efit skiptingu, sé ekki betur en að David Disztl hafi staðið upp og byrjað að hita.
35. mín Gult spjald: Sveinn Elías Jónsson (Þór )
Sveinn Elías fær gult spjald fyrir það að setja hendina í andlitið á Magnúsi Má, óviljaverk en gult engu að síður.
36. mín
Inn:Dávid Disztl (Þór ) Út:Jóhann Helgi Hannesson (Þór )
David Disztl kemur inn fyrir Jóhann Helga.
39. mín
Kjartan Henry með skalla að marki, laus og auðveldur bolti fyrir Srdjan. Guðjón Baldvinsson var á fjærstöng og var alls ekki sáttur að fá ekki boltann enda í mjög góðri stöðu, aleinn.
42. mín
Núna er það Magnús Már sem er að haltra
45. mín
Hálfleikur, Þórsarar eru 1-0 yfir í hálfleik. Vonandi fáum við fleiri mörk í seinni hálfleik.
45. mín
Seinni hálfleikur að hefjast, 1402 áhorfendur eru mættir á svæðið hér í kvöld.
46. mín
Björn Jónsson á laglegan sprett hér rétt fyrir utan teig Þórsara sem endar á stungusendingu inn á Baldur Sigurðsson sem var ekki tilbúinn og boltinn hrökk af honum. Björn Jónsson er að eiga alveg fínasta leik hér í kvöld.
49. mín
Dauðafæri! Grétar Sigfinnur ákvað allt í einu að gerast sóknarmaður og átti laglegt samspil við Baldur Sigurðsson en skot hans fór rétt framhjá markinu.
52. mín
Guðjón Baldvinsson er að sleppa einn í gegn en stígur á boltann og dettur flatur... ílla farið með gott tækifæri.
53. mín Gult spjald: Hannes Þór Halldórsson (KR)
Hannes fær gult fyrir það að taka boltann með hendi rétt fyirr utan teig. Gunnar Már tekur aukaspyrnuna en hún fer af varnarmanni og í horn.
56. mín
Þorstein Ingason kemst í gott færi eftir langa aukaspyrnu en skot hans ekki nægilega gott, auðveldur bolti fyrir Hannes.
58. mín Gult spjald: Viktor Bjarki Arnarsson (KR)
Viktor Bjarki fær gult spjald fyirr brot á miðjum vallarhelmingi KR, virtist vera eitthvað pirraður.
60. mín
Víti!! KRingar fá víti, Atli Sigurjónsson gerist brotlegur, tosaði þarna Björn Jónsson niður og réttilega dæmt víti.
61. mín Mark úr víti!
Kjartan Henry Finnbogason (KR)
Kjartan Henry skorar úr vítinu, stöngin inn! Srdjan Rajkovic náði að koma hendi í boltann en ekki nægilega mikið.
61. mín Gult spjald: Atli Sigurjónsson (Þór )
Atli fékk spjald þegar hann gaf vítið, gleymdi mér aðeins þarna.
63. mín Gult spjald: Atli Sigurjónsson (KR)
Fyrir brot á vallarhelmingi Þórs
65. mín Gult spjald: Grétar Sigfinnur Sigurðarson (KR)
Fyrir brot á miðjum velli, nokkuð hressileg tækling.
66. mín
Inn:Dofri Snorrason (KR) Út:Magnús Már Lúðvíksson (KR)
66. mín
Inn:Egill Jónsson (KR) Út:Björn Jónsson (KR)
69. mín Gult spjald: Gunnar Þór Gunnarsson (KR)
Menn eru duglegir að safna spjöldum þessa stundina
73. mín
Inn:Sigurður Marinó Kristjánsson (Þór ) Út:Ingi Freyr Hilmarsson (Þór )
74. mín
Þessi leikur hefur aðeins róast eftir þetta jöfnunarmark, er ekki að koma tími á smá lokasprett?
75. mín
Það er að verða nokkuð dimmt hér á vellinum, nú væri gott að vera með flóðljós
76. mín Rautt spjald: Kjartan Henry Finnbogason (KR)
Kjartan Henry er að fá sitt annað gula spjald hér í kvöld fyrir Það að sparka í Linta. Virkaði óvart og Kjartan er ekki sáttur.
Rúnar Ingimarsson
Skemmdir á stúku Þórsvallar eftir pirraðan Kjartan Henry #fotbolti #pirraður #skapheitur
82. mín
Inn:Ármann Pétur Ævarsson (Þór ) Út:Sveinn Elías Jónsson (Þór )
83. mín
KRingar fá aukaspyrnu eins nálægt vítateignum og hægt er held ég, einhver KRingar vildu þarna fá víti en Gunnar Jarl var ekki sammála því. Egill Jónsson tekur aukaspyrnuna en skot hans fer yfir.
86. mín MARK!
Grétar Sigfinnur Sigurðarson (KR)
Grétar Sigfinnu skorar og það eftir horn. Egill Jónsson tók hornið og þar var Grétar mættur grimmastur allra og stangaði boltann í netið!
89. mín
KRingar eru manni færri en það er alls ekki að sjá á leik liðsins. Þeir halda áfram að pressa Þórsara eftir þetta mark!
90. mín
Þórsarar hrúga mönnum fram í von um að ná nöfnunarmarki á lokasprettinum
90. mín
Leik lokið, KR náði að skora sigurmarkið þrátt fyrir það að vera manni færri og fyrir það fá menn hrós! Nánari umfjöllun og viðtöl væntanleg bráðlega.
Byrjunarlið:
Viktor Bjarki Arnarsson
2. Grétar Sigfinnur Sigurðarson
6. Gunnar Þór Gunnarsson
8. Baldur Sigurðsson
9. Kjartan Henry Finnbogason
18. Aron Bjarki Jósepsson
21. Guðmundur Reynir Gunnarsson
23. Atli Sigurjónsson

Varamenn:
5. Egill Jónsson ('66)

Liðsstjórn:

Gul spjöld:
Gunnar Þór Gunnarsson ('69)
Grétar Sigfinnur Sigurðarson ('65)
Atli Sigurjónsson ('63)
Viktor Bjarki Arnarsson ('58)
Hannes Þór Halldórsson ('53)
Kjartan Henry Finnbogason ('25)

Rauð spjöld:
Kjartan Henry Finnbogason ('76)