Bæði lið höfðu lítið fyrir markaskorun í síðustu umferð. Keflavík gerði markalaust jafntefli við Leikni Reykjavík og hið sama var uppá teningnum hjá HK er þeir heimsóttu Leikni frá Fáskrúðsfirði. Það hljóta því einhver mörk að detta í kvöld.

Við komum með beina textalýsingu þegar leikur hefst.

Dómari leiksins er Brett Huxtable. Hann kemur frá Englandi og hefur verið að dæma þar í neðri deildum. Ekki þekkir fréttaritari neitt til þessa ágæta drengs en það verður forvitnilegt að sjá hvernig hann höndlar Íslenska víkinga.

Félagi Brett er svo fjórði dómari og er það Ben Toner, stundum nefndur "Benni Blek"

Keflvíkingar tefla fram óbreyttu byrjunarliði frá síðasta leik.
HK gerir eina breytingu á byrjunarliði sínu frá síðasta leik, Hinrik Atli Smárason kemur inn í stað Árna Arnarsonar.

Góðan dag og verið velkomin með okkur í beina textalýsingu frá Nettóvellinum í Keflavík þar sem heimamenn taka á móti HK í Inkasso deildinni í kvöld.
Staða liðanna fyrir leik er ólík. Keflvíkingar í fimmta sæti með 18 stig meðan HK er í tíunda sæti með 11 stig.
Með sigri geta bæði lið komist vel upp töfluna. Keflvíkingar myndu jafna nágranna sína úr Grindavík í 2 - 3 sæti og HK myndi með sigri hoppa upp í sjöunda sæti og kveðja þar með falldrauginn í bili.

Við bíðum eftir byrjunarliðunum og setjum þau inn um leið og skýrslan berst okkur.