Malen, Maguire, Rashford, Greenwood, Yoro, Eriksen og fleiri góðir í slúðri dagsins
Barcelona
3
1
AC Milan
Lionel Messi '10 , víti 1-0
1-1 Antonio Nocerino '33
Lionel Messi '41 2-1
Andres Iniesta '54 3-1
03.04.2012  -  18:45
Camp Nou
Meistaradeild evrópu
Dómari: Björn Kuipers
Byrjunarlið:
1. Victor Valdes (m)
2. Daniel Alves
3. Gerard Pique ('74)
4. Cesc Fabregas ('77)
5. Carles Puyol
6. Xavi ('63)
8. Andres Iniesta
10. Lionel Messi
14. Javier Mascherano
16. Sergio Busquets
39. Isaac Cuenca

Varamenn:
9. Alexis Sanchez
11. Thiago ('63)
13. Jose Pinto (m)
15. Seydou Keita ('77)
17. Pedro
21. Adriano ('74)
37. Cristian Tello

Liðsstjórn:

Gul spjöld:
Javier Mascherano ('66)
Isaac Cuenca ('86)

Rauð spjöld:
90. mín
Það féll allt með Barcelona í kvöld, sérstaklega ákvarðanir dómarans. Meðal annars mjög umdeild vítaspyrna rétt áður en flautað var til hálfleiks sem breytti leiknum mikið. Milan menn voru með leikplan sem þeir stóðu vel við en voru óheppnir í heildina litið, Barcelona menn gerðu það sem þeir þurftu og fara því áfram í undanúrslit, mæta þar annaðhvort Chelsea eða Benfica.

Ég þakka kærlega fyrir mig kæru lesendur
Kári Örn, @kariorn
Leik lokið!
Leiknum er lokið með 3-1 sigri Barcelona. Bayern vann líka 2-0 sigur í Þýskalandi eru líka komnir áfram.
90. mín Gult spjald: Antonio Nocerino (AC Milan)
Markaskorarinn Nocerino straujar Adriano og fær gult spjald að launum.
90. mín Gult spjald: Kevin Constant (AC Milan)
Maxi Lopez hefur verið að væla í dómaranum síðan að hann kom inná, fór yfir línuna núna og fær gult spjald að launum.
90. mín
Meðan að sigursöngvar óma um Camp Nou halda Milan menn boltanum og reyna að finna leiðir í gegn um vörn Barcelona sem stenst þó flest áhlaup. Valdes næstum því búinn að missa boltann eftir sendingu inn í teiginn en sleppur með skrekkinn.
88. mín
Adriano kemst einn í gegn vinstra meginn eftir frábæra sendingu Mascherano en það vantar mikið upp á finishið sem truflar ekki Abbiati af neinu ráði.
86. mín Gult spjald: Isaac Cuenca (Barcelona)
Cuenca, sem hefur vart sést í leiknum nælir sér í gult spjald eftir peysutog á Mexes..
84. mín
Inn:Kevin Constant (AC Milan) Út:Antonio Nocerino (AC Milan)
Leiðinlegt fyrir Pato að þurfa að fara af velli í leiknum sem hann kemur til baka. Er búinn að vera hjá sérfræðingum í Bandaríkjunum undanfarið en er tekinn af velli hérna með rúmlega 7 mínútur eftir.
80. mín
Þessa stundina halda Milan menn boltanum og reyna að byggja upp sóknir, Barcelona verst þó vel.
77. mín
Inn:Seydou Keita (Barcelona) Út:Cesc Fabregas (Barcelona)
76. mín Gult spjald: Robinho (AC Milan)
Robinho andar á Iniesta og fær gult spjald, mjög vægur dómur.
74. mín
Inn:Adriano (Barcelona) Út:Gerard Pique (Barcelona)
Pique meiðist í skallabolta eftir að hafa lennt illa, hann fer bara heim til Shakiru og við þurfum ekkert að vorkenna honum, Adriano kemur inn fyrir hann.
69. mín
Inn:Antonio Nocerino (AC Milan) Út:Kevin-Prince Boateng (AC Milan)
Thiago klúðrar dauðafæri eftir undirbúning Messi. Í kjölfarið er Boateng skipt út hjá Milan fyrir brasilíska undrabarnið Pato.
67. mín
Milan menn eru ekki búnir að gefast upp, halda áfram að sækja, Robinho næstum kominn í dauðafæri eftir undirbúning Abate en Puyol nær að setja tánna í boltann og bjarga.
66. mín Gult spjald: Javier Mascherano (Barcelona)
64. mín
Leiðinlegt að sjá Clarence Seedorf fara af velli, maðurinn sem hefur unnið meistaradeildina með Ajax, Real og Milan, er mögulega að leika sinn síðasta leik í meistaradeildinni enda rennur samningur hans út við Milan í sumar.
63. mín
Inn:Thiago (Barcelona) Út:Xavi (Barcelona)
61. mín
Inn:Alberto Aquilani (AC Milan) Út:Clarence Seedorf (AC Milan)
Umtalaður Seedorf er tekinn af velli fyrir Alberto Aquilani.
59. mín
Milan menn eru ekki hættir, sérstaklega ekki Boateng sem skeiðar upp kantinn og vinnur hornspyrnu. Seedorf kemur með góða spyrnu inn í teiginn beint á kollinn á Boateng sem skallar yfir markið.
58. mín
Miðað við gang leiksins í kvöld ætti staðan ekki að vera 3-1 fyrir Barcelona, Milan menn hafa verið duglegir í vörn og beittir fram á við.
54. mín MARK!
Andres Iniesta (Barcelona)
Mark! Iniesta klárar frábærlega eftir að skot Messi var varið beint í fæturnar á honum. Nú er á brattann að sækja fyrir AC Milan.
52. mín
Milan menn minna reglulega á sig fram á við, í þetta sinn er það Boateng sem vinnur hornspyrnu eftir góða skyndisókn.
50. mín
Staðan í Þýskalandi er 2-0 fyrir Bayern, Olic með tvö fyrir þá þýsku sem eru búnir að klára þetta einvígi.
49. mín
Xavi á fyrstu marktilraun seinni hálfleiks, aukaspyrna af 25 metra færi sem fer rétt framhjá markinu. Abbiati var þó með þennann bolta.
46. mín
Seinni hálfleikur er hafinn.
45. mín
Milan menn hafa átt góðar rispur samt sem áður, ógnað marki Barcelona reglulega og svo er Pato á bekknum, sem að skoraði seinna mark Milan á Camp Nou í riðlakeppninni þegar að þessi tvö lið mættust fyrr í vetur, þá enduðu leikar 2-2. Ætli við fáum Deja Vu?
45. mín
Seinna vítið er svakalegt álitamál verð ég að segja, maður býst við betri vörn frá goðsögn eins og Nesta en hann heldur í treyjuna hans Busquets og gefur dómaranum þennann möguleika. Maður sér sjaldan svona dóma og hann var sannarlega vægur, er þetta ekki af hverju við elskum fótbolta, maður getur rætt svona fram í næstu viku?
Egill Gudjohnsen
Ef þetta er víti þá eru 50 víti í hverjum leik !
45. mín
Zlatan er örugglega ekki sáttur með þetta skot, beint í vegginn og Kuipers dómari flautar til leikhlés.
45. mín
Xavi brýtur klaufalega á sér rétt fyrir utan teig, gott skotfæri fyrir Milan í uppsiglingu.
44. mín
Barcelona ætlar að láta hné fylgja kviði og klára þetta hérna í fyrri hálfleik, aðeins góð markvarsla Abbiati frá Messi heldur Milan inní leiknum!
41. mín MARK!
Lionel Messi (Barcelona)
Messi tekur vítið og skorar af öryggi í vinstra horn Abbiatti, þetta var mjög vægur dómur en Nesta bauð hættunni heim þarna með því að toga í peysuna hans Busquets svo að allir sáu. Þetta er ekki Ítölsk vörn eins og við þekkjum hana.
41. mín Gult spjald: Alessandro Nesta (AC Milan)
Nesta kemur sér í leikbann eftir að hafa togað peysuna af Busquets í teignum og víti réttilega dæmt, hvað var þessu reynslumikli leikmaður að hugsa??!!!
38. mín
Nú ætla ég ekki að vera að mála skrattann á vegginn en Barca vinnur aukaspyrnu langt utan á velli, Messi tekur boltann og sendir háann bolta inn í teiginn þar sem Puyol og Pique eru mættir. Þetta var eitthvað sem Stoke City hefði gert en ekki Barcelona.
37. mín
Færi! Xavi kemst í ágætt skotfæri en Abiatti verð örugglega í markinu hjá Milan.
34. mín
Eins og er, eru Milan menn að fara áfram á útivallarmarki. Milan menn hafa svarað markinu hjá Barcelona mjög vel og uppskorið þetta frábæra mark!
33. mín MARK!
Antonio Nocerino (AC Milan)
Antonio Nocerino skorar!!! Frábært finish eftir snilldar sendingu frá Zlatan Ibrahimovic. Alveg upp úr þurru en frábært mark hjá AC Milan!
30. mín
Barcelona á aukaspyrnu úr sæmilegri stöðu sem Alves klúðar á skemmtilegan hátt. Ætti kannski bara að halda sig við að sóla menn á kanntinum.
26. mín
Alves skeiðar upp völlinn, hleypur léttilega framhjá nokkrum Milan mönnum áður en að Nesta tekur þetta á sig og stoppar hann.
23. mín
Fabregas hefur verið áberandi bestur á vellinum í kvöld, átt hverja sendinguna á fætur annari í fætur Messi, Abate er ekki öfundsverður í hlutverkinu að passa upp á hann þessa stundina.
20. mín
Milan menn hafa svarað markinu ágætlega, ennþá ekki skapað sér nein afgerandi færi en hafa haldið boltanum ágætlega, unnið hornspyrnur og passað að Barcelona skapi sér ekki færi.
15. mín
Markið ætti þó ekki að breyta planinu hjá Milan neitt, þeir þurfa ennþá bara að skora eitt ósvarað mark til að komast áfram. Hafa átt nokkrar efnilega sóknir á fyrsta korterinu án þess þó að skapa sér nein afgerandi færi.
10. mín Mark úr víti!
Lionel Messi (Barcelona)
Mark!!!!!!! Messi vinnur boltann af Nesta, stingur hann af og í kjölfarið tæklar Antonini hann inní teig og það er réttilega dæmt víti. Hann skorar svo sjálfur úr vítinu í alveg út í hægra horn Abiatti sem var þó nálægt því að verja.
7. mín
Mögnuð sókn hjá Barcelona, Alves, yfir á Fabregas sem vippar honum yfir vörn Milan beint á Messi sem er einn á móti Abbiati en skýtur honum framhjá! Frábært spil en hægri löppin á Messi sveik hann í þetta skiptið.
6. mín
Allt að frétta núna og aðeins 5 mínútur liðnar, Milan hefur átt tvær skyndisóknir sem vörn Börsunga hefur þurft að verjast vel, strax eftir það fær Messi boltann og kemur sér í góða skotstöðu en þrumar honum beint á Christian Abbiati í markinu.
4. mín
Zlatan er greinilega í stuði í kvöld, í fyrsta skiptið sem hann fær boltann hleypur hann á vörn Barcelona og kemur sér næstum því í gott skotfæri ef ekki hefði verið fyrir góða vörn Pique.
1. mín
Barcelona byrjar með boltann.
Fyrir leik
Áhugaverð tölfræði, alltaf þegar að Milan hefur gert 0-0 jafntefli í fyrri leik sínum í meistaradeildinni hafa þeir komist áfram í seinni leiknum.
Ásmundur Pálsson
Milan að fara beinustu leið í semi finals! Spái 1-2 fyrir Milan og Zlatan netmöskvar einu rosalegu #fotbolti #CL
Haukur Eyþórsson:
Það þarf slatti að falla með Milan en ég held þeir rétt hafi þetta ef þeir eru ekki undir í hálfleik!
Fyrir leik
Mun líka pósta öllu markverða sem gerist í Þýskalandi þar sem Bayern tekur á móti Marseille.
Fyrir leik
Zlatan og Robinho byrja líka báðir, þeir eru engir sérstakir vinir og talast helst ekki við en hafa ágætan skilning samann fótboltalega séð. Þeir eiga að að sjá um sóknartilburði Milan í kvöld. Zlatan á örugglega eftir að vera í stuði líka enda þolir hann heldur ekki þjálfara Barcelona, Pep Guardiola eftir að átt erfitt uppdráttar þegar að hann var á mála hjá liðinu frá Katalóníu.
Fyrir leik
Byrjunarliðin komin inn, Xavi, Busquets, Iniesta og Fabregas byrja allir. Guardiola ætlar greinilega að spila í gegn um miðjuna í kvöld.
Fyrir leik
Minni fólk á að nota hashtagið #fotbolti ef það er að tjá sig um leikinn í kvöld á twitter því völnum tístum verður póstað á lýsinguna. Sjáflur er ég á twitter undir nafninu @kariorn
Fyrir leik
Hér verður bein lýsing frá leik Barcelona og AC Milan í 8 liða úrslitum meistaradeildar evrópu. Með alla leikmennina sem verða á vellinum í Barcelona á eftir er erfitt að ímynda sér að þetta verði leiðinlegur leikur, sérstaklega því fyrri leikurinn fór 0-0 og er því einvígið ennþá galopið.
Byrjunarlið:
32. Christian Abbiati (m)
5. Philippe Mexes
10. Clarence Seedorf ('61)
10. Kevin-Prince Boateng ('69)
11. Zlatan Ibrahimovic
13. Alessandro Nesta
20. Ignazio Abate
22. Antonio Nocerino ('69) ('84)
23. Massimo Ambrosini
70. Robinho
77. Luca Antonini

Varamenn:
1. Marco Amelia (m)
18. Alberto Aquilani ('61)
21. Kevin Constant ('84)
25. Daniele Bonera
28. Urby Emanuelson
76. Mario Yepes

Liðsstjórn:

Gul spjöld:
Alessandro Nesta ('41)
Robinho ('76)
Antonio Nocerino ('90)
Kevin Constant ('90)

Rauð spjöld: