Skagamenn eru sem stendur tveimur stigum á eftir Stjörnunni í öðru sætinu. Ná ÍA að gera eitthvað stórkostlegt í lok móts?

Margmenni í Fylkisstúkunni, glæsilegt að sjá að menn séu ekki búnir að missa trúna í Árbænum.

Luka Kostic spáði fyrir um leiki 16.umferðar á Fótbolta.net. Luka er þjálfari Hauka í 1.deildinni.

Fylkir 2 - 2 ÍA
Fylkismenn eru komnir í stöðu sem þeir hafa barist fyrir lengi, að eiga raunhæfa möguleika á að halda sér. Þeir eiga eftir að sækja en það er erfitt að eiga við Skagamenn. Garðar er sjóðandi heitur hjá ÍA og þetta endar 2-2.

Eiríkur Stefán Ásgeirsson blaðamaður hjá 365 miðlum.
Þetta fer svona 4-0. Tonci skorar eitt með skalla eftir horn, Albert skorar eitt og svo skorar Andrés Már tvö.

Liðin eru mætt í upphitun og við fáum að heyra creame of the crop í tónlistarbransanum í dag í bland við klassíkera, það er engin afsökun fyrir því að koma ekki á völlinn, veðrið verður ekki betra, Floridana skiltið sýnir 27 gráður. Ég er ekki langt frá því að kaupa það bara.

Margir voru búnir að dæma Fylkismenn niður snemma sumars en upp á síðkastið hafa þeir verið að bíta frá sér, það væri stórkostlegur árángur ef þeir næðu að halda sér uppi eftir arfaslaka frammistöðu í byrjun sumars.

Eins og ég segi, ansi fróðlegur leikur sem getur opnað upp deildina, þá aðallega neðri hlutann að sjálfsögðu.

Fyrir nokkrum vikum var fólk farið að tala um að ÍA væri jafnvel að fara að gera atlögu að topp 4 með áframhaldandi spilamennsku. Tapi þeir aftur á móti í dag sogast þeir nær fallsvæðinu og verða einungis 6 stigum á undan Fylki með 18 stig eftir í pottinum.

Arnar Bragi Bergsson kemur inn í byrjunarlið Fylkis fyrir Andra Þór Jónsson en að öðru leyti stillir Hermann Hreiðarsson upp sama liði og í 2-1 sigrinum á ÍBV. Andrés Már Jóhannesson fer í bakvörðinn og Arnar Bragi inn á miðjuna.

Ármann Smári Björnsson snýr aftur í lið ÍA eftir meiðsli. Hann kemur inn fyrir Arnór Snæ Guðmundsson sem er farinn í skóla til Bandaríkjanna og spilar ekki meira á tímabilinu.

Guðmundur Böðvar Guðjónsson er í leikbanni og Albert Hafsteinsson kemur inn á miðjuna fyrir hann. Tryggvi Hrafn Haraldsson kemur einnig inn fyrir Ólaf Val Valdimarsson.

Fyrri leik þessara liða lauk með 1-1 jafntefli á Akranesi. Þá komust Fylkir yfir snemma leiks en ÍA jafnaði stuttu síðar og þar við sat.

Markaskorarar í þeim leik og jafnframt heitustu menn þessa tímabils hjá báðum liðum voru Garðar Gunnlaugsson og Albert Brynjar Ingason. Garðar er kominn með 12 mörk í 15 leikjum en Albert með 6 í 15, Garðar er lang markahæsti maður deildarinnar, næsti maður á eftir honum er Kristinn Freyr og Tokic með 8 mörk.

Ansi áhugaverður leikur ef út í það er farið.

Fylkismenn verið í ágætis stíganda undanfarið. Í síðustu þremur leikjum hafa þeir gert jafntefli við Val og Breiðablik en í síðasta leik unnu þeir sterkan útisigur gegn ÍBV og ríghéldu í líflínuna sína í Pepsi deildinni.

Eftir 5 sigurleiki í röð í júní og júlí hefur Skagamönnum örlítið fatast flugið. Í síðustu þremur leikjum hafa þeir tapað gegn FH og Fjölni en í síðasta leik minntu þeir á sig með 3-0 sigri á Víkingum frá Ólafsvík.

Það hefði ég haldið!

Hér mun fara fram bein textalýsing frá leik Fylkis og ÍA sem leikinn verður í Árbænum.